1 Timɔte 5:10 - Cebaara Bible 2010

¹⁰ á be si wɔ́ɔ i wi mɛ́ɛtaangi yiri wi kacànbyeri kéele na, gee bee n jo àmɛɛ wi pìíbèle gbóo lè, ní i nibɔnbèle tìrigí, ní i Kolocɔlɔɔ syɛɛncanbèle tɔ́lɔyɔ jée, ní i fɔ̀rɔgɔfɔbèle dɛ̀ɛmɛ́, ní i kacǎngèle féleye myɛ kpéʔele lè.

1 Timɔte 5:10 Iomraidhean Croise

Sélimɛ 18:4

Pe a pan ní lɔ̀ʔɔ cɛɛri ní ba yele tɔ́lɔyi jée, yé ŋɔ́n ye daa tíigi naa láara ni.

Sélimɛ 19:2

Níì jo: «Ni kàfɔɔlɔ, mii i yele nyɛ́ɛri, ki n yɛlɛ ye ba tìrige mii ma, mii wi nyɛ lè yele púlow, yé yele tɔ́lɔyi jée yé syɔ́ɔn naa mii kpáagi ni. Ki ga pye nyɛ̀ʔɛna nyǐngi nyɔ́ɔ na, yele a náa taʔa fala yele tánʔani na.» A be jo: «Eʔe, wolo a syɔ́ɔn kadàlagi na.»

Sélimɛ 24:32

A Abirahami falipyew kári Laban kpaʔa ma. A be sáà fàlibaayi túgoro tìrige níì nyàásige, ní sìgaa kaan fàlibaayi ma, níì lɔ̀ʔɔ kaan nǎnw bee ní wi kôdanʔanyɛnbèle ma be tɔ́lɔyi jée.

Sélimɛ 43:24

A nǎnw bee kári ní be ní n sáà lége Zyozɛfu kpáagi ni, níì lɔ̀ʔɔ kaan be ma, a pe be tɔ́lɔyi jée. Ní wɔ́ɔ̀ lìile kaan be jòfanibèle ma.

Ŋúnuyi 119:4

Mɔ n mɔ làlwaw kèlē joo n kaan jàngó wo ge sámaga wo cò ní yákirii ní.

Ezayi 1:17

Ye kacànbyeri tama, yáā kányɛɛgi caa. Wee be wɔʔɔ lè, ye wi dɛ̀ɛmɛ. Ki n yɛlɛ yaa síngi círiw ma. Yaa lɔgucew tánʔa nyuu.

Levii ye sáriga-wòlori 25:35

« ‹Fɔ̌ngi ga baa too mɔ senyɛnnɛ̀ na mɔ taana, wi kɔ́gi ga kólogo, ki n yɛlɛ mi wi dɛ̀ɛmɛ, koro ga pye wi gbǎn tɛ́ɛn ní mɔ ní, àlí ki ga pye nibɔɔn wee wi baa tɛ́ɛn ní mɔ ní lè, wàlá wee wi a làlaa cɛɛri kwɔ́ɔ ní mɔ ní lè.

Matye 25:17

Kánmi bee na siinw fɔ́lɔ wɔ́ɔ̀ sirakamayaa siin tɔnɔ taa.

Matye 5:16

Kánmi bee na gi yɛlɛ yele í yele gbɛ̀ɛ́nmi yaʔa paa nyín paa yirigi syɛ́ɛnbèle ma, jàngó paa yele kapyejǎngèle nyaagi, sáā yele Tóow kpɔ̀ʔɔrɔ́, wi lè nyɛ̀ʔɛni na.

Luki 7:38

A wi sáà yére Zyezu tɔ́lɔyi taana ní i nyaan, níì nyatinmi yaʔa pi i ŋuu wi tɔ́lɔyi na, ní i yi kurugu ní wi ǹjoori ní, ní i wi tɔ́lɔyi syɔɔnri syɔɔnri, ní i nùndaanni bee sìnmɛ ŋuu yi na.

