1 Timɔte 6:16 - Cebaara Bible 2010

¹⁶ woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

1 Timɔte 6:16 Iomraidhean Croise

Zyɔbi 37:23

Wolo a gbǎn nan Séew Myɛ Kàfɔlɔ na í, wi n kpɔ́ʔɔ séew kabaan na, ní kútiisinw kàbaan na, ní sínni fànʔa kàbaan na. Wi o sínni faari í.

Ŋúnuyi 104:2

Mɔ n miyɛɛ mígi ní gbɛ̀ɛ́nmi ní àmɛɛ burogbɔʔɔ nyɛ lè. Mɔ n nyɛ̀ʔɛni cariga àmɛɛ fànikpaʔa nyɛ lè.

Ŋúnuyi 90:2

Sáni nyanbeleyi í see lè, n tári ní dulunyanw yaʔa mɔ da kɔ́ɔ̀ di sámaga í, nlaa yaà làrigèle myɛ ni kwɔ́ɔmɔ fun, mɔ wi nyɛ Kolocɔlɔɔ.

Yirile 3:14

A Kolocɔlɔɔ gi joo Mowizi ma níì wi pye: «Mii wi nyɛ Wee wi nyɛ lè. Kánmi naa na mɔ a sa gi joo Isirayɛli ye ma, si be pye: ‹Wee be yiri lè: MII WI NYƐ, woro wi mii tun yele ma.› »

Yirile 33:20

A wi níì jo: «Mɔ a gbǎn mii yɛ́ɛgi nyaa í, níì cán syɔɔn faala a gbǎn mii nyaa si kòro sìi na í.»

Ezayi 57:15

Níì cán wee wi nyɛ Pe Myɛ Nyúngo na lè, woro wee tɛɛ̀tɛ́nɛgɛ gi nyɛ lè bàngwɔɔ wóʔo, wi mɛ́ɛgi si i nyɛ wojanga ní, wi n jo: «Mii i nyɛ wodɛ́ɛɔn ní ǹjoʔo ma, tɛɛcǎngi ni, kàjáa mii wɔ́ɔ i nyɛ ní syɔ́ɔnwee ní wi kàdoʔo wáa wi kapeegèle ma lè, ní wee wi wiyɛɛ jɛ́rɛ wi pǐli ni lè, koro ga pye bi fànʔa le wee ni wi wiyɛɛ jɛ́rɛ wi pǐli ni lè, bi wɔ́ɔ fànʔa le wee fúngo ni wi kàdoʔo wáa wi kapeegèle ma lè.

Habakuki 3:4

Wi gbɛ̀ɛ́nmi i daragi àmɛɛ cángi làla wómɔ nyɛ lè. Gbɛ̀ɛnmɛ darigala i yìrigí wi kɔ́gi ma. Nɛɛ bee wi fǎngi làra!

Zyan 1:18

Syɔɔn ga tɔ̀nɔ n kɔ́ɔ̀ Kolocɔlɔɔ nyaa í, fwɔɔ Jaafɔw nibin wi nyɛ lè Kolocɔlɔɔ, ní i nyɛ ní Tofɔw ní làla o làla, woro wi Kolocɔlɔɔ kánmi tɛ̀ɛn wo na n fílige.

Zyan 14:9

A Zyezu wi yari: «Filipi, a mii làrigèle naa myɛ kwɔ́ɔ lé ní yele ní mɔ ga sèʔê mii cán í? Syɔ́ɔnwee wi mii nyaa lè, Tofɔw wi nyaa. Mɛ̀ɛ́ si mɔ jo mii í ní Tofɔw tɛ̀ɛn yele na bi sɛ́ɛ?

Zyan 6:46

Kàjáa syɔɔn faala ga kɔ́ɔ̀ Tofɔw Kolocɔlɔɔ nyaa í, kapye wee ban wi yìri yaà wi ma n pan lè í, woro wi Tofɔw nyaa.

Zyan 8:58

A Zyezu be pye: «Mii a tɔ̀nɔ́ gi joo yele ma kányɛʔɛ ni, sáni pe Abirahami see lè, mii maa téè pye yaà.»

Efɛzi ye 3:21

wee bee na nìjangbɔɔri yɛlɛ Egiliziw ni, ní wɔ́ɔ̀ yɛlɛ wi na Kirisi Zyezu ni làrigèle myɛ ni kwɔ́ɔmɔ fun. Amiina.

Làlwaw Kaanziin 32:40

Níì cán mii n mii kɔ́gi yìrige n wáa nyɛ̀ʔɛni ma, ní i gi nyuu níì jo: ‹Mii i nyɛ sìi na bi kòro beè làla o làla.

Filipikaʔa ye 4:20

Kolocɔlɔɔ wi lè wolo Tóow, woro na nìjangbɔɔri yɛlɛ làla o làla kwɔ́ɔmɔ fun. Amiina!

Kɔlɔsi ye 1:15

Kolocɔlɔɔ wi lè syɔɔn o wi nyaagi í, wi Jáaw wi nyɛ wi niwiriw, woro wi nyɛ Kolocɔlɔɔ pìiseliw wi yakpéʔeleri myɛ yɛ́ʔɛ na.

