1 Timɔte 5:3 - Cebaara Bible 2010

³ Bele be nyɛ lè lɔgucetelebèle, ki n yɛlɛ maa bele bee kpɔ́ʔɔgi.

1 Timɔte 5:3 Iomraidhean Croise

Zyɔbi 29:13

Wee wi da nan bi kùu lè, wi dùbaw maa ni nangi mii na. Mii maa ni lɔgucaa fúngo nyìngí fundaanri na.

Zyɔbi 31:16

Yariga o yariga láa ki da pye lè foomɔfɔbèle na, kapye mii maa cée be ma gi na, kapye mii n lɔgucew nyapiigéle yaʔa a ge wéle n fɔ̀rɔ,

Ŋúnuyi 146:9

Yawe i nibɔnbèle kpáa wéle, wi i círio ní lɔgucaa dɛ̀ɛmɛ́, kàjáa wi i syɛɛnpeebèle kóloyo nyáʔami.

Ŋúnuyi 68:5

Yaa ŋúu Kolocɔlɔɔ yɛ́ʔɛ ma, yaa ŋúu wi mɛ́ɛgi kpɔ̀ʔɔrɔlɔ kéele na! Yaa kólogi sámagi wee má wi maa fàfaanyi ni, syɔnʔɔ na lè! Woro mɛ́ɛgi gi nyɛ Yawe, yaa fundaanra kpéʔele wi yɛʔɛ̀ ma!

Ŋúnuyi 94:6

Pe i lɔgucaa ní nibɔɔn kɔɔn, pe i círibèle kúu.

Yirile 20:12

Da mɔ tóow ní mɔ nɔ́ɔw kpɔ̀ʔɔrɔ́, koro ga pye táree mii Yawe mɔ Kolocɔlɔw a kaan mɔ ma lè, mɔ siiw canya í nɛʔɛ di ni.

Zyeremii 49:11

Mɔ círibèle wáa mi yaʔa, mii wi a be yaʔa sìi na, mɔ lɔgucebèle si peyɛɛ daʔa mii na.»

Matye 15:6

syɔ́ɔnw bee ga níì yɛlɛ wi wi tóow ní wi nɔ́ɔw kpɔ̀ʔɔrɔ í. Anbée yele Kolocɔlɔɔ syɛ́ɛnri faari yele kalɛɛgèle kéele na.

Matye 23:13

«Wɔʔɔli a pye yele na, làlwaw sɛ́bɛwelebéle ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele n nyɛ̀ʔɛni fànʔa tɔ́n syɛ́ɛnbèle na. Yele o jǐn gi ni í, yele si ga wɔ́ɔ̀ fɔ̀lɔ n bele yaʔa pe i jǐn gi ni í. [

Luki 2:37

ní náà pye lɔgucaa n taa a wi baa yɛ̀ʔɛlɛ togoye sicɛrɛ ní sicɛrɛ taa, wi da ni fɔ̀ngí kpɔ̀ʔɔrɔli kpaʔa ni í, níì cán wi maa ni Kolocɔlɔɔ kpɔ̀ʔɔrɔ́ ní súnleri, ní nyɛ́ɛriyi ní canʔa ní yébilige.

Luki 7:12

A wi ga sa ni nùuní kěgi kpàánweele na, a wi syɛ́ɛnbèle nyaa pe i yirigi gi ni ní kpóō ní, kúw si maa pye nìgɔcariɔ, ní i nyɛ nafɔw ma pìinibinge, nafɔw si i nyɛ lɔgucaa. Kěgi syɛ̀ɛnnɛ saʔa maa pye ní wi ní a be i syée.

Zyan 1:47

A Zyezu ga Natanayɛli wéle n nyaa wi i maa woro ma, a wi jo: «Wee naa tɔ̀nɔ i nyɛ Isirayɛli ye syɛɛncandelewaa, ncan wi o syɔɔn fáana í.»

Kapyegèle 6:1

Amɛɛ pìitamabèle nɛʔɛgi ni maa lè cányi bee ni, a Helenisibèle i Heburubèle sànʔá níì jo pe o poro lɔgucebèle córo ni nii yáriri ni be lee lè canʔa o canʔa í.

Kapyegèle 9:39

A Pyɛri yìri n kári ní be ní. A wi ga sáà nan yaà, a be wi kɔ́ri n lúgu kpaataʔagi na. A lɔgucebèle myɛ nùuni wi na n ba ni nyaan, ní i be búroyi ní be fànibèle tèé wi na dee Dɔrikasi jɔli n kaan poro ma lè, lǎli ni wi pye ní poro ní lè.

