1 Timɔte 6:11 - Cebaara Bible 2010

¹¹ Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

1 Timɔte 6:11 Iomraidhean Croise

1 Fànʔafɔbèle 13:1

Wéle, a Kolocɔlɔɔ syɔ́ɔnwaa yìri Zyuda ma n kári Betɛli ma n yɛlɛ ní Yawe syɛ́ɛnri ní, koro n gi taa Zyerobowami maa pye sáriga-wòlo-yafaangi na bi nùndaanni yárira sórigo.

1 Fànʔafɔbèle 13:26

Kanyaajoow wi da wi lúrugo kólogi na n pan lè, a woro gi lóʔo, níì jo: «Kolocɔlɔɔ syɔ́ɔnw wi Yawe syɛ́ɛnri cée, dee wi da joo n gbàn lè, woro wii. A Yawe si wi le càaraw kɔ́yɔ ni a wi wi sulugu sulugu n kpóo n yɛlɛ ní syɛ́ɛnri ní Yawe da joo wi ma lè.»

1 Fànʔafɔbèle 17:18

A wi Elii pye: «Mɔ Kolocɔlɔɔ syɔ́ɔn, nyàʔá mii pye mɔ na? A mɔ pan lé mii ma bi ba mii sɔ̀ngí taa mii kolomi na si mii pìíw kpóo?»

1 Fànʔafɔbèle 17:24

A céw Elii pye: «Tɔ́ɔliw ni mii n náà gi cán ncan mɔ i nyɛ Kolocɔlɔɔ syɔ́ɔn, ní wɔ́ɔ̀ gi cán Yawe syɛ́ɛnri di yirigi mɔ nyɔ́ɔgi ni lè ti i nyɛ kányɛʔɛ.»

1 Fànʔafɔbèle 20:28

A Kolocɔlɔɔ syɔ́ɔnw pan n baa Isirayɛli fànʔafɔw pye: «Yawe n jo: ‹Sirii ye n jo: Yawe i nyɛ nyanbeleyi kolocɔlɔɔ, wi o nyɛ jǐnlɔyɔ kolocɔlɔɔ í. Mii a syɛɛnnɛʔɛmi bee myɛ le mɔ kɔ́yi ni, koro ga pye yele a gi cán bi cán mii wi nyɛ Yawe.› »

2 Fànʔafɔbèle 1:13

A Akazya níì togoye siin ní kpɔrigɔ kùndigi taanri wóo ní wi nǎnbèle togoye siin ní kpɔrigɔ tun. A togoye siin ní kpɔrigɔ kùndigi taanri wów bee lúgu n kári. Lǎli ni wi sáà nan lè, a wi tìgi n yégunri cáan Elii yɛ́ʔɛ ma níì wi nyɛ́ɛri gbanʔama níì jo: «Kolocɔlɔɔ syɔ́ɔn, mii i mɔ nyɛ́ɛri ki n yɛlɛ mii ní nǎnbèle naa togoye siin ní kpɔrigɔ sìi í pye yakpɔʔɔ mɔ nyɛ́nɛ na pe lè mɔ falipyebèle.

2 Fànʔafɔbèle 1:9

A wi togoye siin ní kpɔrigɔ kùndigiwaa, ní wi nǎnbèle togoye siin ní kpɔrigɔ tun wi ma. A kùndigiw bee lúgu n kári Elii ma wi pye lè wodɛ́ɛɔn ní nyanbelegi ǹjoʔo ni, ní sáà wi pye: «Kolocɔlɔɔ syɔ́ɔn, fànʔafɔw n jo: ‹Tìgi naa.›

2 Fànʔafɔbèle 23:17

A Zyozyasi níì jo: «Gàánnìí félege mii nyaagi yaà lee?» A kěgi bee syɛ̀ɛnnɛ wi yari: «Kolocɔlɔɔ syɔ́ɔnw kɔ̀ɔnnɔ lii, woro wi da yìri Zyuda ma n pan ní baa kérigèle naa joo Betɛli sáriga-wòlo-yafaangi kánma na koro gele mɔ foro lè.»

2 Fànʔafɔbèle 5:20

Gehazii wi pye lè Kolocɔlɔɔ syɔ́ɔnw Elize falipyew, a woro gi joo wiyɛɛ fúngi ni níì jo: «Wéle, mii kàfɔw n Naaman yaʔa wi lè Sirii ye wów bee. Yáriri ní wi pan lè wi ga fɔ̀lɔ n di syɔɔ wi ma í. Amɛɛ si Yawe nyɛ lè sìi na, mii a tɔ̀nɔ́ fǎn kári wi kurugo bi sa yarigaa syɔɔ wi ma.»

