1 Timɔte 5:17 - Cebaara Bible 2010

¹⁷ Wolɛɛbèle be Egiliziw sámagi ni kàragí lè, bele bee n yɛlɛ ní kpɔʔɔdɛɛyɛ siin-ziin ní, bele si be Kolocɔlɔɔ syɛ́ɛnri nyuu ní i syɛ́ɛnbèle tama lè, a poro wógi si tóro.

1 Timɔte 5:17 Iomraidhean Croise

2 Fànʔafɔbèle 2:9

Lǎli ni be jeli n kwɔ́ɔ lè, a Elii Elize pye: «Gee mɔ caa mii í kpéʔele mɔ ma lè, ki joo sáni pe mii láa núngo mɔ taana lè.» A Elize wi yari: «Mii i mɔ nyɛ́ɛri, ki n yɛlɛ mɔ pili tɛɛyɛ siin í pye mii na.»

Ezayi 40:2

Ye Zyerusalɛmi fúngi tìrige, ye yákpogèle wáa ye gi joo wi ma wi kapɛɛnkpumɔnri n kwɔ́ɔ, wi kolomi kùsulugo n syɔɔ, yé jo Yawe kɔ́gi n wi kapeegèle myɛ sàra kaan wi ma ki tɛɛyɛ siin.

Zyeremii 16:18

Mii a sàra tɛ́ɛyɛ siin kaan be ma gbɛnʔɛnɛ, pe kolomi, ní be kapeeli kéele na, níì cán pe n mii tári nɔ́nʔɔ ní be yasunguuyi ní, pe n mii kɔ́rigi nyìn ní be yanɔnʔɔyi ní.»

Zyeremii 17:18

Ki n yɛlɛ fɛ̀ɛrɛ í mii wɔʔɔfɔbèle taa, fɛ̀ɛrɛ si a kɔ́ mii taa í. Ki n yɛlɛ paa cɛ̀lɛ́, mii si a kɔ́ ra cɛ̀lɛ́ í! Ki n yɛlɛ mi wɔʔɔli canʔa yaʔa gi nan be na, pe kálagi gi tɛɛyɛ siin!

Zakarii 9:12

Ye lúru yaa syée kènirigi ma, kàsolebèle, yele bele má sɔ̀ngumɔ tɛɛtaʔaga nyɛ lè saʔa! Mii ní i gi nyuu níjanʔa níì jo mii a gi tɛɛyɛ siin lúrugo mɔ ma.

Córolo 18:31

Yele ní yele kpaʔa wóbèle a ra gi líi tɛɛgaa faala ni. Níì cán fáliw yele kpéʔele Syɛ́ɛnmi Tɛɛfaraga fànikpaʔa ni lè, koro sàraw wii.

Matye 24:25

Wéle, a mii gi joo n tɛ̀ɛn yele na wii sáni ki ba kpéʔele lè.

Luki 10:7

Ye kòro kpáagi bee nibin ni, pe ga ni yáriree myɛ kaangi yele ma lè, yaa dee bee líi yáā gbo. Níì cán falipyeo n yɛlɛ ní wi sàraw ní. Ki ga yɛlɛ yele í kɔ́ yiri kpaagaa ni bi kàri kàa nikwɔɔ ni í.

Luki 12:42

A Kàfɔw jo: «Wìí wi nyɛ syɔɔn kacooli kàrigafɔlɔ, wee wi lè tágala syɔ́ɔn níì cìlige, wee kàfɔlɔ wi a wi télege lè wi falipyebèle myɛ nyúngo na, koro ga pye waa be lìíli lɛɛlɛ kaangi be ma li làrigaanni ni?

Zyan 4:38

Mii n yele tun, yele í sa yele yaliinaa-sìnvalari láa. Ncan pèle be di fála, á yele baa pye di láafɔbèle di fálafɔbèle fáli báriga ni.»

Kapyegèle 11:30

A be koro kpéʔele, níì gi le Barinabasi ní Sɔli kɔ́yi ni níì jo pe sa gi kaan yɛɛ̀kinibèle ma.

