1 Timɔte 5:13 - Cebaara Bible 2010

¹³ N fàra gee bee na, pe i sàlagi kèlē tama, ní i kpáayi sɔ̀lɔ́ ni máari. Alí pe ga gi yérige sàlagi yagana na í, pe wɔ́ɔ i nyɛ lóʔonjoobéle, pe i be nyɔ́ɔyi nii syɛ́ɛnbèle kèlē ni, ní i syɛɛnnaa-sìnjoori nyuu.

1 Timɔte 5:13 Iomraidhean Croise

Kàseegèle 11:13

Wee wi mɛ́ɛkalagiri kpéʔele ni máari lè, wi i kalaragèle yirigi, wee má si tágala fúngo nyɛ lè wi i ge làragí.

Kàseegèle 20:19

Wee wi lóʔonjoow kpéʔele ni máari lè, wi i kalaragèle yirigi. Wee wi lè wi nyɔ́ɔgi o tɔ́ngi í, mɔ a kɔ́ ra kòró ní wi ní í.

Kàseegèle 31:27

Wi i wi kpáagi kèlē cɔɔnriganma kɔ̀rɔsíi, wi o sàlaga búru líi í.

Kàseegèle 7:11

Wi n pye kangbanma syɔ́ɔn, ní fɛ̀ɛfɔnjaʔa, wi tɔ́lɔyi da ni kòró wi kpáagi ni í.

Levii ye sáriga-wòlori 19:16

Bele be nyɛ lè mɔ syɛ́ɛnbèle mɔ a kɔ́ ra be mɛ́ɛyi kálagi da máari í. Mɔ a kɔ́ keelaa joo taʔa mɔ syɛɛnnyɛnnɛ na jàngó pe wi kpóo í. Mii wi nyɛ Yawe.

Luki 10:7

Ye kòro kpáagi bee nibin ni, pe ga ni yáriree myɛ kaangi yele ma lè, yaa dee bee líi yáā gbo. Níì cán falipyeo n yɛlɛ ní wi sàraw ní. Ki ga yɛlɛ yele í kɔ́ yiri kpaagaa ni bi kàri kàa nikwɔɔ ni í.

Kapyegèle 20:20

Syɛ́ɛnree ti a gbǎn yele dɛ̀ɛmɛ lè, mii da fyáa syɛ́ɛnri bee joolo na yele ma í, mii maa ni yele tama syɛ́ɛnbèle nyɛ́nɛ na, ní wɔ́ɔ i yele tama yele kpáayi ni nibin nibin.

Kapyegèle 20:30

Níì cán syɛ́ɛnbèle pèle a kɔ́ ba yìri yele tiimaa níngi ni bàā jànvaa syɛ́ɛnri nyuu koro ga pye sáā pìitamabèle nyúnyo kàragí bàā taari peyɛɛ na.

1 Timɔte 5:12

pe n kolo, níì cán pe n be nyɔɔfaligi wozelige kálagi.

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

Zyaki 3:10

Kolocɔlɔɔ kpɔ̀ʔɔrɔli ní dángaw syɛ́ɛnrɛ di yirigi nyɔɔnijangi ni lè, ni senyɛ̀nnɛ, koro ga yɛlɛ kaa kpéʔele í.

1 Pyɛri 4:15

Kapye yele wàa faala i wɔʔɔ, ki ga yɛlɛ ki kɔ pye mɔ a jo syɛɛnkpóō wi nyɛ í, wàlá kàyuuo, wàlá kakolobyeo, wàlá wee wi wi nyɔ́ɔgi nii wi syɛɛnnyɛnbèle kèlē ni lè í.

3 Zyan 1:10

Koro na mii ga kári yaà, mii a be sɔ̀ngumi tìrige wi kapyegèle na, gee bee n jo àmɛɛ wi gbanzan syɛɛnpeeri nyuu ni wáa wolo na lè. Kérigèle bee si ga sèʔê wi yɛlɛ í, wi tiimaa ga fɔ̀lɔ bi senyɛnbèle sámaga cò í, bele si be caa bàā be sámagi da có lè, a wi i bele bee yéregi, ní i be nɛnɛ Egiliziw na.