1 Timɔte 6:10 - Cebaara Bible 2010

¹⁰ Níì cán wáliw tàmaga gi nyɛ kapeegèle myɛ nìnre, á pèle si kòro wi caali na, níì pùuni n léeli tágali na, níì kayaaya saʔa tɛ́ʔɛ n peyɛɛ fúnyi kálagi.

1 Timɔte 6:10 Iomraidhean Croise

Sélimɛ 29:14

A Laban jo: «Mɔ tɔ̀nɔ́ i nyɛ mii kacelegaa, ní mii céri tɛ́ɛgaa.» A Zyakɔbi yebogo nibin kwɔ́ɔ Laban tɛ́ɛgi ni.

Sélimɛ 29:26

A Laban jo: «Bi cɔnɔvɔw kaan kɔ̀rɔfɔw yɛ́ʔɛ na, koro o kpéʔele naa wolo ma í.

Sélimɛ 34:27

A Zyakɔbi jáabèle sáà kúbèle ní kěgi lɔ́rɔ myɛ fuguri, níì cán pe maa poro cɔnɔw kálagi.

Sélimɛ 38:16

A wi sɛ̀ʔɛrɛ wi ma kólogi nyɔ́ɔ na ní sáà wi pye: «Ki yaʔa mii í pye ní mɔ ní.» Wi da gi cán ncan woro pìíw cɔ́ɔ wii í. A céw wi yari: «Nyàʔá mɔ a kaan mii ma koro ga pye mɔ si pye ní mii ní?»

1 Fànʔafɔbèle 2:40

A Syimeyii yìri n yatɛ́ɛnni taʔa wi jòfaniw na n kári Gati ma Akisyi tɛ́ʔɛ ma sa wi púlobèle caa. A Syimeyii kári n sáà wi púlobèle kɔ́ri Gati ma n lúru n pan.

2 Fànʔafɔbèle 5:27

Yaanyɛɛnmee bi pye Naaman na lè, pi a tan mɔ ní mɔ yodaʔayi na bàā syée yaà làla o làla.» A Gehazii núngo wi yɛʔɛ̀ ma ní yaanyɛɛnmɛ ní, n fílige àmɛɛ lànɛɛzyiw nyɛ lè.

Ŋúnuyi 32:10

Wɔʔɔyɔ saʔa a syɛɛnpeew taa, wee si wi wiyɛɛ kàlifáa Yawe ma lè, wi funjǎngi n wee bee màʔa.

Ŋúnuyi 62:10

Adami pìíbèle i nyɛ káfalaga yagana! Syɛ́ɛnbèle i nyɛ jànvaa! Pe ga be taʔa cúlow na, pe n yìri fígɛli, pe myɛ bìnɛw n faʔa n sɔ̀lɔ káfalagi na.

Kàseegèle 1:19

Bele myɛ be tɔ̀nɔpeew caa lè, poro kóloyi yi nyɛ nya. Wi i wi taafɔbèle bɔ̀nɔ́ be sìíw ni.

Kàseegèle 1:31

Pe a ba be tánʔaganmi yasanra lìi si tín pe tiimaa láliiw na.

Kàseegèle 15:27

Wee wi tɔ̀nɔpeew caa lè, wi i wɔʔɔgɔ cáan wi kpáagi na, wee si námara kpɔ́ʔɔri bɛɛn lè, wi a sìi taa.

Syɛɛnjóow 2:19

Wìí wi gi cán kapye wi a ba pye sícilio wàlá nilabalaɔ? Bi gi taa woro wi a ba pye fáliw myɛ nyúngo na, wee na mii fɔ̀rɔ lè tári na n wi pye ní sícilimɛ ní! Koro wɔ́ɔ i nyɛ gbanzan.

Ezayi 1:23

Mɔ kundigibèle i nyɛ niceebéle, ní kàyuubēle pínɛnyɛ̀nnɛ, námara kpɔ́ʔɔri kéele n pe myɛ dɛ́nɛ, a be i fé tɔ̀nɔw kurugo. Pe o tànʔa kaangi círio ma í, pe o nyɔɔ cáan lɔgucaa kútii kéele ni í.

