1 Timɔte 6:14 - Cebaara Bible 2010

¹⁴ kajooli naa cò mí pye tɛɛlɛ fun, ní dìgire fun bi taa wolo Kàfɔw Zyezu Kirisi làridɛ̀ɛ́nni í ba nan,

1 Timɔte 6:14 Iomraidhean Croise

1 Cányi kèlē 28:20

A Davidi wi jáaw Salomɔn pye: «Nìrimɛ le, mi lòmaana le, máā báara. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Níì cán Yawe Kolocɔlɔɔ wi lè mii Kolocɔlɔw, woro a pye ní mɔ ní, wi a tée mɔ yaʔa í, wi a tée láʔa mɔ na í fwɔɔ bi taa fáliw myɛ wi nyɛ lè Yawe kpáagi kéele na, wi ba kwɔ́ɔ.

Ŋúnudaangi 4:7

Mɔ n tɔ̀nɔ n nyɔɔ n foro mii pínɛnyɛnjew, tɛɛlɛ faala o nyɛ mɔ na í.

1 Korɛnti ye 1:8

Woro wi a wɔ́ɔ ra fǎngi nii yele ni fwɔɔ bi ba nan canzangi na, jàngó yele í pye dìgire fun wolo Kàfɔw Zyezu Kirisi cángi na.

Efɛzi ye 5:27

koro ga pye bi Egiliziw bee yaʔa wi pye woro ma wojaɔn ní, tɛɛ̀nɔnʔɔgɔ fun, wàlá tɛɛ̀kurɔlɔ fun, kérigèle bee làa faala a kɔ́ pye wi na í, fwɔɔ wi pye womunuyaʔaɔ ní tɛɛlɛ fun.

Filipikaʔa ye 1:10

koro ga pye yele í gbǎn ra kérigèle sɛʔɛ da cángi gele ge nyɔɔ lè, jàngó yele í ba pye kányɛɛgi fɔ̀ɔlɔ ní kajoolo fun syɛɛnnɛ Kirisi cángi na,

Filipikaʔa ye 1:6

Mii n tɔ̀nɔ n tága gee naa na ncan wee wi falicanw séli lè yele fúnyi ni, wee bee wi a ra wi forogi bi taa sa nan Kirisi Zyezu cángi na.

Filipikaʔa ye 2:15

koro ga pye yele í pye kajoolo fun ní tɛɛkolobile fun, si pye Kolocɔlɔɔ tɛɛlɛ fun pìibēle lǎli naa syɛɛnpeebéle ní kakolobyebèle nínge ni, yele gbɛ̀ɛ́nmi sáā nyín da yirigi dulunyanw syɛ̀ɛnnɛ nínge ni àmɛɛ fètingéle nyɛ lè,

Kɔlɔsi ye 1:22

Tɔ́ɔliw ni, Kirisi n yele bɛ̀ɛ ní Kolocɔlɔɔ ní wi tiimaa kùúw báriga ni céri kàbaan na, koro ga pye bi yele tɛ̀ɛn Kolocɔlɔɔ na, wi yele córo wojanbéle ní, si wɔ́ɔ yele córo tɛɛlɛ fun, ní dìgire fun,

Kɔlɔsi ye 4:17

Ye gi joo Arisyipi ma yé wi pye waa wi fáliw kɔ̀rɔsíi wee Kàfɔw kaan woro ma lè, koro ga pye woro í wi kpéʔele foro.

1 Tesaloniki ye 3:13

Koro ga pye wi yele zɔ̌nbèle nìri yele si kòro wojanbéle ní, si wɔ́ɔ pye kajoolo fun wolo Tóow Kolocɔlɔɔ yɛ́ʔɛ ma fwɔɔ bi taa ba nan wolo Kàfɔw Zyezu làribanni na ní wi wojanbèle myɛ ní!

1 Tesaloniki ye 5:23

Ki n yɛlɛ Kolocɔlɔɔ í yele jée mùnu mɛnɛ mɛnɛ, woro wee wi nyɛ lè yɛɛ̀nyingi kaanfɔlɔ, sáā yele pìígèle, ní yele fúnyi, ní yele céri myɛ kɔ̀rɔsíi jàngó ti ba pye kajoolo fun wo Kàfɔw Zyezu Kirisi làribanni ni!