Kapyegèle 9:41

A Pyɛri wi cò kɔ́gi na n yìrige n yérige, ní náà Kolocɔlɔɔ syɛɛncanbèle yeri ní lɔgucebèle ní n baa wi tɛ̀ɛn be na woweeo ní.

Làlwaw Kaanziin 10:18

Wi i tànʔa kaangi círio ní lɔgucaa ma, nibɔnw kéele n wi dɛ́nɛ, a wi i yaliiri, ní yaleri kaangi wi ma.

Làlwaw Kaanziin 14:29

Lǎli bee ni Levii ye wów a pan, woro wee wi lè lɛɛlɛ wàlá kɔrigɔ o nyɛ wi ma ní mɔ ní í, woro ní nibɔnwee wi baa tɛ́ɛn ní mɔ ní lè, ní círiw, ní lɔgucew poro bele pe a pye ní mɔ ní lè, poro a di lìi bi tín, koro ga pye Yawe mɔ Kolocɔlɔw í dùbaw taʔa mɔ na mɔ kapyegèle myɛ ni, gele ni mɔ kɔ́yi le lè.

Làlwaw Kaanziin 16:11

Mɔ a ra fundaanra kpéʔele Yawe mɔ Kolocɔlɔw yɛ́ʔɛ ma tɛ́ɛgi ni, gee Yawe mɔ Kolocɔlɔw a nyɛ́nɛ wòlo lè bi wi mɛ́ɛgi yaʔa gi pye beè, mɔ ní mɔ nanbili, ní mɔ calipili, ní mɔ pulonǎnw, ní mɔ pulocew, ní Levii ye wówee wi nyɛ wodɛ́ɛɔn ní ní mɔ ní lè n fàra nibɔnw, ní círiw, ní lɔgucew na pe a pye yele níngi ni lè.

Làlwaw Kaanziin 16:14

Fɛ́tiiw bee na mɔ a ra fundaanra kpéʔele mɔ ní mɔ nanbili, ní mɔ calipili ní, n fàra mɔ pulonǎnw ní mɔ pulocew, ní Levii ye wów, ní nibɔnw, ní círiw, ní lɔgucew na, poro bele pe a pye wodɛ́ɛnbéle ní ní mɔ ní lè.

Làlwaw Kaanziin 27:19

‹Wee wi ga nibɔɔn wàlá círio, wàlá lɔgucaa kútii kálagi lè, ki n yɛlɛ wi dánga!› Syɛ́ɛnbèle myɛ a gi joo si jo: Amiina!

1 Tesaloniki ye 2:6

Wolo da ni kpɔɔmɔ caa syɔɔn faala ma í, wolo da ni bi caa yele ma í, wàlá pèle nikwɔɔlɔ ma í.

1 Timɔte 5:2

mí wɔ́ɔ maa nyuu ní celɛɛbèle ní àmɛɛ mɔ nafɔɔlɔ nyɛ lè, máā nyuu ní cepiibèle ní funviire na àmɛɛ mɔ senyɛ̀nnɛ nyɛ lè.

Zyaki 1:27

Wee wi Kolocɔlɔɔ kólogi táanri ni síngi lè kolomɔ fun wolo Tóow Kolocɔlɔɔ ma, woro wi nyɛ wee wi syée lè n sa ni círibèle ní lɔgucebèle wéle ní i be dɛ̀ɛmɛ́ pe fɔ̀rɔyi kèlē na, ní wɔ́ɔ i wiyɛɛ kɔ̀rɔsíi péemi kèlē na ge nyɛ lè dulunyanw ni.

1 Pyɛri 2:17

Yaa syɛ́ɛnbèle myɛ kpɔ́ʔɔgi, yé tàmaga le ní senyɛnnɛgi ní, yáā fɛ̀ɛgí Kolocɔlɔɔ na, yáā tári fɔ́lɔ kpɔ́ʔɔgi.

1 Pyɛri 3:7

Kánmi bee na, yele nǎnbèle, yaa yele cébèle náari ní sícilimɛ ní, yé gi cán pe céri báriga n cɛ́rɛ yele wów na. Ki n yɛlɛ yaa be kpɔ́ʔɔgi, koro ga pye yafyɛn a kɔ́ yele nyɛ́ɛriyi yérige í, kpɔ́ʔɔri ti sìíw kaangi lè, pe wɔ́ɔ i nyɛ ní yele ní ti kɔriliinyɛ̀nnɛ.