1 Timɔte 6:13 - Cebaara Bible 2010

¹³ Kolocɔlɔɔ wi yáriri myɛ wéege lè, ní Kirisi Zyezu wi séeracǎnw kpéʔele lè Pɔnsi Pilati yɛ́ʔɛ ma, mii a gi joo bi gbàn mɔ ma poro nyɛ́nɛ na si jo,

1 Timɔte 6:13 Iomraidhean Croise

Matye 27:11

A Zyezu yére fànʔafɔw Pilati yɛ́ʔɛ ma. A fànʔafɔw wi yíbe níì jo: «Mɔ lé wi nyɛ Zyefubèle fànʔafɔlɔ?» A Zyezu wi yari: «Ɛɛn, mii wii.»

Matye 27:2

A be wi pwɔɔ n kári n sáà kaan Pilati ma, wi lè fànʔafɔw.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 19:11

A Zyezu wi yari: «Mɔ fánʔa mǎà dée taa mii na í, kapye fǎngi bee ga yìri ǹjoʔo ma n baa kaan mɔ ma í. Gee bee na wee wi mii le mɔ kɔ́yi ni lè, woro kapeeli n kpɔ́ʔɔ n sɔ̀lɔ mɔ wóli na.»

Zyan 5:21

Amɛɛ Tofɔw kúbèle nyángi ni wéegi kánmee na lè, ànbée Jaafɔw wɔ́ɔ̄ sìíw kaangi wi nyɛnɛ wóbèle ma.

Zyan 5:26

Níì cán àmɛɛ Tofɔw Kolocɔlɔɔ nyɛ lè sìi na wiyɛɛ ma, ànbée wi wɔ́ɔ̀ gi kpéʔele Jaafɔw ma wi wɔ́ɔ pye sìi na wiyɛɛ ma,

Kapyegèle 17:25

Wi màko o nyɛ syɔɔn kɔ́lɔ yakpéʔelege na í, níì cán woro wi sìíw, ní ŋɔ́ngari, ní yáriri myɛ kaangi syɛ́ɛnbèle myɛ ma.

2 Korɛnti ye 9:13

Dɛ̀ɛmɛni naa a pye sábabu jàngó paa Kolocɔlɔɔ kpɔ̀ʔɔrɔ́ lǎli ni pe ga baa gi nyaa lè yele n fɔ̀lɔ n yeyɛɛ gaan Kirisi Syɛɛnjóocǎnri ma, níì poro kpɔ́ʔɔ gbanʔama n fàra syɛ́ɛnbèle myɛ na.

Galasi ye 3:26

Níì cán àmɛɛ yele tága Kirisi Zyezu na lè, yele myɛ i nyɛ Kolocɔlɔɔ jàala tágali báriga ni.

Làlwaw Kaanziin 32:39

Koro na tɔ́ɔliw ni ye wéle, mii wi nyɛ Kolocɔlɔɔ, mii nibin pée, kolocɔlɔwaa nikwɔɔ ní o beè n fàra mii na í. Mii wi kpóoli kpéʔele, ní wɔ́ɔ i sìíw kaangi. Mii wi kpàlili kpéʔele, ní wɔ́ɔ i pɔʔɔli kpéʔele. Syɔɔn faala a gbǎn yarigaa yirige mii kɔ́gi ni í.

1 Timɔte 1:12

Mii i bariga kaangi wolo Kàfɔw Kirisi Zyezu ma, woro wee wi fǎngi kaangi mii ma lè níì mii córo tágala syɔ́ɔn, níì mii lége wi fáliw ni,

1 Timɔte 1:15

Syɛ́ɛnri naa mii a joo lè ti i nyɛ kányɛʔɛ syɛ́ɛnrɛ, syɛ́ɛnbèle myɛ n yɛlɛ pe di cò, toro di nyɛ Kirisi Zyezu n pan dulunyanw ni bi ba kapeebyebèle syɔɔ, mii si wi nyɛ pe myɛ yɛ́ʔɛ na kapeebyeri ni.

1 Timɔte 2:5

Níì cán Kolocɔlɔɔ nibin wi yaà, kùsuluo nibin si wɔ́ɔ i yaà Kolocɔlɔɔ ní syɛ́ɛnbèle nínge ni, wi i nyɛ syɔɔn, woro wi nyɛ Kirisi Zyezu,

1 Timɔte 5:21

Mii a gi joo bi gbàn mɔ ma, Kolocɔlɔɔ ní Kirisi Zyezu, ní nyɛ̀ʔɛni tundunnyɛnɛ-wòlobēle nyɛ́nɛ na, ki n yɛlɛ mɔ í syɛ́ɛnri naa cò, ki ga yɛlɛ mɔ í kɔ́ keelaa joo ceri li sìnvilige sìnján ni í, sáā syɛ́ɛnbèle pèle yirigi pèle ni í.

1 Timɔte 6:12

Da tágali kapɛɛnjànna kpúmɔn, mí sìibangwɔɔw cò wi lè mɔ kayeli nyúngo, woro wee kéele na mɔ séeracǎnw joo lè séerafɔbèle saʔa nyɛ́nɛ na.

Tɛ̀ɛnnɛ 1:5

Zyezu Kirisi í wɔ́ɔ di kaan yele ma, wi nyɛ lè séerafɔjǎnw, woro wee wi nyán n yiri kúbèle nínge ni lè wozeliw, ní wɔ́ɔ i nyɛ dulunyanw fànʔafɔɔlɔ Fanʔafɔlɔ! Woro wee wi tàmaga le ní wolo ní lè níì wolo kapeegèle yapwɔɔrɔ sánʔana wolo na wi sìsyaanw wolo báriga ni,

Tɛ̀ɛnnɛ 21:6

A wi níì mii pye: «Ki n kpéʔele! Mii wi nyɛ Alifa ní Omega, gi Sélimi ní gi Kwɔ́ɔmi. Lògbaʔa ga wee jáa lè, mii a wi kaan wi gbaa sìíw lɔ́ʔɔ pùnweele ni kawaʔa na.

Tɛ̀ɛnnɛ 22:1

A nyɛ̀ʔɛni tunduɔn fala n sìíw lɔ́ʔɔ cábiga tɛ̀ɛn mii na, ki maa ni nyɛ́ʔɛnɛ àmɛɛ kirisitali nyɛ lè, ní i yirigi Kolocɔlɔɔ ní Bàpili fàngolo ni,

Tɛ̀ɛnnɛ 3:14

«Dee naa sɛ́bɛ mi tórigo Lawodise Egiliziw tunduɔn ma, mí wi pye: ‹Wee be yiri lè Amiina, wi lè séerafɔjǎnw, woro wee wi nyɛ lè wodelew, ní i nyɛ Kolocɔlɔɔ yakpéʔeleri myɛ sélifɔlɔ, woro wi kérigèle naa joo níì jo:

1 Samyɛli 2:6

Yawe i syɔɔn kúu ní wɔ́ɔ i sìíw kaangi syɔɔn ma. Wi i syɔɔn légi kúbèle tɛɛkòrogo ni ní wɔ́ɔ i syɔɔn yirigi gi ni.