1 Timɔte 5:4 - Cebaara Bible 2010

⁴ Pìibēle si ga pye pe wàa ma, koro ga jáa wi pìíbèle pìibēle yoo, ki n yɛlɛ bele bee í da Kolocɔlɔɔ yɛ́ɛgi fyáara kele tama pe tiimaa narigbaagi wólɛɛbéle kabaan na, níì cán pe ga ni pe seefɔbèle gɔ̀lɔbéle wóo be ma, gee bee gi Kolocɔlɔɔ dɛ́nɛ.

1 Timɔte 5:4 Iomraidhean Croise

Sélimɛ 47:12

A Zyozɛfu i wi tóow ní wi senyɛnbèle màko nyɔ́ɔgi n fàra bele myɛ wóo na be nyɛ wi tóow kpaʔa ni lè n yɛlɛ ní be lìifɔbèle nyɔ́ɔ ní.

Sélimɛ 47:28

A Zyakɔbi taa yɛ̀ʔɛlɛ kɛɛ ní kɔrɔsiin Ezyipiti tári ni. A Zyakɔbi sìíw yɛ̀ʔɛlɛ myɛ nyɔ́ɔ pye togoye kɔrɔsiin ní kɔrɔsiin.

Zyɔbi 18:19

Pìibēle wàlá pìinyanbiiye ga kòro wi ma wi syɛ́ɛnbèle nínge ni í, wàa ga kòro sìi na tɛ́ɛgi ni, gee ni wi da pye lè wodɛ́ɛɔn ni í.

Kàseegèle 31:28

Wi pìíbèle i yìrigí ni dùba kpéʔele wi ma. Wi nǎnw i yìrigí ni wi sòoló ní i gi nyuu níì jo:

Ezayi 14:22

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Mii a yìri be kánmi na, mii a Babilɔni mɛ́ɛgi, ní wi wogorobèle, ní wi pìíbèle, ní wi yòdaʔayi kwɔ́ɔ yirige yaà,» Yawe wi jo nya.

Luki 2:51

A Zyezu pínɛ ní be ní n lúru n kári Nazarɛti ma n sa ni lúro be ma. A wi nafɔw kérigèle bee myɛ kɔn wi fúngi ni.

1 Timɔte 2:3

Gee bee n nyɔɔ wolo Syɔɔfɔw Kolocɔlɔɔ ma, níì wi dɛ́nɛ.

1 Timɔte 5:16

Kapye lɔgucebèle pèle i yaà tágafɔjewaa kpaʔa ni, ki n yɛlɛ waa be dɛ̀ɛmɛ́. Ki ga yɛlɛ be pye Egiliziw túgoro í, jàngó Egiliziw í gbǎn ra lɔgucaatelebèle dɛ̀ɛmɛ́.

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

Jàbɔbèle 12:14

Wi maa taa nànbiigéle togoye siin n fàra pìinyanbiiye toko ní kpɔrigɔ na, nànbēle, poro bele pe da ni tɛ̀ɛ́n jòfanibēle togoye taanri ní kpɔrigɔ na lè. Wi n pye jàbɔlɔ Isirayɛli ni yɛ̀ʔɛlɛ kɔrɔtaanri fúngo ni.

Wuruti 2:18

Dee wi sáà caa n taa lè, a wi pan ní di ní kàʔa ma n baa tɛ̀ɛn wi nǎnw nɔ́ɔ na. A wi wɔ́ɔ̀ wi woliigòrori yirige n kaan wi ma.

Wuruti 2:2

Wuruti wi lè Mowabi ye wów, a woro Nowemii pye: «Mii a kári séyi ma bi sa ra yaliikɔri caa. Wee wi ga sáà fɔ̀lɔ n mii syɔɔ lè, mii a ra di caa wee bee kurugo.» A wi wi pye: «Da syée, ni pyà.»