Kapyegèle 20:35

Kanmaa mii da kpéʔele n tɛ̀ɛn yele na nya kérigèle bee myɛ ni àmɛɛ wolo yɛlɛ bàā báara lè bàā fànʔa-fùnvɔbèle dɛ̀ɛmɛ́, si wɔ́ɔ ra Kàfɔw Zyezu syɛ́ɛnri sɔ̀ngí da taagi dee wi da joo lè níì jo: ‹Dùba i nyɛ kaanni ni n sɔ̀lɔ taali na.› »

Kapyegèle 28:10

A be wɔ́ɔ̀ wolo kpɔ́ʔɔ gbanʔama, lǎli ni wolo ba ni jǐn bàtowaa ni bi kári lè, yariga o yariga láa gi pye wolo na lè, a be gi kaan wolo ma.

Wɔrɔmi ye 12:8

Wee má syɛ́ɛnbèle kɛɛlɛlɛ fundooro nyɛ lè, ki n yɛlɛ waa be kɛɛlɛ. Wee wi wi kɔlɔ̀ yáriri kaangi lè, ki n yɛlɛ wi wi kɔ́gi sánʔa kányɛʔɛ ni. Kapye yɛɛ̀kinidi fundooro i nyɛ wàa ma, ki n yɛlɛ waa gi kpéʔele ní lòmaana ní. Wee wi nyinimɛ taagi lè, ki n yɛlɛ waa gi kpéʔele ní fundaanra ní.

Wɔrɔmi ye 15:27

Ki n be dɛ́nɛ bi gi kpéʔele nya, a gi wɔ́ɔ i nyɛ Zyefubèle fwɔ́ɔlɔ i nyɛ be na. Níì cán àmɛɛ Zyefubèle da syɛɛnfeleyi wozanya lɛɛ lè yáriri na dee Pìicǎnni kaan be ma lè, ki n wɔ́ɔ̀ yɛlɛ syɛɛnfeleyi í da Zyefubèle dɛ̀ɛmɛ́ ní be kɔlɔ̀ yáriri ní.

Wɔrɔmi ye 16:12

Ye Tirifɛni ní Tirifɔzi syáanri, àmɛɛ be báara lè Kàfɔw ma. Ye Pɛrisidi syáanri, wolo syɛɛn-nidaanmaw wi fali saʔa kpéʔele lè Kàfɔw ma.

1 Korɛnti ye 15:10

Kolocɔlɔɔ kpɔ́ʔɔri báriga ni si mii baa pye kánmi naa na mii nyɛ lè níjanʔa, kpɔ́ʔɔri bee wi kaan mii ma lè, ti ga yiri gbanzan í. Níì cán mii n báara n sɔ̀lɔ pe myɛ na. Koro ní ki myɛ ní mii séew báriga ni ban koro kpéʔele í, Kolocɔlɔɔ kpɔ́ʔɔri di nyɛ mii ma.

1 Korɛnti ye 16:16

Mii i yele nyɛ́ɛri yele í wɔ́ɔ ra lúro syɛ́ɛnbèle bee félege ma n fàra bele myɛ na be lɛɛlɛ láa fáliw ni ni báara ní wolo ní lè.

1 Korɛnti ye 3:9

Níì cán wolo i nyɛ Kolocɔlɔɔ falipyenyɛ̀nnɛ. Yele si i nyɛ Kolocɔlɔɔ ségi gee wi fála lè, ní wɔ́ɔ i nyɛ wi kpáagi gee wi faanri lè.

2 Korɛnti ye 6:1

Amɛɛ wolo nyɛ lè Kolocɔlɔɔ falipyenyɛ̀nnɛ, wolo i yele nyɛ́ɛri níì jo kpɔ́ʔɔri yele taa wi ma lè, yele a kɔ́ dee bee yaʔa di pye yele ma gbanzan í.

Galasi ye 6:6

Wàa ga ni wàa tama Kolocɔlɔɔ syɛ́ɛnri na, pìitamaw n yɛlɛ waa wi tamafɔw lee wi kɔlɔ̀ yáriri myɛ na.

Làlwaw Kaanziin 18:8

wi yaliiri lɛɛlɛ a pye sèjira ní be wóli ní. N fàra koro na, wi ga wi kɔlɔ̀ yarigaa pára, wáliw bee a pye wi woò.

Filipikaʔa ye 2:16

bàā sìíw syɛ́ɛnrɛ nyuu da tèé be na, koro ga pye mii í kɔ́ ba nyɔ̌ngbɔɔlɔ tánʔa Kirisi cángi na, bi gi cán mii da fàn gbanzan í, ní wɔ́ɔ̀ báara gbanzan í.

