1 Timɔte 5:25 - Cebaara Bible 2010

²⁵ Kánmi bee na kacànbyeri wɔ́ɔ i yirigi kàfugi na, dee si di nyɛ lè làrama ni, ti a gbǎn ba kòro wolarada ni í.

1 Timɔte 5:25 Iomraidhean Croise

Kàseegèle 10:9

Wee wi táanri funvii na lè, wee bee a tɛ́ɛn ŋɔ́ndaala na, wee si wi kogoloyi táanri lè, wee bee kéele a ba cán.

Matye 5:16

Kánmi bee na gi yɛlɛ yele í yele gbɛ̀ɛ́nmi yaʔa paa nyín paa yirigi syɛ́ɛnbèle ma, jàngó paa yele kapyejǎngèle nyaagi, sáā yele Tóow kpɔ̀ʔɔrɔ́, wi lè nyɛ̀ʔɛni na.

Luki 11:33

«Syɔɔn faala o fètinnɛ nii ni téeri tɛɛlaraga ni í, wàlá sɛ̀ʔɛlɛ láara ni í, fwɔɔ wi a li taʔa fètindaʔala na, koro ga pye bele be jǐn lè kpáagi ni, poro í da nyaagi li gbɛ̀ɛ́nmi na.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

Kapyegèle 22:12

Nànwaa si maa pye yaà Damasi ni pe i wi yiri Ananyasi, wi maa ni fɛ̀ɛgí Kolocɔlɔɔ na ní i wi làlwaw kólogo sámagi ni táanri, kěgi bee Zyefubéle myɛ maa ni wi mɛ́ɛtaangi yiri,

Kapyegèle 9:36

Pìitamawaa maa pye Zyɔpe ni cɔlɔɔ, pe i wi yiri Tabita, ní si i wi yiri Girɛkiiri ni Dɔrikasi. Wi maa ni kacàngēle saʔa kpéʔele, ní i foomɔfɔbèle dɛ̀ɛmɛ́.

Filipikaʔa ye 1:11

Zyezu Kirisi si yele fúnyi nyìn kasinbyeri na, koro ga pye nìjanri ní kpɔ́ʔɔri sáā taari Kolocɔlɔɔ na.

1 Timɔte 3:7

Ki n wɔ́ɔ̀ yɛlɛ kàfugi syɛ̀ɛnnɛ í da wi mɛ́ɛtaangi yiri jàngó faʔara a kɔ́ too wi na wi kɔ́ cò Dàzɔɔnw karinyanga na í.

Tɛ̀ɛnnɛ 14:13

A mii yákpolo lóʔo nyɛ̀ʔɛni ni, a li mii pye: «Dee naa sɛ́bɛ: Bele be kúu lè Kàfɔw ni, nlaʔa lǎli naa na, bele bee i nyɛ dùba pìibēle!» A Pìicǎnni jo: «Ɛɛn, jàngó pe ŋɔ́n daa pe faligbanyi na, níì cán pe kapyegèle i taari be na.»