1 Timɔte 5:22 - Cebaara Bible 2010

²² Mɔ a wári kɔ́ mɔ kɔ́yi taʔa syɔɔnwaa faala na í, ki ga wɔ́ɔ̀ yɛlɛ mɔ í pínɛ ní pèle ní kapeebyeri na í. Ki n yɛlɛ mɔ tíimaa í kòro wojaɔn ní.

1 Timɔte 5:22 Iomraidhean Croise

Ŋúnuyi 50:18

Mɔ ga kàyuuo nyaa lǎli ni lè, mɔ n pínɛ ní wi ní, mɔ lɛɛlɛ i nyɛ ní kanɔnʔɔbyebèle ní.

Kapyegèle 13:3

A pe ga súnw le níì nyɛ́ɛri Kolocɔlɔɔ ma n kwɔ́ɔ, a be kɔ́yi taʔa be na, níì be yaʔa pe i syée.

Kapyegèle 18:6

Amɛɛ si Zyefubèle yìri ni Pɔli kábala lè ní i wi teeri, a wi wi búroyi nyàʔara n wáa be na níì be pye: «Yele sìsyaanw yàkɛɛ i nyɛ yele na! Kolomɔ o mii na gi kéeli na í, nlaʔa níjanʔa na, mii a kári syɛɛnfeleyi ma.»

Kapyegèle 20:26

Gee bee na mii a gi joo yele ma níjanʔa, yele wàa faala ga baa kálagi, wi yàkɛɛ ní o nyɛ mii na í.

Kapyegèle 6:6

A syɛ́ɛnmi sáà be yérige pìitunbèle yɛ́ʔɛ ma, a poro Kolocɔlɔɔ nyɛ́ɛri níì kɔ́yi taʔa be na.

Efɛzi ye 5:11

Ki ga yɛlɛ yele lɛɛlɛ í pye yébilimi kapyegèlē ni í, ncan ke i nyɛ tɔ̀nɔ fun, fwɔɔ yaa fúlo ke kpéʔelefɔbèle na.

1 Timɔte 3:10

Ki si n yɛlɛ pe be sɛʔɛ wéle gbɛnʔɛnɛ, pe ga be nyaa tɛɛpùunugo fun, pe a náa ra fáliw kpéʔele.

1 Timɔte 3:2

Gee bee na yɛɛ̀kinio n yɛlɛ wi pye dìgire fun, si pye cɔlɔɔ nibin fɔ́lɔ, wí wiyɛɛ cǒmi cán, si wɔ́ɔ pye yákirifɔlɔ, wi kérigèle myɛ n yɛlɛ ge sín, wí wɔ́ɔ pye nibɔnbèle tìrigefɔlɔ, si gbàn syɛ́ɛnbèle tamana na,

1 Timɔte 3:6

Ki ga yɛlɛ wi pye tágafɔvɔɔn í, kapye koro ban í dɔ̀ʔɔ́ wi a kɔ́ ra wiyɛɛ nyɛ́nɛ, kútiiw wi da too Dàzɔɔnw na lè wee bee félege si kɔ́ too wi na.

1 Timɔte 4:12

Ki ga yɛlɛ mɔ í kɔ́ syɔɔnwaa faala yaʔa wi mɔ faʔa si pwɔɔ mɔ piimi na í. Fwɔɔ mɔ í pye fɛ̀ɛ tágafɔbèle ma mɔ nyɔɔsyɛɛnri ni, ní mɔ tánʔaganmi, ní mɔ tamagi, ní mɔ tágali ni n fàra kasingèle myɛ na.

1 Timɔte 4:14

Fundoori Pìicǎnni kaan mɔ ma lè, ki ga yɛlɛ mɔ í di faʔa í. Mɔ n di taa kanyaajoori báriga ni, lǎlee ni yɛɛ̀kinibèle da kɔ́yi taʔa mɔ nyúngi na lè.

2 Timɔte 1:6

Koro na mii i mɔ sɔngumi tìrigí gi na níì jo, fundooree Kolocɔlɔɔ kaan mɔ ma lè mii kɔdaʔari báriga ni mɔ na lè, mi gi yaʔa kàa í da fàrá dee bee na àmɛɛ syɔɔn gáā naà kpèʔelé lè.

2 Timɔte 2:2

Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.

Heburubèle 6:2

wàlá wolo í kòro batɛmiw féleye tamana yagana na í, wàlá kɔ́yi taʔala wólo na í, koro ga jáa kúbèle nyán-yirile, ní kwɔ́ɔmɔ fun kútiijoori wólo na í.

Zyozuwe 9:14

A be fɔ̀lɔ n be yaliiraa syɔɔ be ma Yawe sìnyíbe ni.

2 Zyan 1:11

Níì cán wee wi ga wi syáanri lè, wee bee n pínɛ ní wi ní wi kapeebyeri ni.

Tɛ̀ɛnnɛ 18:4

A mii níì yákpolaa nikwɔɔ lóʔo nyɛ̀ʔɛni ni, a li jo: «Mii wóbèle, ye yiri gi ni, koro ga pye yele a kɔ́ pínɛ ní gi ní ki kapeegèle na í, wɔʔɔli si kɔ́ ba too yele na ní gi ní í.