2 Tesaloniki ye 2:1

Ni senyɛ̀nnɛ, gee gi wolo Kàfɔw Zyezu Kirisi panni kéele kwɔ́ɔ lè, ní àmɛɛ wolo a ba kpóʔoro lè wi taana, wolo i yele nyɛ́ɛri níì jo,

2 Tesaloniki ye 2:8

Lǎli bee ni Kapeegèle Syɔ́ɔn a wiyɛɛ dɛ̀ɛn, woro wee Zyezu a ba kpóo lè ní wi nyɔ́ɔgi káfalaga ní, si wi kálagi péw woro panni nìjanra darigala báriga ni.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 4:1

Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Heburubèle 9:14

ànbée Kirisi sìsyaanw a wɔ́ɔ gbǎn tɔ̀nɔ fun kapyegèle jée yirige wolo fúnyi ni bi sɔ̀lɔ, jàngó wolo í da Kolocɔlɔɔ woweew fáli kpéʔele, wi n wiyɛɛ gaan Kolocɔlɔɔ ma tɛɛlɛ fun sáriga, bàngwɔɔ Pìicǎnni báriga ni!

Heburubèle 9:28

ànbée Kirisi wɔ́ɔ̀ pye sáriga tɔlɔgɔ nibin jàngó bi syɛ̀ɛnnɛ saʔa kapeegéle túgoro tugo, wi ga baa wiyɛɛ dɛ̀ɛn tɔziin wógi na, ki a ní pye kapeegèle kéele na í, kàjáa bele be wi sige ní lòmaana ní lè, poro wi a ba syɔɔ.

1 Pyɛri 1:19

Kàjáa wi n yele syɔɔ lɔgbanra na ti lè Kirisi sìsyaanw, wee wi nyɛ lè àmɛɛ tɛɛlɛ fun ní fɔɔnrɔ fun bàpile wóo nyɛ lè.

1 Pyɛri 1:7

Kagbanyi bee nyúngo i nyɛ bi yele tágali sɛʔɛ wéle, loro lee li nyɔɔ n sɔ̀lɔ lè tɛ́ɛw na wi nyɛ lè yakwɔʔɔ, pe si i wi sɛʔɛ ni wéle ní náagi ní, kánmi bee na fwɔɔ yele tágali í sɛʔɛ wéle koro ga pye yele si sòololo, ní nìjanra, ní kpɔɔmɔ taa Zyezu Kirisi làridɛ̀ɛ́nni ni.

2 Pyɛri 2:21

Níì cán sínni kólogo sinjánma mǎà dée pɔ́rɔ be ma, sáni be gi cán lè si ní kàdoʔo wáa tundunjanri ma, dee Kolocɔlɔɔ kaan be ma lè.

2 Pyɛri 3:14

Gee bee na, mii syɛɛn-nidaanmabèle, àmɛɛ yele kérigèle bee sige lè, yaa lòmaana kpéʔele, koro ga pye wi ba yele nyaa fɔɔnrɔ fun, ní tɛɛlɛ fun, yele si wɔ́ɔ pye fûnnyinge na.

2 Pyɛri 3:2

Syɛ́ɛnree kanyaajoocǎnbèle da téè joo lè, ní tundunree Kàfɔw da kaan pìitunbèle ma a be di joo yele ma lè, wi lè Syɔɔfɔw, mii i caa yele í da sɔ̀ngí da taagi di na.

1 Zyan 3:2

Mii syɛɛn-nidaanmabèle, tɔ́ɔliw ni wolo i nyɛ Kolocɔlɔɔ pìibēle, kánmee na si wolo a ba pye lè, kánmi bee ga kɔ́ɔ̀ tɛ̀ɛn wolo na n kwɔ́ɔ í. Wolo si n gi cán Kirisi ga baa wiyɛɛ dɛ̀ɛn, wolo a ba pye àmɛɛ woro nyɛ lè, níì cán kánmee na wi nyɛ lè, wolo a ba wi nyaa kánmi bee na.

Zyudi 1:24

Wee má fànʔa nyɛ lè bi gbǎn ra yele kɔ̀rɔsíi koro ga pye yele a kɔ́ kpírige too í, si yele yérige wi nìjangbɔɔri tɛ́ʔɛ ni bi yele tɛ̀ɛn tɛɛlɛ fun yele si pye fundaangbɔɔrɔ na,

Tɛ̀ɛnnɛ 1:7

Ye wéle, wi i maa ní fàfaanyi ní. Nyapiigèle myɛ si a ba wi nyaa, àlí bele pe da wi súu lè. Tári syɛ̀ɛnnɛ myɛ a ba ra sùpiigèle wáa wi kéeli na. Anbée ki a ba pye. Amiina.