1 Timɔte 5:5 - Cebaara Bible 2010

⁵ Wee wi ga pye lè lɔgucaateleo ní i nyɛ wi nibin, wee bee n wi sɔ̀ngumi taʔa Kolocɔlɔɔ na, níì kòro ni wi nyɛ́ɛri, ní i wi kpɔ̀ʔɔrɔ́ canʔa ní yébilige.

1 Timɔte 5:5 Iomraidhean Croise

Ŋúnuyi 91:4

Wi a wi fókaanyi síire tɛ́ʔɛ bi mɔ tɔ́n, mɔ a làra wi fókaanyi láara ni. Wi kányɛɛgi i nyɛ tunmɔzige-yariga, ní tunmɔrɔ-búrogo.

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 3:26

Siyɔn kpàánweegèle a ra cɛ́ɛn si pye kùu káyaʔa na. Wi wowaaw a tɛ́ɛn tári na.

Ezayi 49:21

Mɔ si a gi joo miyɛɛ fúngi ni si jo: ‹Wìí syɔ́ɔn wi be see n kaan mii ma? Níì cán mii maa bɔ̀nɔ pìibēle ni, mii maa pye cenaa-sìnzeeo. Mii maa cò n kári, mii maa pye cewaa, wee be yaʔa lè, wìí si wi be gbóo? Mii maa pye mii nibin, sán si bele naa da pye?› »

Ezayi 50:10

Wìí syɔ́ɔn wi fɛ̀ɛgí yele ni Yawe na, ní i lúro wi falipyew ma? Wee wi táanri yébilimi ni lè, gbɛ̀ɛnmɛ si o nyɛ wi ma í, ki n yɛlɛ wi wiyɛɛ daʔa Yawe mɛ́ɛgi na, wi wiyɛɛ zígi wi Kolocɔlɔw na.

Ezayi 54:1

«Mɔ cenaa-sìnzeeo, mɔ wee wi lè mɔ ga pìibēle see í, da fundaanra yákpolo wáa, da fundaanra yákpolo wáa, maa muguri, mɔ wee wi lè wi ga pyà see dulunyanw ni í. Níì cán céwee be yaʔa lè, woro pìíbèle a ba nɛʔɛ bi sɔ̀lɔ wee wòolo na, wee má nàɔn nyɛ lè,» Yawe wi jo nya.

Kayaagi Nyɛnigɛ 1:13

Wi n naà yìrige yaà ǹjogi ni n wáa naa mii kaceleyi ni, gee gi jǐn yi ni lè. Wi n cɔ̀ɔ cáan mii tɔ́lɔyi láara ni, wi n mii lúrugo kàdoʔo ma. Wi n mii kàriga funbɛɛnrɛfɔlɔ ní wɔʔɔgɔfɔlɔ canbogi ni.

Luki 18:1

A Zyezu kàseele wáa bi gi tɛ̀ɛn be na àmɛɛ be yɛlɛ paa nyɛ́ɛri lè làrigèle myɛ ni sìnvɔrɔ ni.

Luki 18:7

Kolocɔlɔɔ syɛɛnnyɛnɛ-wòlobèle si be wi yiri lè canʔa ní yébilige, wi a tɔ̀ʔɔ́ tànʔa kaan bele bee ma ì? A wi a fúngi nyíngi lé be dɛ̀ɛmɛni kurugo?

Luki 2:37

ní náà pye lɔgucaa n taa a wi baa yɛ̀ʔɛlɛ togoye sicɛrɛ ní sicɛrɛ taa, wi da ni fɔ̀ngí kpɔ̀ʔɔrɔli kpaʔa ni í, níì cán wi maa ni Kolocɔlɔɔ kpɔ̀ʔɔrɔ́ ní súnleri, ní nyɛ́ɛriyi ní canʔa ní yébilige.

Kapyegèle 26:7

Nyɔɔfaligi bee kéele na wolo Zyefubèle féleye kɛɛ ní siin Kolocɔlɔɔ kpɔ̀ʔɔrɔ́ ní be fúnyi myɛ ní canʔa ní yébilige, níì be sɔ̀ngumi taʔa gi na n jo ki a ba foro. Fànʔafɔw, àmɛɛ mii wɔ́ɔ̀ mii sɔ̀ngumi taʔa nyɔɔfaligi bee na lè, gee bee na Zyefubèle kútiiw kúunri mii na.

Kapyegèle 6:1

Amɛɛ pìitamabèle nɛʔɛgi ni maa lè cányi bee ni, a Helenisibèle i Heburubèle sànʔá níì jo pe o poro lɔgucebèle córo ni nii yáriri ni be lee lè canʔa o canʔa í.

Kapyegèle 9:39

A Pyɛri yìri n kári ní be ní. A wi ga sáà nan yaà, a be wi kɔ́ri n lúgu kpaataʔagi na. A lɔgucebèle myɛ nùuni wi na n ba ni nyaan, ní i be búroyi ní be fànibèle tèé wi na dee Dɔrikasi jɔli n kaan poro ma lè, lǎli ni wi pye ní poro ní lè.