Filipikaʔa ye 2:29

Ye wi sámaga ye cò Kàfɔw mɛ́ʔɛ na ní fundaangbɔɔrɔ ní, yáā syɛ́ɛnbèle bee félege kpɔ́ʔɔgi.

Filipikaʔa ye 4:3

Mii wɔ́ɔ i mɔ nyɛ́ɛri, mii falipyenyɛnw, mɔ wi lè tágala syɔ́ɔn, maa cébèle bee dɛ̀ɛmɛ́. Níì cán pe maa pínɛ ní mii ní Syɛɛnjóocǎnri kapɛɛnkpumɔnrɔ na, n fàra Kilema, ní mii falipyenyɛn-zanbèle na, bele mɛ́ɛyɛ yi sɛ́bɛ lè sìíw sɛ́bɛ ni.

1 Timɔte 3:5

Syɔɔn ga pye wi ga gbàn ni wi tiimaa kpáagi kàragí í, mɛ̀ɛ́ wi a gbǎn ra Kolocɔlɔɔ Egiliziw kpáa wéle bi sɛ́ɛ?

1 Timɔte 4:10

Kolocɔlɔɔ woweew wi nyɛ wolo sɔ̀ngumi tɛɛtaʔaga, woro wee wi nyɛ lè syɛ́ɛnbèle myɛ syɔɔfɔlɔ n náa kɔ́ɔ̀ yére tágafɔbèle na, gee bee na wolo báara ní i kapɛɛnni kpúmɔn.

1 Timɔte 4:14

Fundoori Pìicǎnni kaan mɔ ma lè, ki ga yɛlɛ mɔ í di faʔa í. Mɔ n di taa kanyaajoori báriga ni, lǎlee ni yɛɛ̀kinibèle da kɔ́yi taʔa mɔ nyúngi na lè.

1 Timɔte 4:16

Maa miyɛɛ kɔ̀rɔsíi, mí wɔ́ɔ maa mɔ tamani kɔ̀rɔsíi. Níì cán mɔ ga ni gi kpéʔele, kánmi bee na mɔ a miyɛɛ zyɔɔ, si wɔ́ɔ be syɔɔ, bele be lúro mɔ ma lè.

1 Timɔte 4:6

Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

1 Timɔte 5:19

Pe ga keelaa joo n taʔa wolɛɛwaa na, ki ga yɛlɛ mɔ í yére gi ni í kapye mɔ ga gi lóʔo séerafɔɔlɔ siin wàlá taanri ma í.

1 Timɔte 5:3

Bele be nyɛ lè lɔgucetelebèle, ki n yɛlɛ maa bele bee kpɔ́ʔɔgi.

2 Timɔte 2:6

Tèfalawee wi fɔ̀rɔ ní wi ségi ní lè, woro wi yɛlɛ bi séli wi lɛɛli taa yaliiri ni.

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

Heburubèle 13:17

Ki n yɛlɛ yaa lúro yele yɛɛ̀kinibèle ma, yé yeyɛɛ gaan be ma. Níì cán pe i nyɛ yele pìígèle kɔ̀rɔsiifɔɔlɔ, poro Kolocɔlɔɔ a kɔ́ ba yíbe ge kéeli na. Ki n yɛlɛ yaa lúro be ma jàngó paa be fáliw kpéʔele ní fundaanra ní, ki ga yɛlɛ paa wi kpéʔele ní funbɛɛnrɛ ní í, gee bee a pye tɔ̀nɔ fun yele ma.

Heburubèle 13:24

Ki n yɛlɛ ye yele yɛɛ̀kinibèle myɛ syáanri yaà, n fàra Kolocɔlɔɔ syɛɛncanbèle myɛ na. Italii tári tágafɔɔlɔ n yele syáanri.

Heburubèle 13:7

Ki n yɛlɛ yaa sɔ̀ngí yaa taagi yele yɛɛ̀kini-zélibèle kéele na, poro bele pe da ni Kolocɔlɔɔ syɛ́ɛnri nyuu yele ma lè. Yaa sɔ̀ngí be tánʔaganmi kéele na, ní àmɛɛ be kwɔ́ɔmi baa pye lè, yáā be tágali tɛ́ɛlɛ.