1 Timɔte 5:21 - Cebaara Bible 2010

²¹ Mii a gi joo bi gbàn mɔ ma, Kolocɔlɔɔ ní Kirisi Zyezu, ní nyɛ̀ʔɛni tundunnyɛnɛ-wòlobēle nyɛ́nɛ na, ki n yɛlɛ mɔ í syɛ́ɛnri naa cò, ki ga yɛlɛ mɔ í kɔ́ keelaa joo ceri li sìnvilige sìnján ni í, sáā syɛ́ɛnbèle pèle yirigi pèle ni í.

1 Timɔte 5:21 Iomraidhean Croise

Ŋúnuyi 107:43

Syɔ́ɔnwee faala wi cìlige lè, ki n yɛlɛ wi wi sɔ̀ngumi yaʔa kérigèle naa na, sáā sɔ̀ngí Yawe funjǎngi kèlē na.

Ŋúnuyi 119:34

Sícilimɛ kaan mii ma, koro ga pye mii í mɔ lalwaw sámaga cò, sáā sɔ̀ngí wi na ní mii fúngi myɛ ní!

Kàseegèle 18:5

Bi syɛɛnpeeo yɛ́ɛgi wéle, si kolomɔ kaan syɛɛnsinw ma wi tàángi na, koro ga nyɔɔ í.

Levii ye sáriga-wòlori 14:42

Pé kàdɛnɛyaa caa be le wozeliyee sìndɛʔɛ ni, pé ní pooraa nikwɔɔ caa bi tɛ́ʔɛ kpáagi wáa.

Levii ye sáriga-wòlori 19:15

Yele a kɔ́ ra sìnzinmɛ kpéʔele kútiiw kèlē ni í. Mɔ a kɔ́ syɔɔnwaa córo si pwɔɔ wi fɔ̌ngi kéele na í. Mɔ a wɔ́ɔ kɔ́ syɔɔnwaa kpɔ́ʔɔ wi kpɔ́ɔmi kéele na í. Kàjáa ki n yɛlɛ maa mɔ felegefɔ-nyɛ́nw kútii nyuu ní sínnɛ ní.

Malasyii 2:9

«Mii si na, mii a yele kaan faʔari, ní màámi ma Isirayɛli syɛ́ɛnbèle myɛ yɛ́ʔɛ ma, àmɛɛ gi nyɛ lè yele ga mii kólogi kèlē cò í, yele i syɔɔnwaa yirigi wàa ni làlwaw forolo ni.»

Matye 16:27

Níì cán Syɔɔn-pya a kɔ́ pan wi Tóow nìjangbɔɔrɔ ni ní wi tundunbèle ní. Lǎli bee ni wi a ba syɔɔn o syɔɔn sàra bi yɛlɛ ní wi kapyegèle ní.

Matye 25:41

Lǎli bee ni wi a gi joo wi kàmɔnɔ wóbèle ma: ‹Ye núngo mii taana yele dángaw fɔ̀ɔlɔ, ye sa jée bànvigi náagi ni, gee Kolocɔlɔɔ sámaga lè Dàzɔɔnw ní wi màdebèle kéele na.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Luki 20:21

A be sáà wi yíbe níì jo: «Tamafɔw, wolo n gi cán mɔ syɛ́ɛnri ní mɔ tamani n sín, mɔ o syɔɔnwaa yirigi wàa ni í, kàjáa mɔ tɔ́ɔ i be tama kányɛɛgi na Kolocɔlɔɔ kôdanʔari ni.

Luki 9:26

Níì cán wee wi ga ni fɛ̀ɛrɛ kpéʔele mii kéeli na lè, ní mii syɛ́ɛnri ní mii joo lè, Syɔɔn-pya a ba fɛ̀ɛrɛ kpéʔele wee bee kéele na lǎli ni wi ga ni maa lè wi tiimaa nìjangbɔɔri ni, ní wi Tóow nìjangbɔɔrɔ, ní wi tundunjanbèle wóro ní.