Luki 7:44

A wi fíige céw ma níì Siimɔn pye: «A mɔ céw naa nyaa lé? Mii n jée mɔ kpáagi ni, mɔ ga tɔjeelɔʔɔ kaan mii ma í, á céw naa si tɔ̀nɔ n mii tɔ́lɔyi jée ní wi nyatinmi ní, níì yi kurugo ní wi ǹjoori ní.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

Kapyegèle 22:12

Nànwaa si maa pye yaà Damasi ni pe i wi yiri Ananyasi, wi maa ni fɛ̀ɛgí Kolocɔlɔɔ na ní i wi làlwaw kólogo sámagi ni táanri, kěgi bee Zyefubéle myɛ maa ni wi mɛ́ɛtaangi yiri,

Kapyegèle 6:3

Ni senyɛ̀nnɛ, gee bee na gi yɛlɛ ye nànbēle kɔrɔsiin nyɛ́nɛ ye wòlo yeyɛɛ níngi ni, be pye mɛ́ɛtaanya fɔ̀ɔlɔ, be fúnyi si nyìn Pìicǎnni na, pé wɔ́ɔ pye sícilibēle, wolo a bele bee télege fáliw bee na,

Kapyegèle 9:36

Pìitamawaa maa pye Zyɔpe ni cɔlɔɔ, pe i wi yiri Tabita, ní si i wi yiri Girɛkiiri ni Dɔrikasi. Wi maa ni kacàngēle saʔa kpéʔele, ní i foomɔfɔbèle dɛ̀ɛmɛ́.

Kapyegèle 9:39

A Pyɛri yìri n kári ní be ní. A wi ga sáà nan yaà, a be wi kɔ́ri n lúgu kpaataʔagi na. A lɔgucebèle myɛ nùuni wi na n ba ni nyaan, ní i be búroyi ní be fànibèle tèé wi na dee Dɔrikasi jɔli n kaan poro ma lè, lǎli ni wi pye ní poro ní lè.

Wɔrɔmi ye 12:13

Yaa Kolocɔlɔɔ syɛɛncanbèle màko nyɔɔgi, yé pye nibɔndirigebéle.

Efɛzi ye 2:10

Níì cán wolo i nyɛ Kolocɔlɔɔ kɔ́yi yakpéʔelere, wi n wolo faan Kirisi Zyezu ni, koro ga pye wolo í da kacǎngèle kpéʔele, gele woro da kɔ̀rirɔ n sámaga lè jàngó wolo í da táanri ge ni.

Kɔlɔsi ye 1:10

Ki ga pye nya, kánmee na Kàfɔw caa yele í da táanri lè, yele a gbǎn ra táanri kánmi bee na, yele kérigèle myɛ sáā wi dàán, yele sáā yasanra sangi kapyejǎngèle myɛ ni, kàa sáā fàrá yele na Kolocɔlɔɔ cánni kàbaan na.

1 Timɔte 2:10

fwɔɔ kacànbyeri di yɛlɛ bi pye be fèredi, gee bee gi yɛlɛ cébèle í da kpéʔele, poro bele be jo lè pe i fɛ̀ɛgí Kolocɔlɔɔ na.

1 Timɔte 3:2

Gee bee na yɛɛ̀kinio n yɛlɛ wi pye dìgire fun, si pye cɔlɔɔ nibin fɔ́lɔ, wí wiyɛɛ cǒmi cán, si wɔ́ɔ pye yákirifɔlɔ, wi kérigèle myɛ n yɛlɛ ge sín, wí wɔ́ɔ pye nibɔnbèle tìrigefɔlɔ, si gbàn syɛ́ɛnbèle tamana na,

1 Timɔte 3:7

Ki n wɔ́ɔ̀ yɛlɛ kàfugi syɛ̀ɛnnɛ í da wi mɛ́ɛtaangi yiri jàngó faʔara a kɔ́ too wi na wi kɔ́ cò Dàzɔɔnw karinyanga na í.

1 Timɔte 5:16

Kapye lɔgucebèle pèle i yaà tágafɔjewaa kpaʔa ni, ki n yɛlɛ waa be dɛ̀ɛmɛ́. Ki ga yɛlɛ be pye Egiliziw túgoro í, jàngó Egiliziw í gbǎn ra lɔgucaatelebèle dɛ̀ɛmɛ́.

