1 Timɔte 5:20 - Cebaara Bible 2010

²⁰ Bele si be kapeegèle kpéʔele lè, ki n yɛlɛ mɔ í da fúlo be na syɛ́ɛnbèle myɛ nyɛ́nɛ na, koro ga pye wozanbèle í wɔ́ɔ fyáa.

1 Timɔte 5:20 Iomraidhean Croise

Levii ye sáriga-wòlori 19:17

Mɔ a kɔ́ mɔ senyɛnnɛ̀ para mɔ fúngi ni í. Fúlo mɔ felegefɔ-nyɛ́nw na, koro ga pye mɔ a kɔ́ kolomɔ taa wi kéeli na í.

Kapyegèle 19:17

Zyefubèle ní Girɛkibèle myɛ be pye lè Efɛzi ni níì kéeli bee cán, a poro myɛ i fɛ̀ɛgí. A Kàfɔw Zyezu mɛ́ɛgi yiri nɛɛ bee.

Kapyegèle 5:11

A fyáari tɔ̀nɔ n Egiliziw myɛ cò n fàra kérigèle bee lóʔofɔɔlɔ myɛ na.

Kapyegèle 5:5

Lǎli ni Ananyasi syɛ́ɛnri bee lóʔo lè, a wi too n kùu. A fyáakpɔɔrɔ lóʔofɔbèle myɛ cò.

2 Korɛnti ye 7:11

Funbɛɛnri naa tiimaa n yɛlɛ ní Kolocɔlɔɔ kínidɛnɛgi ní, ye gi wéle gee funbɛɛnri bee kpéʔele yele ni lè. Yele n ŋàʔana gbanʔama n tànʔa taa! Ki n tɔ̀nɔ n yele fúnyi curugo, a yele fyáa gbanʔama, yele maa tɔ̀nɔ ni caa bi mii nyaa, níì kéeli bee cɔɔnri kányɛʔɛ ni, níì gi gbàn kakolobyew bee na gbanʔama! Yele n gi tɛ̀ɛn kánmi myɛ na ncan yele n fílige kéeli bee ni.

Efɛzi ye 5:11

Ki ga yɛlɛ yele lɛɛlɛ í pye yébilimi kapyegèlē ni í, ncan ke i nyɛ tɔ̀nɔ fun, fwɔɔ yaa fúlo ke kpéʔelefɔbèle na.

Làlwaw Kaanziin 13:11

Mɔ a wi wábagi ní kàdɛnɛri ní bi taa wi ba kùu, níì cán wi maa ni kanmaa caa bi mɔ léeli Yawe mɔ Kolocɔlɔw na, woro wee wi mɔ yirige lè Ezyipiti tári ni, púlori kpaʔa ni.

Làlwaw Kaanziin 17:13

Syɛ́ɛnbèle myɛ a gee bee lóʔo sáā fɛ̀ɛgí, nɛ̀ɛgbɔʔɔgɔ a ní jée be ni í.

Làlwaw Kaanziin 19:20

Syɛɛnsanbèle a gee bee lóʔo, sáā fɛ̀ɛgí, si láʔa kapeegi bee félege kpéʔelele na yele níngi ni.

Làlwaw Kaanziin 21:21

Wi kěgi nànbēle myɛ a wi wábagi ní kàdɛnɛri ní bi wi kpóo. Kánmi bee na mɔ a kapeegi kwɔ́ɔ bi yirige yele níngi ni. Isirayɛli ye myɛ a gee bee lóʔo si fyáa.

1 Timɔte 1:20

Poro pèle be nyɛ Himene ní Alɛkisandiri, mii si n be kaan Sutanaw ma koro ga pye gee bee í pye be ma tamana pe gi cán ki ga yɛlɛ poro í da Kolocɔlɔɔ mɛ́ɛgi kálagi í.

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

Tiiti 1:13

Séeraw bee i nyɛ kányɛʔɛ. Koro na gi yɛlɛ mɔ í fúlo be na gbanʔama, koro ga pye be cólogo tágali kàbaan na,

Tiiti 2:15

Da kérigèle bee nyuu kánmi bee na syɛ́ɛnbèle ma, máā be kɛɛlɛ, mí wɔ́ɔ maa be kapeegèle tèé be na bi yɛlɛ ní fǎngi myɛ ní mɔ taa lè. Mɔ a kɔ́ syɔɔnwaa faala yaʔa wi mɔ faʔa í.