Kapyegèle 9:41

A Pyɛri wi cò kɔ́gi na n yìrige n yérige, ní náà Kolocɔlɔɔ syɛɛncanbèle yeri ní lɔgucebèle ní n baa wi tɛ̀ɛn be na woweeo ní.

Wɔrɔmi ye 1:12

wàlá mii í joo mii ga pye yele níngi ni lǎlee ni lè, wo myɛ í pínɛ fànʔa taa tágali báriga ni, lee li wo pínɛ lè, yele í gi taa mii wóli báriga ni, mii si wɔ́ɔ gi taa yele wóli báriga ni.

Wɔrɔmi ye 1:5

Woro bárigaw ni Kolocɔlɔɔ kpɔ́ʔɔri kaan wolo ma, ní wɔ́ɔ̀ wolo kpéʔele pìitunbéle wi mɛ́ɛgi kéele na, koro ga pye syɛ́ɛnbèle pèle í da tági syɛɛnfeleyi myɛ ni sáā lúro wi ma,

1 Korɛnti ye 7:32

Mii o caa keelaa í kɔ́ yele fúnyi curugo í. Cɔlɔɔ-fùnvɔlɔ i sɔ̀ngí Kàfɔw kèlē na, koro ga pye woro kéeli í Kàfɔw dɛ́nɛ.

1 Korɛnti ye 7:34

A gee bee wi fúngi pye funyo siin. Nàɔn-fùnvɔlɔ koro ga jáa pìcaa, wee wi lè wi ga kɔ́ɔ̀ nàngeele cán í, wee bee i sɔ̀ngí Kàfɔw kèlē na, koro ga pye woro í sín ní woro céri, ní woro pǐli myɛ ní. Wee si wi cèpɔrigi kpéʔele lè, wee bee i sɔ̀ngí dulunyanw kèlē na, koro ga pye woro kéeli í woro nǎnw dɛ́nɛ.

Efɛzi ye 6:18

Ki n yɛlɛ yaa nyɛ́ɛrigboloyi féleye myɛ nyɛ́ɛri Kolocɔlɔɔ ma làrigèle myɛ ni Pìicǎnni ni. Ki n yɛlɛ ye kòro nyɛ̀nɛ na yáā nyɛ́ɛri ní lòmaana ní Kolocɔlɔɔ syɛɛncanbèle myɛ kéele na.

Filipikaʔa ye 4:6

Ki ga yɛlɛ yele í yele fúnyi yaʔa yaa curugu yele na yarigaa faala na í. Yariga o yariga láa gi nyɛ yele na lè, yaa gee bee nyuu yaa tèé Kolocɔlɔɔ na ní nyɛ́ɛrigɛ, ní nyɛ́ɛrigboloyo, ní bariga kaanna ní,

1 Timɔte 2:1

Gee gi nyɛ mii ma lè bi joo wozeligi, koro gi nyɛ syɔɔn í da Kolocɔlɔɔ nyɛ́ɛri, sáā wi kpɔ̀ʔɔrɔ́, sáā nyɛ́ɛri syɛ́ɛnbèle myɛ kéele na, si wɔ́ɔ ra bariga kaangi wi ma pe myɛ kéele na,

1 Timɔte 5:16

Kapye lɔgucebèle pèle i yaà tágafɔjewaa kpaʔa ni, ki n yɛlɛ waa be dɛ̀ɛmɛ́. Ki ga yɛlɛ be pye Egiliziw túgoro í, jàngó Egiliziw í gbǎn ra lɔgucaatelebèle dɛ̀ɛmɛ́.

1 Timɔte 5:3

Bele be nyɛ lè lɔgucetelebèle, ki n yɛlɛ maa bele bee kpɔ́ʔɔgi.

2 Timɔte 1:3

Mii i bariga kaangi Kolocɔlɔɔ ma, woro wee má mii tóolɛɛbèle da ni báara lè, á mii wɔ́ɔ ba ni báara wi ma ní funviire ní, mii i mɔ kéeli nyuu mii làrinyɛɛrigèle ni Kolocɔlɔɔ ma canʔa ní yébilige.

1 Pyɛri 3:5

Booma cecǎnbèle bele pe da be sɔ̀ngumi taʔa Kolocɔlɔɔ na lè, kánmi bee na bele bee da ni peyɛɛ vèré, pe maa ni lúro pe tiimaa nǎnbèle ma,

Wuruti 2:12

Gee mɔ kpéʔele lè, ki n yɛlɛ Yawe í gi sìndɛɛgi lúrugo mɔ ma. Yawe wi lè Isirayɛli ye Kolocɔlɔw, woro wee fókaanya láara ni mɔ fàn n baa jée lè, ki n yɛlɛ wi tɔ̀nɔforoo kaan mɔ ma.»