Ezayi 56:11

Pe i nyɛ laaweeye pɔɔnnɔ, bele be lè pe o tíngi ni nyaagi í. Bànaʔabēle bɛɛ, bele be lè pe o yafyɛn cángi í, pe myɛ i pe nyɛnɛ kóloyi lée, pe myɛ nibin nibin i peyɛɛ tɔ̀nɔw caa yagana.

Ezekyɛli 13:19

Yele i mii mɛ́ɛgi kálagi mii syɛ́ɛnbèle yɛ́ʔɛ ma orizye kɔbonyɛ̀nnɛ kéele na, ní búruceriye kéele na, ní i syɛ́ɛnbèle kúu, bele be lè pe ga yɛlɛ ní kùu ní í, ní i bele yaari sìi na, bele be lè pe ga yɛlɛ bi kòro sìi na í, ní i finɛ mii syɛ́ɛnbèle ma, poro bele be fɔ̀lɔ́ jànvaaw lóʔolo na lè.

Ezekyɛli 16:33

Pe i kpɔʔɔrɔ kaangi nànjaacebèle myɛ ma, mɔ si na, mɔ wi kpɔ́ʔɔri kaangi nǎnbèle myɛ ma be mɔ caa lè, mɔ n be kárima n taa kàbanyi myɛ na mɔ yakaanri báriga ni, jàngó bi be kíle miyɛɛ ma mɔ nanjaari báriga ni.

Ezekyɛli 22:12

Pe i námara kpɔ́ʔɔrɔ syoo mɔ ni jàngó bàā sìsyaanw ŋuu. Mɔ i tɔ̀nɔw, ní tɔ̀nɔpeew caa, mɔ i mɔ syɛɛnnyɛnnɛ fuguri gbánama ni ni miyɛɛ gbéʔele lɔrɔfɔlɔ, mii si na, mɔ n fɛ̀ʔɛ mii na, Kàfɔw Yawe wi jo nya.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Malasyii 1:10

«Koro na wìí wi nyɛ yele ni, wee wi a kɔ̀riyi tɔ́n lè jàngó yele a kɔ́ ra náagi nii mii sáriga-wòlo-yafaangi na gbanzan í? Yele kéeli ga tɔ̀nɔ n mii dɛ́nɛ í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. «Mii a yakanʔa syɔɔ yele kɔ́yi ni í!

Matye 13:22

Dee si di too lè wúuri tɛ́ʔɛ ni, koro gi nyɛ wee wi syɛ́ɛnri lóʔo lè, á dulunyanw naa kasɔngugēle ní lɔ́ri fáanaga baa yìri wi ma n syɛ́ɛnri tɔ́n, a di kòro wi ma tɔ̀nɔ fun.

Matye 23:13

«Wɔʔɔli a pye yele na, làlwaw sɛ́bɛwelebéle ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele n nyɛ̀ʔɛni fànʔa tɔ́n syɛ́ɛnbèle na. Yele o jǐn gi ni í, yele si ga wɔ́ɔ̀ fɔ̀lɔ n bele yaʔa pe i jǐn gi ni í. [

Matye 6:19

«Ki ga yɛlɛ yele í da lɔ́ri caa da kɔngi yeyɛɛ ma tári na, beè dɔ́nw ní tátɔɔnw di kálagi lè í, ní beè kàyuubèle kpáayi fúrugu ní i yúu lè í.

Mariki 4:19

á dulunyanw naa kasɔngugēle pan ní lɔ́ri fáanaga ní n fàra ki laànitaagi yárira na, dee bee n baa syɛ́ɛnri tɔ́n, koro n gi kaan ti n kòro tɔ̀nɔ fun.

Làlwaw Kaanziin 16:19

Mɔ a kɔ́ kútiiw kálagi í, mɔ a kɔ́ syɔɔnwaa yirige wàa ni í. Mɔ a kɔ́ ra námara kpɔ́ʔɔrɔ syoo í, níì cán námara kpɔ́ʔɔri syɔɔlɔ i sícilibèle kàragí fúunbéle, ti i syɛɛnsinbèle syɛ́ɛnrɛ fɛ̀ɛ́.