1 Cányi kèlē 23:14

Mowizi n pye Kolocɔlɔɔ syɔ́ɔn. Wi jáabèle mɛ́ɛyɛ maa yeri Levii syɛɛnfelegi nínge ni.

2 Cányi kèlē 8:14

A wi sáriga-wòlobèle kabiya télege be fáliw na n yɛlɛ ní gi ní àmɛɛ wi tóow Davidi da gi kɔ̀rirɔ n tímana lè. A wi wɔ́ɔ̀ Levii ye télege be fáliw na, paa Yawe kpɔ̀ʔɔrɔ́ sáā báara sáriga-wòlobèle yɛ́ʔɛ ma n yɛlɛ ní gee ní gi joo n gbàn lè canʔa o canʔa fáliw kéele na, n kpàánweegèle kɔ̀rɔsiifɔɔlɔ tíla n télege kpàánweegèle myɛ nibin nibin na n yɛlɛ ní be kabiyi ní. Níì cán kánmi bee na Kolocɔlɔɔ syɔ́ɔnw Davidi da gi joo n gbàn.

Nehemii 12:24

Levii ye kùndigibèle be pye lè Hasyabya, ní Syerebya, ní Zyozuwe wi lè Kadimyɛli jáaw, ní be senyɛnbèle, poro má ki da kaan paa yèré bele zìnmɛ na, bàā Yawe sòoló sáā wi kpɔ̀ʔɔrɔ́ kabiya kabiya bi yɛlɛ ní gee ní Kolocɔlɔɔ syɔ́ɔnw Davidi da joo n gbàn lè.

Nehemii 12:36

Zakarii senyɛnbèle be lè Syemayeya, ní Azareyɛli, ní Milalayi, ní Gilalayi, ní Maayi, ní Netaneyɛli, ní Zyuda, ní Hananii, poro maa wɔ́ɔ̀ kári ní Kolocɔlɔɔ syɔ́ɔnw Davidi yatingbumɔɔnri ní. Sɛ́bɛkanw Ɛsidirasi wi da pye be yɛ́ɛgi na.

Ŋúnuyi 34:14

Da mɔ nyínni kɔ̀rɔsíi kapeeyi na, mí wɔ́ɔ maa mɔ nyɔ́ɔgi kɔ̀rɔsíi jànvaa syɛ́ɛnri joolo na.

Ŋúnuyi 38:20

Mii nigoobèle si n wéege, pe fǎngi n nɛʔɛ. Bele be mii para lè nyùngo fun, pe n nɛʔɛ.

Kàseegèle 15:9

Syɛɛnpeew kólogo i nyɛ yanɔnʔɔgɔ Yawe ma, wee si wi taʔa sínni na lè, wee bee kéele n wi dɛ́nɛ.

Ezayi 51:1

«Yele bele ye yeyɛɛ daʔa sínni na lè, ní i Yawe caa, ye lóʔo mii ma! Yaa wéle fálagi ma gee ni yele tan n yirige lè, wéegee fúngo ni pe yele yirige lè, yaa wéle koro ma.

Zyeremii 35:4

a mii be kɔ́ri n kári Yawe kpáagi ma, n sáà jée ní be ní Hanan jáabèle kpaafungo ni, wi lè Yigidaliyahu jáaw, wi pye lè Kolocɔlɔɔ syɔ́ɔnw, syɛɛnkpolobèle kpaafungo taana, Syalumi jáaw Maaseyahu, wi pye lè kpaaweeli kɔ̀rɔsiifɔlɔ, woro kpaafungi ǹjoʔo ma.

Wɔrɔmi ye 14:19

Koro na kérigèle ke a gbǎn bɛ̀ɛ́li yaʔa li kòro wolo níngi ni lè, si wɔ́ɔ wolo yaʔa waa woyɛɛ dɛ̀ɛmɛ́ kàa sáā fàrá wolo tágali na lè, waa gele bee caa.

1 Korɛnti ye 10:14

Mii syɛɛn-nidaanmabèle, koro na gi yɛlɛ yaa còʔoró yaa léeli yasunzunri na.

1 Korɛnti ye 14:1

Yaa tàmagi caa kányɛʔɛ ni, yé wɔ́ɔ yaa Pìicǎnni fundooro caa. Gee si yele yɛlɛ bàā caa bi sɔ̀lɔ ti myɛ na lè koro gi nyɛ kanyaajoori fundooro.