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

Heburubèle 13:8

Zyezu Kirisi i nyɛ kanijanma na cànʔaniw yoo, níjanʔa yoo, fwɔɔ làla o làla.

Zyaki 1:17

ki n yɛlɛ ye gi cán yakaanree myɛ di nyɛ lè wojanra ní, ní kpɔ́ʔɔree di nyɔɔ n foro lè, toro myɛ i yìrigí Kolocɔlɔɔ ma, woro wee wi gbɛ̀ɛ́nmi yárira myɛ kpéʔele lè, ti lè nyɛ̀ʔɛni na, woro wee wi wɔ́ɔ̄ nyɛ lè wi o fɛ̀ɛ́ í, wi si wɔ́ɔ o kàragí àmɛɛ nyínmi nyɛ lè í.

1 Zyan 1:5

Syɛ́ɛnree wolo da lóʔo wi ma lè bi joo yele ma, toro di nyɛ dee naa, ti n jo: Kolocɔlɔɔ i nyɛ gbɛ̀ɛnmɛ, yébilimɛ o nyɛ wi ni nyáana í.

1 Zyan 1:7

Wolo si ga ni táanri gbɛ̀ɛ́nmi ni àmɛɛ Kolocɔlɔɔ nyɛ lè gbɛ̀ɛ́nmi ni, wolo i nyɛ wi pínɛnyɛ̀nnɛ, wi Jáaw Zyezu sìsyaanw si i wolo kapeegèle myɛ jé ni mùú ni láari wolo na.

1 Zyan 4:12

Syɔɔnwaa faala ga kɔ́ɔ̀ Kolocɔlɔɔ nyaa nyáana í. Kapye wolo n tàmaga le ní woyɛɛ ní, Kolocɔlɔɔ i nyɛ wolo fúnyi ni, a wi tàmagi wɔ́ɔ i nyɛ wolo ni n foro.

Zyudi 1:25

woro wee wi nyɛ lè Kolocɔlɔɔ nibin, ní i nyɛ wolo Syɔɔfɔw, wolo Kàfɔw Zyezu Kirisi bárigaw ni, woro na nìjangbɔɔri, ní kpɔ́ɔmi, ní fǎngi, ní séew yɛlɛ làrigèle myɛ ni, booma wógèle yoo, tɔ́ɔliw ni yoo, fwɔɔ làla o làla! Amiina!

Tɛ̀ɛnnɛ 1:6

níì wolo kpéʔele fànnyɔɔgaa, gee ni wolo nyɛ lè wi Tóow Kolocɔlɔɔ sáriga-wòlobēle, woro wee na nìjangbɔɔri ní séekpɔɔw yɛlɛ lè làla o làla kwɔ́ɔmɔ fun! Amiina!

Tɛ̀ɛnnɛ 1:8

Kàfɔw Kolocɔlɔɔ wi gi joo níì jo: «Mii wee wi nyɛ lè, ní mii wee wi da pye yaà lè, ní mii wee wi maa lè, mii wi nyɛ Alifa ní Omega, mii wi lè Séew Myɛ Kàfɔlɔ.»

Tɛ̀ɛnnɛ 21:3

A mii yákpogbɔɔlɔ lóʔo fàngoli ni a li jo: «Wéle, Kolocɔlɔɔ tɛɛkòrogi i nyɛ syɛ́ɛnbèle nínge ni! Wi a kòro ní be ní, pe a pye wi syɛ́ɛnbèle, Kolocɔlɔɔ tiimaa a pye ní be ní, si pye be Kolocɔlɔw.

Tɛ̀ɛnnɛ 22:5

Yébilige a ní pye yaà í, pe màko a ní pye fètinnɛ gbɛ̀ɛnmɛ na í, wàlá cángi wómɔ na í, níì cán Kàfɔw Kolocɔlɔɔ a ra gbɛ̀ɛ́nmi yirigi be ma. Pe a pye fànʔafɔɔlɔ làla o làla kwɔ́ɔmɔ fun.

Tɛ̀ɛnnɛ 4:11

«Nìjangbɔɔri, ní kpɔ̀ʔɔrɔli, ní séew n yɛlɛ mɔ na, mɔ wi nyɛ lè wolo Kàfɔw ní wolo Kolocɔlɔw, níì cán mɔ wi yáriri myɛ faan, ki i nyɛ mɔ nyɛ́nɛ kéele di pye beè, mɔ n di faan n yɛlɛ ní mɔ nyɛ́nɛ kéeli ní.»

Tɛ̀ɛnnɛ 7:12

ní i gi nyuu níì jo: «Amiina. Wolo Kolocɔlɔw na sòololi, ní nìjangbɔɔri, ní sícilimi, ní bariga kaanni, ní kpɔ̀ʔɔrɔli, ní séew, ní bárigaw yɛlɛ làla o làla kwɔ́ɔmɔ fun! Amiina.»