1 Timɔte 5:14 - Cebaara Bible 2010

¹⁴ Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

1 Timɔte 5:14 Iomraidhean Croise

Sélimɛ 18:6

A Abirahami kári kelekele n sáà jée fànikpaagi ni Sara kurugo n gi joo wi ma níì wi pye: «Ki n yɛlɛ mi kɔlɔ̀ wári mi míivɔɔnimɔ yakiri-nyɛ́ngéle taanri kíri mi bi kpúmɔn mi sámaga búrubéle.»

Sélimɛ 18:9

Lǎli bee ni a be wi yíbe níì jo: «Sán mɔ céw Sara nyɛ?» A wi jo: «Wi i yaà fànikpaagi ni.»

2 Samyɛli 12:14

Kàjáa àmɛɛ mɔ gi kaan Yawe nígoobèle í da wi mɛ́ɛgi kálagi lè àmɛɛ mɔ kéeli bee pye lè piiw mɔ see lè, wi a kùu.»

Kàseegèle 14:1

Cesiciliw i wi kpáagi faanri, wee si wi dóli lè, woro i wi wógi jee ní wi tiimaa kɔ́yi ní.

Zyeremii 29:6

Yaa cèpɔrigi kpéʔele, yaa nànbiigéle ní calipiigèlē sii, yaa càbala pɔri yaa kaangi yele jáabèle ma, yáā yele calipiigèle pɔri nànbēle ma, koro ga pye kaa nànbiigéle ní calipiigèlē sii, yaa nɛʔɛgi tɛ́ɛgee ni yele nyɛ lè, yele a kɔ́ ra cɛ́rɛgi í.

Danyɛli 6:4

Danyɛli tiimaa si maa sɔ̀lɔ kùndigibèle, ní tári kacɔɔnribéle na, níì cán bìngaara pile maa pye wi ni, a fànʔafɔw i sɔ̀ngí bi wi télege fǎngi myɛ nyúngo na.

Wɔrɔmi ye 14:13

Gee bee na ki ga yɛlɛ wolo í ní ra kolomɔ kaangi wolo senyɛnwaa ma í, fwɔɔ waa kɔ̀rɔsíi koro ga pye wolo a kɔ́ pye sábabu wolo senyɛnwaa na wi too í, wàlá wi pùuni í.

2 Korɛnti ye 11:12

Gee mii da ni kpéʔele lè, mii a sèʔé da gi kpéʔele, koro ga pye bele be kanmaa caa lè bi peyɛɛ gbɔ́ʔɔ si jo poro i nyɛ sèjira ní wolo ní lè, pe a kɔ́ kánmi bee taa í.

1 Timɔte 2:8

Koro na mii caa nǎnbèle í da Kolocɔlɔɔ nyɛ́ɛri tɛ́ɛyi myɛ ni, páā fɔɔnrɔ fun kɔ́yi yìrigí fundanʔara, ní kàkabalaga fun.

1 Timɔte 4:3

Pe i gi nyuu níì jo cèpɔrigɔ a kɔ́ ra kpéʔele í, páā yaliiraa féleye fúun, dee Kolocɔlɔɔ sámaga lè koro ga pye tágafɔbèle pe kányɛɛgi cán lè, paa di líi sáā bariga kaangi woro ma.

1 Timɔte 5:11

Kàjáa lɔgucebèle be nyɛ lè, pe ga kɔ́ɔ̀ lɛɛ í, ki ga yɛlɛ mɔ í bele bee wàa mɛ́ʔɛ sɛ́bɛ í, níì cán cèpɔrigi láa ga baa yìri be ma, pe n láʔa Kirisi na,

1 Timɔte 6:1

Bele myɛ be nyɛ lè púlobèle, ki n yɛlɛ paa be tiimaa kàfɔbèle córo bi cán pe n yɛlɛ ní kpɔ́ʔɔri myɛ ní, koro ga pye Kolocɔlɔɔ mɛ́ɛgi ní wi tamani a kɔ́ ba kálagi í.

Tiiti 2:5

si pye yákirifɔɔlɔ, ki ga yɛlɛ be pye kanɔnʔɔbyebèlē í, ki n yɛlɛ paa be kpáayi fáli kpéʔele, si wɔ́ɔ pye funjànya fɔ̀ɔlɔ sáā lúro be tiimaa nǎnbèle ma, koro ga pye Kolocɔlɔɔ syɛ́ɛnri mɛ́ʔɛ a kɔ́ kálagi í.

Tiiti 2:8

mɔ syɛɛnjóori í nyɔɔ si pye kajoolo fun, koro ga pye fɛ̀ɛrɛ í wolo nigoobèle taa, àmɛɛ gi nyɛ lè pe a gbǎn kapeelaa faala taa bi joo taʔa wolo na í.

Heburubèle 13:4

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.