1 Timɔte 6:12 - Cebaara Bible 2010

¹² Da tágali kapɛɛnjànna kpúmɔn, mí sìibangwɔɔw cò wi lè mɔ kayeli nyúngo, woro wee kéele na mɔ séeracǎnw joo lè séerafɔbèle saʔa nyɛ́nɛ na.

1 Timɔte 6:12 Iomraidhean Croise

Ŋúnuyi 63:8

níì cán mɔ wi nyɛ mii dɛ̀ɛmɛfɔw, á mii si i fundaanra yákpolo wáa mɔ fókaanyi láara ni.

Kàseegèle 3:18

Pi i nyɛ sìi tíige pi còvɔbèle ma. Bele be kòro ní bi ní lè, pe i nyɛ dùba pìibēle.

Ŋúnudaangi 3:4

Mii tɛ́nɛ̀ sɔ̀lɔ be na lè terire, wee kéele li mii dɛ́nɛ mii fúngi ni lè, a mii fala n wi nyaa. A mii wi cò, mii si a ní wi yaʔa í, bi taa mii í kári ní wi ní sa lége mii nɔ́ɔw kpaʔa ni, wee wi mii fícɛnni taa lè woro kpaafungi ni.

Ezayi 44:5

Wàa a gi joo si jo: ‹Mii i nyɛ Yawe wóo.› Wàa nikwɔɔ sáā Zyakɔbi mɛ́ɛgi yiri wiyɛɛ na. Wàa nikwɔɔ si wɔ́ɔ gi sɛ́bɛ wi kɔ́gi na si jo: ‹Yawe wóo mii nyɛ,› sáā wiyɛɛ gbɔ́ʔɔgi ní Isirayɛli mɛ́ɛgi ní.»

Zakarii 10:5

Pe a pye àmɛɛ nànniribēle nyɛ lè, bàā kàlari-kóloyi fáriga tánʔana kapɛɛnni ni. Pe a ra kapɛɛnni kpúmɔn, níì cán Yawe a pye ní be ní. Bele be lúgu syɔ́ɔnyi na lè fɛ̀ɛ́ri si poro tɔ́n.

2 Korɛnti ye 6:7

ní kányɛɛgi syɛ́ɛnrɛ, ní Kolocɔlɔɔ séew báriga ni n fàra sínni kapɛɛnkpumɔn-yárira na dee ní wolo kapɛɛnni kpúmɔn ni woyɛɛ zyoo nigoobèle ma lè.

2 Korɛnti ye 9:13

Dɛ̀ɛmɛni naa a pye sábabu jàngó paa Kolocɔlɔɔ kpɔ̀ʔɔrɔ́ lǎli ni pe ga baa gi nyaa lè yele n fɔ̀lɔ n yeyɛɛ gaan Kirisi Syɛɛnjóocǎnri ma, níì poro kpɔ́ʔɔ gbanʔama n fàra syɛ́ɛnbèle myɛ na.

Làlwaw Kaanziin 26:3

Mɔ a kári sáriga-wòlow ma, wee wi nyɛ lè fáliw na cányi bee ni, bi sa wi pye: ‹Mii a gi joo níjanʔa Yawe mɔ Kolocɔlɔw ma si jo mii n jée tári ni, dee kéele na Yawe da kàli wolo tóolɛɛbèle ma níì jo woro a di kaan wolo ma lè.›

Filipikaʔa ye 1:30

Kapɛɛnni wonijanna yele kpúmɔn, lee yele da mii nyaa mii i kpúmɔn lè, níì gi lóʔo mii sèʔé i nyɛ li na fwɔɔ n baa nan níjanʔa na.

Kɔlɔsi ye 3:15

Fûnnyingi Kirisi kaangi lè, ye gee bee yaʔa kaa yele fúnyi kàragí, koro gee kéele na Kolocɔlɔɔ da yele yeri lè níì jo yele í pye cere nibin. Ki n yɛlɛ yaa bariga kaangi wi ma.

1 Tesaloniki ye 2:12

Wolo maa ni yele kɛɛlɛ ní i yele kpɛʔɛlɛ ní i yele nyɛ́ɛri jàngó yele í da táanri da yɛlɛgi ní Kolocɔlɔɔ ní, woro wee wi yele yeri lè yele í pye wi fǎngi, ní wi nìjangbɔɔri ni.

2 Tesaloniki ye 2:14

Koro kéeli na Kolocɔlɔɔ wɔ́ɔ baa yele yeri Syɛɛnjóocǎnri báriga ni, dee wolo sáà joo yele ma lè, jàngó yele í wolo Kàfɔw Zyezu Kirisi nìjangbɔɔri taa.

1 Timɔte 1:18

Mii pìíw Timɔte, mii n tundunri naa kàlifáa mɔ ma n yɛlɛ ní syɛ́ɛnri ní dee pe da sélì joo mɔ kéeli na lè, koro ga pye mɔ í da kapɛɛnjǎnni kpúmɔn ti bárigaw ni,

1 Timɔte 1:19

mí tágali cò ní funviire ní. Syɛ́ɛnbèle pèle n funviiri bee cée níì pùuni tágali kàbaan na, mɔ a jo àmɛɛ kɔ́rɔ gáà kéle lɔ̀ʔɔ ni lè.

