1 Timɔte 5:8 - Cebaara Bible 2010

⁸ Syɔ́ɔnwee ga pye lè wi o wi syɛ́ɛnbèle màko nyɔɔgi í, àlí gee gi caà wi tiimaa kpáagi wòolo kéele kwɔ́ɔ lè, wee bee n tágali cée, ní wɔ́ɔ̀ pee n sɔ̀lɔ sìndagaɔ na.

1 Timɔte 5:8 Iomraidhean Croise

Sélimɛ 30:30

Yáriri di pye mɔ ma sáni mii í pan lè, ti da nɛʔɛ í. Toro si ti baa nɛʔɛ dee. Nlaa mii baa nyɔ̌nnɔ cáan mɔ tɛ́ɛgi ni lè, a Yawe tɔ̀nɔ n dùbaw taʔa mɔ na. Tɔ́ɔliw ni doò, làlìí ni mii a kɔ́ mii tiimaa kpáagi fáli kpéʔele?»

Ezayi 58:7

Mɔ liilaa kaan kateèjaaw ma, máā foomɔfɔbèle tìrigí maa légi mɔ kpáagi ni, bele be nyɛ lè tɛɛkòrogo fun ni. Mí burogo le wee na mɔ ga nyaa lè cepyá, mɔ si a kɔ́ kàdoʔo wáa wee ma wi nyɛ lè mɔ tiimaa céri tɛ́ɛgaa í.

Matye 18:17

Wi ga sáà poro wóri cée, mi sa gi joo Egiliziw ma. Wi ga sèʔê Egiliziw wóro cée, mi wi córo syɛɛnfelegaa ní wálisyɔɔɔ.

Matye 7:11

Koro na àmɛɛ yele pee lè ní sèʔê gi cán ki n yɛlɛ yele í da yacanri kaangi yele pìíbèle ma, yele Tóow wi lè nyɛ̀ʔɛni na, wi a ra yacanri kaangi wi nyɛ́ɛrifɔbèle ma bi sɔ̀lɔ yele kaanganmi na ì?

Zyan 15:22

Kapye mii da pan n ba ni nyuu be ma í, kapeele mǎà dée pye be na í. Kàjáa tɔ́ɔliw ni tànʔa o nyɛ be ma be kapeeli kéele na í.

1 Korɛnti ye 6:6

Fwɔɔ a senyɛnwaa i wi senyɛnnɛ kɔ́ri ni syée kútiiw na sìndagabèle yɛ́ʔɛ ma!

2 Korɛnti ye 12:14

Ye wéle, mii n sámaga n kwɔ́ɔ bi kári yaà yele ma tɔdaanri wógi na, mii si a sa pye yele na tugoro í. Níì cán mii o yele kɔ́lɔ yáriri caa í, fwɔɔ yele tiimaa. Pìíbèle ban be yɛlɛ paa lɔ́ri téeri be seefɔbèle kéele na í, seefɔbèle be yɛlɛ paa di téeri be pìíbèle kéele na.

2 Korɛnti ye 6:15

Bɛ̀ɛlìí félile li nyɛ Kirisi ní Beliyali níngi ni? Ba mɛ̀ɛ́ tágafɔlɔ ní sìndagaɔ a gbǎn bɛ̀ɛ bi sɛ́ɛ?

Galasi ye 6:10

Koro na lǎlee wo taa lè, ki n yɛlɛ wolo í da kacǎngèle kpéʔele syɛ́ɛnbèle myɛ na, sáā ge kpéʔele tágali narigbaʔa woolo na bi sɔ̀lɔ.

2 Timɔte 2:12

Wolo ga ni kpàracogo kpéʔele, wolo a wɔ́ɔ ba tɛ́ɛn ní wi ní fǎngi na. Wolo si ga wi cée, wi a wɔ́ɔ wolo cée.

2 Timɔte 3:5

Kolocɔlɔɔ kôdanʔari fɛ̀ɛ a ba pye be na, kàjáa pe a wi séew cée. Ki n yɛlɛ mɔ í láʔa syɛ́ɛnbèle bee félege na.

Tiiti 1:16

Pe i gi nyuu níì jo pe n Kolocɔlɔɔ cán, bi gi taa pe kapyegèle i gi tèé pe n wi cée. Pe n tɔ̀nɔ n pee ní i nyɛ sìnloʔobéle, pe fanʔa o gi na bi gbǎn kacànnaa faala kpéʔele í.

2 Pyɛri 2:1

Amɛɛ si kanyaajoo-fáanabèle da pye yaà lè syɛ́ɛnbèle nínge ni, kánmi bee na tamafɔ-váanabèle a wɔ́ɔ ba pye yele níngi ni. Pe a kálagili jànvaa tamana lége yele níngi ni làrama ni, si Kàfɔgbɔɔw cée, wee wi be syɔɔ lè, si pye peyɛɛ na sábabu kálagili si ba foó too be na.

Zyudi 1:4

Níì cán nǎnbèle pèle n jée yele níngi ni làrama ni, Kolocɔlɔɔ yɛ́ʔɛnaa-sìnvyaabéle bɛɛ, bele be wolo Kolocɔlɔw kpɔ́ʔɔrɔ kàragí lè ni tànʔa kaangi peyɛɛ ma pe kanɔnʔɔbeeri kéele na, poro bele kútii kéele li da sɛ́bɛ lè booma ni, Zyezu Kirisi nibin wi nyɛ lè wolo Kàrigafɔw ní wolo Kàfɔw, pe n wee bee cée.

Tɛ̀ɛnnɛ 2:13

Mii n mɔ tɛɛkòrogi cán, nɛɛ bee Sutanaw fàngolo nyɛ. Mii n gi cán mɔ i mii mɛ́ɛgi córo, àlí lǎli ni mii séerafɔjǎnw Antipasi kùu lè, mɔ ga mii tágali cée í, woro wee pe da kpóo lè yele níngi ni, beè Sutanaw tɛɛkòrogo nyɛ lè.

Tɛ̀ɛnnɛ 3:8

Mii n mɔ kapyegèle cán. Wéle, mii n kɔ̀rigi múgu mɔ ma, wàa faala si a gbǎn gi tɔ́n í, níì cán mɔ séew n cɛ́rɛ, koro ní ki myɛ ní a mɔ mii syɛ́ɛnri cò, mɔ ga mii mɛ́ɛgi cée í.