1 Timɔte 6:1 - Cebaara Bible 2010

¹ Bele myɛ be nyɛ lè púlobèle, ki n yɛlɛ paa be tiimaa kàfɔbèle córo bi cán pe n yɛlɛ ní kpɔ́ʔɔri myɛ ní, koro ga pye Kolocɔlɔɔ mɛ́ɛgi ní wi tamani a kɔ́ ba kálagi í.

1 Timɔte 6:1 Iomraidhean Croise

Sélimɛ 16:9

A Yawe nyɛ̀ʔɛni tunduɔn wi yari: «Lúru maa syée mɔ kafɔjew ma mi sa miyɛɛ gaan wi ma.»

Sélimɛ 24:12

A wi nyɛ́ɛrigi naa nyɛ́ɛri níì jo: «Yawe, mɔ wi lè mii kàfɔw Abirahami Kolocɔlɔw, mii i mɔ nyɛ́ɛri, mi mii yaʔa mii í gi fàrá taa níjanʔa, gee mii caa lè, nyɔɔ kánmi bee na mii kàfɔw Abirahami na.

Sélimɛ 24:2

Cangaa a Abirahami kɔ́ɔ̀ gi joo wi falipyenǎnwee ma wi lɛɛ n sɔ̀lɔ wi kpáagi falipyebèlē na lè, woro wee wi da pye lè Abirahami kɔ́lɔ yáriri myɛ nyúngo na, níì wi pye: «Ki n yɛlɛ mi mɔ kɔ́gi le mii céekpɔɔli láara ni,

Sélimɛ 24:27

níì jo: «Kpɔ̀ʔɔrɔli n yɛlɛ Yawe na, woro wee wi lè mii kàfɔw Abirahami Kolocɔlɔw, woro wee wi kòro ni funjànga ní funviire kèlē kpéʔele lè mii kàfɔw ma. Yawe wi kíni mii yɛ́ɛgi na n pan mii kàfɔw syɛ̀ɛnnɛ tɛ́ʔɛ ma.»

2 Samyɛli 12:14

Kàjáa àmɛɛ mɔ gi kaan Yawe nígoobèle í da wi mɛ́ɛgi kálagi lè àmɛɛ mɔ kéeli bee pye lè piiw mɔ see lè, wi a kùu.»

2 Fànʔafɔbèle 5:13

A wi falipyebèle si nùuni wi na n joo ní wi ní níì jo: «Abaa, kanyaajoow ga maa yagbanga tɛ̀ɛn mɔ na mɔ a dée gi kpéʔele ì? N náa kɔ́ɔ̀ yére wi n mɔ pye: ‹Sa wéli, mí mùnu mi nyɔɔ!› »

Nehemii 9:5

Levii ye be lè Zyozuwe, ní Kadimyɛli, ní Banii, ní Hasyabinya, ní Syerebya, ní Hodiya, ní Syebanya, ní Petahiya, a poro gi joo níì jo: «Ye yìri ye yére yáā Yawe yele kwɔ́ɔmɔ fun Kolocɔlɔw kpɔ̀ʔɔrɔ́. «Mɔ nijangbɔɔri mɛ́ʔɛ n yɛlɛ kaa kpɔ̀ʔɔrɔ́, koro gee gi sɔ̀lɔ lè dùbaw myɛ, ní sòololi myɛ na.

Ezayi 47:6

Mii fúngi maa tanʔa gbanʔama mii syɛ́ɛnbèle kurugo, mii maa mii kɔ́rigi córo yanɔnʔɔgɔ, níì be le mɔ kɔ́gi ni, kàjáa mɔ ga fɔ̀lɔ n nyinimɛ taa be na í. Mɔ n mɔ zúulibegi taʔa wolɛɛw na.

Ezayi 52:5

Yawe n jo: «Nyàʔá si mii a pye tɔ́ɔliw ni, àmɛɛ pe da mii syɛ́ɛnbèle cò n kári lè kawaʔa na? Pe jáafɔbèle i fàndaara yákpogéle wáa, mii mɛ́ɛgi si i faari canʔa o canʔa,» Yawe wi jo nya.

Ezayi 58:6

Súnleganmee bi mii dɛ́nɛ lè, poro bi nyɛ bee naa: Bi péemi nyɔ̀ʔɔdiriye cɛnɛ, bi zúuw yapwɔɔrɔ sánʔana, bele na wɔʔɔgi gbàn lè, bi bele bee yirige yaʔa wɔ́rɔbéle, bi zúubèle féleye myɛ cɛnɛ.