1 Timɔte 4:14

Fundoori Pìicǎnni kaan mɔ ma lè, ki ga yɛlɛ mɔ í di faʔa í. Mɔ n di taa kanyaajoori báriga ni, lǎlee ni yɛɛ̀kinibèle da kɔ́yi taʔa mɔ nyúngi na lè.

1 Timɔte 6:13

Kolocɔlɔɔ wi yáriri myɛ wéege lè, ní Kirisi Zyezu wi séeracǎnw kpéʔele lè Pɔnsi Pilati yɛ́ʔɛ ma, mii a gi joo bi gbàn mɔ ma poro nyɛ́nɛ na si jo,

1 Timɔte 6:19

koro ga pye pe a lɔnɛʔɛrɛ kɔn peyɛɛ ma nyɛ̀ʔɛna yɛ́ʔɛ na, dee bee a pye be ma kàpɔɔncàɔn, koro ga pye sìíwee wi nyɛ lè wodelew, pé wee bee sámaga be cò.

2 Timɔte 1:9

Woro wi wolo syɔɔ níì wolo yeri jàngó wolo í pye woro syɛɛncanbéle, wolo kapyegèle kéele si na ban wi wolo syɔɔ í, fwɔɔ woro tiimaa kakɔrirɔli, ní wi kpɔ́ʔɔri kéele na, dee wi da kaan wolo ma lè Kirisi Zyezu ni sáni dulunyanw í séli lè.

2 Timɔte 2:2

Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.

2 Timɔte 4:7

Mii n kapɛɛnjǎnni kpúmɔn, níì kàfyaali fàn n nan láʔali na, ní wɔ́ɔ̀ tágali sámaga n cò.

Heburubèle 13:23

Ki n yɛlɛ ye gi cán pe n wolo senyɛnw Timɔte yirige kàsow ni. Wi ga wári n pan naa mii ma, mii ní wi ní wolo a pínɛ kári yaà sa yele wéle.

Heburubèle 3:14

Níì cán tágali li da sélì pye wolo ma lè, wolo ga li sámaga n cò n taa n sáà nan gi kwɔ́ɔmi na, wolo i nyɛ Kirisi pínɛnyɛ̀nnɛ,

Heburubèle 6:18

jàngó yi katɛɛyi siin yi lè yi a gbǎn fàli í, Kolocɔlɔɔ si a wɔ́ɔ gbǎn finɛ yi kéeli na í, yee bee kéele í wolo kɛɛlɛ gbanʔama, wolo bele wo fàn n sáà sɔ̀ngumi tɛɛtaʔaga taa n cò níì syɔɔ lè, koro gee Kolocɔlɔɔ tɛ́ʔɛ wolo yɛ́ʔɛ ma lè.

1 Pyɛri 3:9

Ki ga yɛlɛ yele í kapeelaa tɛ́ʔɛ bi làa fwɔ́ɔlɔ tɔ́n í, wàlá bi tɛʔɛlɛgaa tɛ́ʔɛ bi kàa fwɔ́ɔlɔ tɔ́n í. Fwɔɔ yaa dùba kpéʔele yeyɛɛ ma, níì cán gee bee gi nyɛ yele yerili nyúngo, koro ga pye yele í pye dùbaw kɔriliibéle.

1 Pyɛri 5:10

Kolocɔlɔɔ wi lè kpɔ́ʔɔri myɛ kaanfɔlɔ, woro wee wi yele yeri lè koro ga pye yele í lɛɛlɛ taa wi kwɔ́ɔmɔ fun nijangbɔɔri ni Kirisi ni, yele ga wɔʔɔ n làla cɛɛri kwɔ́ɔ, wi tiimaa a yele sámaga foro, si nìrimɛ lége yele ni, si fànʔa kaan yele ma yele í sámaga yére.

1 Zyan 2:25

Yárigee nyɔ́ɔ Kirisi fàli wolo ma lè, koro gi nyɛ sìibangwɔɔw.

Zyudi 1:3

Mii syɛɛn-nidaanmabèle, mii maa séli ni ŋàʔaná bi sɛ́bɛwaa sɛ́bɛ tórigo yele ma wolo syɔɔli kéele na, lee na wo pínɛ lè, a mii ní baa gi nyaa ki i nyɛ ŋàʔanaga kéele fwɔɔ mii í wi sɛ́bɛ bi yele kɛɛlɛ si jo, tágalee Kolocɔlɔɔ kàlifáa wi syɛɛncanbèle ma lè, li lè li a gbǎn fàli í, ki n yɛlɛ yele í da kapɛɛnnɛ kpúmɔn li kéeli na.

Tɛ̀ɛnnɛ 3:3

Kánmee na mɔ da Syɛɛnjóocǎnri taa lè, ní àmɛɛ mɔ da di lóʔo lè, ki n yɛlɛ maa sɔ̀ngí maa taagi gee bee na, mí di cò cama, mí kàdoʔo wáa mɔ kapeegèle ma. Kapye mɔ ga kòro nyɛ̀nɛ na í, mii panni a ba mɔ pàla àmɛɛ kàyuuo nyɛ lè, mɔ a tée mii làribanni cán nyáana í.

Jàbɔbèle 3:2

Koro n kpéʔele jàngó Isirayɛli ye yìrigèle syɛ̀ɛnnɛ í kapɛɛnni kéele cán si li tama, poro bele be lè pe da kɔ́ɔ̀ li cán í.