2 Korɛnti ye 5:16

Koro na tɔ́ɔliw ni wolo ní o syɔɔnwaa faala tímana céri kàbaan na ni yɛlɛgi ní dulunyanw syɛ̀ɛnnɛ tímanaganma ní í. Alí wolo da wíre ni Kirisi tímana lè dulunyanw syɛ̀ɛnnɛ tímanaganma na, wolo ní o wi tímana kánmi bee na í.

Làlwaw Kaanziin 1:7

Ye kolo ye kàri yaa syée, ye sɔ̀lɔ Amɔri ye nyanbeleyi kúlo ma, ní be taana tátɛɛyi myɛ ni, ní tɛɛfiigi ni, ní nyanbeleyi na, ní tìgimi tára ni, ní wòrogulo kàbangi na, ní Sólomi Lɔ̀ʔɔ nyɔ́ɔ na, ní Kanaan ye tári ma, ní Liban ma, fwɔɔ bi sa nan cábikpɔɔgi na, ki lè Ufurati.

Làlwaw Kaanziin 33:9

woro wee wi gi joo wi tóow ní wi nɔ́ɔw kéele na lè níì jo: ‹Mii o be wéle í.› Woro wee wi lè wi ga wi senyɛnbèle cán n wàli í. Wi ga wi jáabèle cán í, níì cán Levii ye i mɔ syɛ́ɛnri kɔ̀rɔsíi, pe i mɔ joogaanni kɔngi.

1 Tesaloniki ye 5:27

Mii i yele nyɛ́ɛri gbanʔama Kàfɔw mɛ́ʔɛ na níì jo, ki n yɛlɛ ye sɛ́bɛw naa syɛ́ɛnrɛ wéle ye joo senyɛnbèle myɛ ma.

1 Timɔte 6:13

Kolocɔlɔɔ wi yáriri myɛ wéege lè, ní Kirisi Zyezu wi séeracǎnw kpéʔele lè Pɔnsi Pilati yɛ́ʔɛ ma, mii a gi joo bi gbàn mɔ ma poro nyɛ́nɛ na si jo,

2 Timɔte 2:14

Maa be sɔ̀ngumi tìrigí kérigèle bee na, mi gi joo mi gbàn be ma Kolocɔlɔɔ nyɛ́nɛ na jàngó paa peyɛɛ kɔ̀rɔsíi kàkabalayi syɛɛnjóonɛʔɛrɛ na, níì cán ti i nyɛ tɔ̀nɔ fun, àlí ti i di lóʔofɔbèle kálagi.

2 Timɔte 4:1

Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

2 Pyɛri 2:4

Níì cán nyɛ̀ʔɛni tundunbéle pe da kapeegèle kpéʔele lè, Kolocɔlɔɔ da be yaʔa sìnwɔʔɔ ni í, wi maa be wáa tɛɛwɔʔɔgi ni n yaʔa yaà yébiliwɔɔli wéecuruyo ni, kútiiw kánma na.

Zyudi 1:6

Nyɛ̀ʔɛni tundunbéle be pye lè pe da kòro pe fǎngi ni í, níì pe tiimaa tɛɛkòrogi cée, a Kolocɔlɔɔ bànzánʔa yapwɔɔrɔ tɛ́ʔɛ n bele bee pwɔɔ n kɔn táàma yébiliwɔɔlɔ tɛ́ʔɛ ni cângbɔɔgi kútii kánma na.

Tɛ̀ɛnnɛ 14:10

wee bee a wɔ́ɔ Kolocɔlɔɔ fundanʔari dùvɛɛn gbaa, wee wi sòʔo lè sìnnyaʔami ni wi fundanʔari yagbaala ni, wi a ra wɔʔɔ náagi ní dìrigíw ni, nyɛ̀ʔɛni tundunjanbéle ní Bàpili yɛ́ʔɛ ma.