Làlwaw Kaanziin 23:18

«Yasungbaʔa nanjaaɔ faala ga yɛlɛ bi nyaa Isirayɛli calipiigèle nínge ni í, yasungbaʔa cecaaɔ faala ga yɛlɛ bi nyaa Isirayɛli nànbiigèle nínge ni í.

Kɔlɔsi ye 3:5

Gee bee na gi yɛlɛ yele í yele kanlɛɛmi kèlē kpóo ge nyɛ lè ceyuugi, ní nànyuugi, ní kanɔnʔɔri, ní céri ki laànitaʔa kérigèle, ní sɔ̀ngubeeri, ní fungbɔɔgi ní, ki nyɛ lè yasunzunro.

1 Timɔte 3:3

ki ga yɛlɛ wi wiyɛɛ gaan sínmi ma í, wi a kɔ́ pye syɛɛntanʔaɔ í, fwɔɔ wi pye fûnnyingefɔlɔ, wi a kɔ́ pye kàsiikuuɔn í, wi si a wɔ́ɔ kɔ́ wiyɛɛ daʔa wáliw na í.

1 Timɔte 6:21

sícilimi bee bi nyɛ pèle ma, á be jo poro i nyɛ sícilibēle, níì fala n tágali kólogo yaʔa. Kolocɔlɔɔ í kpɔ́ʔɔri kaan yele ma!

1 Timɔte 6:9

Kàjáa bele be caa lè bi pye lɔrɔfɔɔlɔ, bele bee i có lɛ́ɛlɛ-mí-cǒli karinyanya na, sícilimɛ fun ki laànitaagi ní péemi ki laànitaʔa kérigèle saʔa láa i be taagi, gele ge syɛ́ɛnbèle nii lè kálagili ní naakpɔɔgi ni.

2 Timɔte 3:2

Níì cán syɛ́ɛnbèle a ba ra peyɛɛ nyɔɔmi yagana caa, pe a ba peyɛɛ daʔa wáliw na, sáā joogbɔɔmi nyuu, sáā peyɛɛ nyɛ́nɛ, si wɔ́ɔ ra Kolocɔlɔɔ mɛ́ɛgi kálagi, pe a ra pe seefɔbèle cèʔé, si pye sɔ̀ngumɔ-fùnvɔɔlɔ, si wɔ́ɔ pye Kolocɔlɔɔ yɛ́ʔɛnaa-sìnvyaabéle,

2 Timɔte 4:10

níì cán Demasi n mii yaʔa dulunyanw naa tàmaga kéele na, níì kári Tesaloniki ma. Keresan si n kári Galasii ma, á Tiiti kári Dalimasii ma.

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

Zyaki 5:19

Ni senyɛ̀nnɛ, yele wàa ga pùuni n kányɛɛgi kólogo yaʔa, á wàa wi dɛ̀ɛmɛ a wi lúru n pan gi ma,

Zyozuwe 7:21

Mii n Syineyari búrogbɔɔ-càngaa nyaa kapɛɛnni yataara ni n fàra wálifiio támabéle sirakele na, ní tɛɛ̀nyinnɛ nibin, lee li cúlo tíla kwɔ́ɔ lè, a di nyabɛɛnni pye mii na, a mii di láa. Ti i yaà dee wolarigara ní tári ni, mii fànikpaagi fúngo ni. Wálifiiw si i yaà di láari ni.»

Zyudi 1:11

Wɔʔɔli a ba pye be na! Níì cán kólogee Kayɛn da ni táanri lè koro be láa, ní wɔ́ɔ̀ pwɔɔ sàraw kéele na níì tìn n jée Balaami pùununi kólogo ni, níì kálagi àmɛɛ Kore da céemi le wiyɛɛ ni níì kálagi lè.

Tɛ̀ɛnnɛ 18:13

ní nùndaanni yasuuro be yiri lè kanɛli, ní episi, n fàra nùndaanni míige, ní miiri, ní làtikɔliw na, ní dùvɛɛnw, ní sǐnmi, ní búrumiigi, ní yaliiri, ní nǐyi, ní bǎbèle, ní syɔ́ɔnyi, ní wòtorobèle, ní púlobèle ní, àlí n fàra syɛ́ɛnbèle sìi na.