1 Timɔte 5:11 - Cebaara Bible 2010

¹¹ Kàjáa lɔgucebèle be nyɛ lè, pe ga kɔ́ɔ̀ lɛɛ í, ki ga yɛlɛ mɔ í bele bee wàa mɛ́ʔɛ sɛ́bɛ í, níì cán cèpɔrigi láa ga baa yìri be ma, pe n láʔa Kirisi na,

1 Timɔte 5:11 Iomraidhean Croise

Ezayi 3:16

Yawe n jo: «Amɛɛ Siyɔn calipiigèle keyɛɛ nyɛ́nɛ lè, níì nyùngbaabèle kpee ní i táanri, ke nyapiigèle si i syɔɔn lɛ́ɛlɛ, ke si i táanri yéw, yéw, ní i ge tɔ́lɔyi kajingéle tìngí,

Oze sɛ́bɛw 13:6

Lǎli ni pe nyàácànga taa lè, a be lìi n tín. Pe n lìi n tín, a kpɔɔmɔ jée be fúnyi ni. Koro na be fɛ̀ʔɛ mii na.

Làlwaw Kaanziin 32:15

Yesyurun n sìnmɛ le, a wi jáma. Mɔ n baa sìnmɛ le níì kpɔ́ʔɔ n pòlogo, a wi Kolocɔlɔɔ yaʔa wi lè wi Faanfɔw. Wi n wi syɔ́ɔli Fálaga faʔa.

1 Timɔte 4:3

Pe i gi nyuu níì jo cèpɔrigɔ a kɔ́ ra kpéʔele í, páā yaliiraa féleye fúun, dee Kolocɔlɔɔ sámaga lè koro ga pye tágafɔbèle pe kányɛɛgi cán lè, paa di líi sáā bariga kaangi woro ma.

1 Timɔte 5:12

pe n kolo, níì cán pe n be nyɔɔfaligi wozelige kálagi.

1 Timɔte 5:14

Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

1 Timɔte 5:9

Ki ga yɛlɛ mɔ í lɔgucewaa faala mɛ́ʔɛ sɛ́bɛ í, fwɔɔ wi ga yɛ̀ʔɛlɛ togoye taanri taa, kapye wi maa tɛ́nɛ̀ pye nàɔn nibin fɔ́lɔ,

Zyaki 5:5

Yele n kòro yele lɔgbɔɔri tàanma na ni líi naa tári na, ní i yele nyɛ́nɛ kérigèle kpéʔele, yele i líi ni sìnmɛ nii yeyɛɛ ni yele kálagili canʔa yɛ́ʔɛ na, àmɛɛ yaweere nyɛ lè dee pe gbóo lè di sìnmɛ le ti cângboogi yɛ́ʔɛ na.

2 Pyɛri 2:18

Bele be náà séli n syɔɔ lè kavɔn n yiri kobuunugi tánʔafɔɔlɔ nínge ni, a be i nɛ̀ɛnyɛnɛgɛ nyungo fun syɛ́ɛnri nyuu bele bee ma, ní i be lɛ́ɛlɛ bàā có ní céri ki laànitaʔa kanɔnʔɔbeere ní.

Tɛ̀ɛnnɛ 18:3

Níì cán syɛɛnfeleyi myɛ n gi kanɔnʔɔri fundanʔara duvɛɛn gbaa. Tári fànʔafɔɔlɔ n kanɔnʔɔri kpéʔele ní gi ní, a tári jàgiwáabéle wɔ́ɔ̀ lɔnɛʔɛrɛ taa gi kanɔnʔɔri láanitaʔa báriga ni.»

Tɛ̀ɛnnɛ 18:7

Amɛɛ ki da ni kiyɛɛ gbɔ́ʔɔgi lè ní kérigèle kèle ní, ní i gi nyɛnɛ yáriri myɛ taagi kánmee na lè, kánmi bee na yele yɛlɛ yele í wɔʔɔli ní kùúw káyaʔa cáan gi na! Níì cán ki maa ni gi nyuu kiyɛɛ fúngi ni níì jo: ‹Wéle, mii i nyɛ fànʔafɔjaa, mii o nyɛ lɔgucaa í, mii a tée kùu káyaʔa cán í.›

Tɛ̀ɛnnɛ 18:9

Tári fànʔafɔɔlɔ pe da ni kanɔnʔɔri kpéʔele ní gi ní lè, ní i pe nyɛnɛ yáriri myɛ taagi gi ni lè, pe ga baa gi sógili wírige nyaa lǎlee ni lè, pe a ra nyaan sáā sùpiigèle wáa gi kéeli na lǎli bee ni.