1 Timɔte 5:18 - Cebaara Bible 2010

¹⁸ Níì cán Kolocɔlɔɔ syɛɛnsɛbɛri n gi joo níì jo: «Nìfalaw wi yaliiri sàngí lè, mɔ a kɔ́ cɔ̀ɔ pwɔɔ wi nyɔ́ɔgi na í,» ní níì jo: «Falipyeo n yɛlɛ ní wi sàraw ní.»

1 Timɔte 5:18 Iomraidhean Croise

Levii ye sáriga-wòlori 19:13

Mɔ a kɔ́ fǎngi gbàn mɔ syɛɛnnyɛnnɛ na í. Mɔ a kɔ́ ra nɔ̀ʔɔrɔgɔ kpéʔele í. Mɔ a kɔ́ sàra-na-falipyeo sàra kùru yaʔa miyɛɛ ma bi ba nan nyǐndaligi na í.

Matye 10:10

Yele a wɔ́ɔ kɔ́ kùsɛɛ-kpàbibēle láa í, wàlá bi buroyo siin-ziin láa í, koro ga jáa taʔalaya ní kpèegēle í. Níì cán falipyeo n yɛlɛ paa wi kaangi waa líi.

Luki 10:7

Ye kòro kpáagi bee nibin ni, pe ga ni yáriree myɛ kaangi yele ma lè, yaa dee bee líi yáā gbo. Níì cán falipyeo n yɛlɛ ní wi sàraw ní. Ki ga yɛlɛ yele í kɔ́ yiri kpaagaa ni bi kàri kàa nikwɔɔ ni í.

Wɔrɔmi ye 10:11

àmɛɛ syɛɛnsɛbɛri gi joo lè níì jo: «Syɔɔn o syɔɔn wi tága lè wi na, fɛ̀ɛrɛ a tée wee bee taa bi nyaa í.»

Wɔrɔmi ye 11:2

Syɛ́ɛnbèle Kolocɔlɔɔ da nyɛ́nɛ n wòlo lè booma ni be pye woro wòolo, wi ga be cée í. Gee wi syɛɛnsɛbɛri joo lè Elii kéeli na, yele ga gee bee cán ì? Wi maa Kolocɔlɔɔ nyɛ́ɛri Isirayɛli ye kánmi na níì jo:

Wɔrɔmi ye 4:3

Nyàʔá Kolocɔlɔɔ syɛɛnsɛbɛri joo? Ti n jo: «Abirahami n tága Kolocɔlɔɔ na, a Kolocɔlɔɔ gee bee córo wi ma sínnɛ.»

Wɔrɔmi ye 9:17

Níì cán Kolocɔlɔɔ n gi joo Faraɔn ma woro syɛɛnsɛbɛri ni níì jo: «Gee naa tiimaa kéele na mii mɔ télege fǎngi na, koro ga pye mii í mɔ kéeli pye sábabu bi mii séekpɔɔw tɛ̀ɛn, mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.»

1 Korɛnti ye 9:14

Kánmi bee na Kàfɔw wɔ́ɔ̀ gi joo níì jo, bele be woro Syɛɛnjóocǎnri nyuu lè, pe a ra líi Syɛɛnjóocǎnri báriga ni.

Galasi ye 3:8

Kolocɔlɔɔ maa téè gi tɛ̀ɛn wi Syɛɛnsɛ́bɛri ni àmɛɛ woro a ba sínni kaan syɛɛnfeleyi ma lè tágali báriga ni, gee bee na wi da Syɛɛnjóocǎnri naa joo Abirahami ma sáni gi ba kpéʔele lè níì jo: «Mɔ ni syɛɛnfeleyi myɛ a ba dùbaw taa.»

Làlwaw Kaanziin 25:4

«Nɔ̀ɔ ga ni yaliire sàngí, mɔ a kɔ́ cɔ̀ɔ pwɔɔ wi nyɔ́ɔgi na í.

Zyaki 4:5

A yele i gi sɔ̀ngí lé Kolocɔlɔɔ syɛɛnsɛbɛri n gi joo nyùngo fun, àmɛɛ gi joo lè níì jo: «Pìígèle Kolocɔlɔɔ le wolo ni lè, ke kéeli n wi dɛ́nɛ gbanʔama fwɔɔ n nan yejaʔa na?»