1 Timɔte 5:25

Kánmi bee na kacànbyeri wɔ́ɔ i yirigi kàfugi na, dee si di nyɛ lè làrama ni, ti a gbǎn ba kòro wolarada ni í.

1 Timɔte 6:18

Ki n yɛlɛ paa kacàngēle kpéʔele, pe a náa pye lɔrɔfɔɔlɔ kapyejǎngèle báriga ni, ki n yɛlɛ paa syɛ́ɛnbèle kaangi ŋàʔanaga fun, ní funjànya ní,

2 Timɔte 1:5

Mii wɔ́ɔ i mɔ tágadeeli kéele sɔ̀ngí ni taagi, lee li da pye lè mɔ nɔɔlɛɛgi Lowizi ma, ní mɔ nafɔw Unisi ma lè, mii n wɔ́ɔ̀ tága gi na ncan tágali bee wonijanna li nyɛ mɔ ma.

2 Timɔte 2:21

Gee bee na syɔ́ɔnwee ga wiyɛɛ sámaga n yirige kakolobyeri ni lè, woro a pye falicanw kpéʔelele yalege, gee Kàfɔw jée n mùnu n yaʔa wiyɛɛ ma falicanw myɛ kánma na lè, jàngó waa báara woro ma.

2 Timɔte 3:15

Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.

2 Timɔte 3:17

koro ga pye Kolocɔlɔɔ syɔ́ɔn í foro si fànʔa taa kacànbyeri myɛ na.

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Tiiti 2:7

Gee gi mɔ tiimaa kwɔ́ɔ lè, ki n yɛlɛ mɔ kapyejǎngèle í pye be ma fɛ̀ɛ kérigèle myɛ ni, mɔ tamani í pye tɛɛlɛ fun si pye ní báriga ní,

Tiiti 3:1

Maa be sɔ̀ngumi tìrigí gi na mí be pye, ki n yɛlɛ be peyɛɛ gaan fànʔafɔbèle ní séekpɔɔw fɔ̀ɔlɔ ma sáā lúro be ma si peyɛɛ zámaga yaʔa bàā kacǎngèle myɛ kpéʔele,

Tiiti 3:14

Ki n yɛlɛ wolo wóbèle í wɔ́ɔ kacànbyeri tama cán, sáā peyɛɛ màkow nyɔɔgi, jàngó pe a kɔ́ pye kanyɔɔnɔ fun syɛɛnnɛ í.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 10:24

Ki n yɛlɛ wolo í da woyɛɛ kɔ̀rɔsíi, sáā woyɛɛ kɛɛlɛ, koro ga pye wolo í da tàmaga nii ní syɛ́ɛnbèle ní, sáā kacàngēle kpéʔele.

Heburubèle 13:2

Ki ga yɛlɛ yele í fɛ̀ʔɛ nibɔndirigeri na í, níì cán kánmi bee na pèle da nyɛ̀ʔɛni tundunbéle nibɔnrɔ pye, n gi yaʔa pe ga be cán í.

Heburubèle 13:21

ki n yɛlɛ wi fànʔa kaan yele ma jàngó yele í gbǎn ra kapyejǎngèle féleye myɛ kpéʔele bi yɛlɛ ní wi nyɛnɛ kéeli ní, si wɔ́ɔ wi kanidaanni kpéʔele wolo fúnyi ni Zyezu Kirisi bárigaw ni, woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.

1 Pyɛri 4:9

Ki n yɛlɛ yele í da fɔ̀lɔ́ yeyɛɛ na bi pye yeyɛɛ jàtigibéle sànʔara fun.

3 Zyan 1:12

Syɛ́ɛnbèle myɛ i Demɛtiriyusi mɛ́ɛtaangi yiri, a kányɛɛgi tiimaa i wi mɛ́ɛtaangi yiri, a wolo wɔ́ɔ i wi mɛ́ɛtaangi yiri. Mɔ si n gi cán wolo séeraw i nyɛ kányɛʔɛ.