Ezekyɛli 36:20

Pe n nan syɛɛnfeleyi tɛ́ʔɛ na, beè pe da ni syée lè, a be mii mɛ́ɛcǎngi nɔ́nʔɔ, a gi pye pe i gi nyuu be kéeli na níì jo: ‹Yawe syɛ́ɛnbèle bɛɛ, woro tári ni be yiri yaà.›

Ezekyɛli 36:23

Mii a mii mɛ́ɛkpɔɔgi sámaga nyɔɔ, gee ki da nɔ́nʔɔ lè syɛɛnfeleyi nínge ni, koro gee yele nɔ́nʔɔ lè yi níngi ni. Syɛɛnfeleyi si a gi cán bi cán mii wi nyɛ Yawe, lǎli ni mii ga yele kéeli tɛ́ʔɛ n niyɛɛ sámaga n nyɔɔ lè pe yɛʔɛ̀ ma, Kàfɔw Yawe wi jo nya.

Malasyii 1:6

«Jaafɔlɔ i wi toò kpɔ́ʔɔgi, a falipyenàɔn i wi kàfɔlɔ kpɔ́ʔɔgi. Mii si ga pye Tofɔlɔ, kpɔ́ʔɔri di yɛlɛ mii na lè, sán di nyɛ? Mii ga pye Kàfɔlɔ, sán mii yɛ́ɛgi fyáara nyɛ?» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. «Yele sáriga-wòlobèle má mii nyuu, yele bele ye mii mɛ́ɛgi faari lè, yele i gi nyuu níì jo: ‹Nyàʔá wolo kpéʔele n mɔ mɛ́ɛgi faʔa?›

Matye 11:30

Níì cán mii zúuw i nyɛ fɔ̀rɔgɔ fun, mii túgori ga líbe í.»

Matye 11:9

Ba nyàʔá si yele da kári sa wéle? Kanyaajoowaa lé wii? Mii si a gi joo yele ma si yele pye, wi n kpɔ́ʔɔ n sɔ̀lɔ kanyaajooo na.

Luki 17:1

A Zyezu gi joo wi pìitamabèle ma níì be pye: «Kérigèle ge syɛ́ɛnbèle pùuní ni légi kapeebyeri ni lè, ke a tɔ̀nɔ́ gbǎn fɔ̀n beè í, kàjáa wee báriga ni syɛ́ɛnbèle a pùuni lè, wɔʔɔli a pye wee bee na.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

Kapyegèle 10:7

Tundunwee wi da ni nyuu lè ní Kɔrɔnɛ ní, a wi ga kári, a wi wi kpáagi falipyebèle pèle siin yeri n fàra sùlasiiwaa nibin na, wee bee maa ni fɛ̀ɛgí Kolocɔlɔɔ na, bele be kòró lè wi taana, wi maa pye poro wàa.

Kapyegèle 15:10

Nyàʔá si na yele Kolocɔlɔɔ pingi ni wéle tɔ́ɔliw ni, ní i caa bi tugoliberi tugo pìitamabèle na, dee di lè wolo tóolɛɛbèle ní wolo tiimaa fánʔa da pye di na bi gbǎn di tugo í?

Wɔrɔmi ye 2:24

Níì cán ki i nyuu Kolocɔlɔɔ syɛɛnsɛbɛri ni níì jo: «Yele Zyefubèle i nyɛ sábabu á syɛɛnfeleyi wozanya si i Kolocɔlɔɔ mɛ́ɛgi kálagi.»

1 Korɛnti ye 10:32

Yele a kɔ́ pye syɔɔnwaa na sábabu wí kálagi í, Zyefubèle yoo, Girɛkibèle yoo, Kolocɔlɔɔ Egiliziw yoo.

Galasi ye 5:1

Kirisi n wolo yirige púlori ni wɔ́rɔdi kánma na. Gee bee na gi yɛlɛ yele í sámaga yére, ki ga yɛlɛ yele í be yaʔa pe ní púlori túgoro tugo yele na í.

Làlwaw Kaanziin 28:48

Yawe a mɔ nigoobèle yìrige mɔ kurugo, mɔ a ra báara be ma bi mɔ yaʔa ní kateegi, ní lògbaalaagi ní, mɔ si pye níbori, yáriri myɛ si mɔ fɔ̀n. Wi a tunmɔrɔ zúu taʔa mɔ yátiigi na bi taa wi mɔ kálagi kwɔ́ɔ.

1 Timɔte 5:14

Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

Tiiti 2:5

si pye yákirifɔɔlɔ, ki ga yɛlɛ be pye kanɔnʔɔbyebèlē í, ki n yɛlɛ paa be kpáayi fáli kpéʔele, si wɔ́ɔ pye funjànya fɔ̀ɔlɔ sáā lúro be tiimaa nǎnbèle ma, koro ga pye Kolocɔlɔɔ syɛ́ɛnri mɛ́ʔɛ a kɔ́ kálagi í.

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.

1 Pyɛri 3:16

Ki si n yɛlɛ yaa gee bee kpéʔele ní fûnnyinge, ní kpɔʔɔrɔ ní, yé pye funviire fɔ̀ɔlɔ, koro ga pye, àlí pe ga wíre ni yele mɛ́ɛpɛɛnyi yiri, ní i yele nàʔajǎnmi faari, bee yele náari Kirisi ni lè, fɛ̀ɛrɛ í be taa.