1 Korɛnti ye 6:18

Yaa còʔoró yaa léeli kanɔnʔɔri na. Kapeele o kapeele syɔɔn kpéʔele lè, wi céri na ban wi li kpéʔele í. Kàjáa wee wi ga kanɔnʔɔrɔ kpéʔele lè, wi n kapeele taʔa wi tiimaa céri na.

Làlwaw Kaanziin 16:20

Sínni yagana na mɔ yɛlɛ bi miyɛɛ daʔa, jàngó mɔ í kòro sìi na, si tári syɔɔ taa, dee Yawe mɔ Kolocɔlɔw a kaan mɔ ma lè.

Làlwaw Kaanziin 33:1

Dùbawee Kolocɔlɔɔ syɔ́ɔnw Mowizi kpéʔele Isirayɛli ye ma sáni wi kùu lè, woro wi nyɛ wee naa.

1 Timɔte 1:14

Wolo Kàfɔw n tɔ̀nɔ n kpɔʔɔrɔ kaan mii ma saʔa, n fàra tágali, ní tàmagi na, dee wo taagi lè Kirisi Zyezu ni.

1 Timɔte 4:12

Ki ga yɛlɛ mɔ í kɔ́ syɔɔnwaa faala yaʔa wi mɔ faʔa si pwɔɔ mɔ piimi na í. Fwɔɔ mɔ í pye fɛ̀ɛ tágafɔbèle ma mɔ nyɔɔsyɛɛnri ni, ní mɔ tánʔaganmi, ní mɔ tamagi, ní mɔ tágali ni n fàra kasingèle myɛ na.

1 Timɔte 5:10

á be si wɔ́ɔ i wi mɛ́ɛtaangi yiri wi kacànbyeri kéele na, gee bee n jo àmɛɛ wi pìíbèle gbóo lè, ní i nibɔnbèle tìrigí, ní i Kolocɔlɔɔ syɛɛncanbèle tɔ́lɔyɔ jée, ní i fɔ̀rɔgɔfɔbèle dɛ̀ɛmɛ́, ní i kacǎngèle féleye myɛ kpéʔele lè.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 2:21

Gee bee na syɔ́ɔnwee ga wiyɛɛ sámaga n yirige kakolobyeri ni lè, woro a pye falicanw kpéʔelele yalege, gee Kàfɔw jée n mùnu n yaʔa wiyɛɛ ma falicanw myɛ kánma na lè, jàngó waa báara woro ma.

2 Timɔte 2:22

Tɔ́ɔliw ni ki n yɛlɛ maa fé nìgɔpii-kérigèle ki laànitaʔa kele yɛ́ʔɛ na, bele be Kàfɔw mɛ́ʔɛ yiri lè ní funviire ní, maa táanri bele bee tánʔaganma na, sínni, ní tágali, ní tàmagi, ní bɛ̀ɛ́li na.

2 Timɔte 3:10

Mɔ tiimaa si n mii tamani fílige n cán, ní wɔ́ɔ̀ mii tánʔaganmi, ní mii kakɔrirɔgèle tímanaganma cán, n fàra mii tágali, ní mii kpàracogi, ní mii tàmagi, ní mii lòmaani na,

2 Timɔte 3:17

koro ga pye Kolocɔlɔɔ syɔ́ɔn í foro si fànʔa taa kacànbyeri myɛ na.

Heburubèle 12:14

Ki n yɛlɛ ye ŋàʔana ye pye bɛ̀ɛlɛ na ní syɛ́ɛnbèle myɛ ní, yé wɔ́ɔ pye funviire na, níì cán syɔɔn faala a gbǎn Kàfɔw nyaa funviiri kàdoʔo ma í.

1 Pyɛri 3:11

Ki n yɛlɛ wi kàdoʔo wáa kapeebyeri ma, wáā kacǎngèle kpéʔele, wi kòro waa bɛ̀ɛ́li caa sìnlaʔa ni.

1 Samyɛli 2:27

A Kolocɔlɔɔ syɔ́ɔnwaa pan Helii ma n baa wi pye: «Yawe n jo: ‹Mii da niyɛɛ dɛ̀ɛn mɔ tóolɛɛw kpaʔa wòolo na lǎli ni be pye lè Ezyipiti ni, Faraɔnw kpaʔa wòolo kɔ́yɔ ni lè ì?

1 Samyɛli 9:6

A woro wi yari: «Wéle, Kolocɔlɔɔ syɔ́ɔnwaa i nyɛ kěgi yaa ni. Nànwaa wii, wee be córo lè. Gee myɛ wi ga joo lè, ki o kòró sìnvoro ni í. Koro na wo kári yaà, dɔ̀ʔɔ́ kólogee wolo yɛlɛ bi láa lè, wi a sa gi tɛ̀ɛn wolo na.»