1 Timɔte 5:1 - Cebaara Bible 2010

¹ Ki ga yɛlɛ mɔ í kɔ́ fúlo nànlɛɛɔ na ní fungbanga ní í, fwɔɔ maa nyuu ní wi ní fûnnyinge na àmɛɛ mɔ tóo nyɛ lè, máā nyuu ní nìgɔcaribèle ní àmɛɛ mɔ senyɛ̀nnɛ nyɛ lè,

1 Timɔte 5:1 Iomraidhean Croise

Levii ye sáriga-wòlori 19:32

Da yìrigí maa yèré ǹjoofiiri yɛ́ʔɛ ma, máā nànlɛɛɔ kpɔ́ʔɔgi. Da fɛ̀ɛgí mɔ Kolocɔlɔw na. Mii wi nyɛ Yawe.

Matye 23:8

Kàjáa ki ga yɛlɛ paa yele wàa yiri Tamafɔw í. Níì cán yele Tamafɔw i nyɛ nibin, yele myɛ si i nyɛ senyɛnnɛgɛ.

Kapyegèle 14:23

A be yɛɛ̀kinibèle pèle nyɛ́nɛ n wòlo n télege télege egilizibèle nyúnyo na, níì súnw le níì nyɛ́ɛri Kolocɔlɔɔ ma, ní náà be yaʔa Kàfɔw kɔ́yɔ ni, woro wee na be tága lè.

Kapyegèle 15:4

A pe ga sáà nan Zyerusalɛmi na, a Egiliziw ní pìitunbèle, ní yɛɛ̀kinibèle be sámaga n cò, gee myɛ poro gbàn n kpéʔele Kolocɔlɔɔ bárigaw ni lè, a be gee bee joo n tɛ̀ɛn be na.

Kapyegèle 15:6

A pìitunbèle ní yɛɛ̀kinibèle peyɛɛ gbóʔoro bi kéeli bee cɔɔnri.

Kapyegèle 20:17

Lǎli ni Pɔli pye lè Milɛti ni, a wi tun Efɛzi ma níì jo pe sa Egiliziw yɛɛ̀kinibéle yeri paa maa.

Wɔrɔmi ye 13:7

Gee gi yɛlɛ syɛ́ɛnbèle myɛ ma lè, yaa gee bee kaangi be ma, ki n yɛlɛ yaa nyǔnyi lɔ́rɔ kaangi nyǔnyi lɔ́rɔ syɔɔfɔlɔ ma, yáā céwologi kaangi céwologi syɔɔfɔlɔ ma, wee na yele yɛlɛ bàā fɛ̀ɛgí lè, yaa fɛ̀ɛgí wi na, wee yele yɛlɛ bàā kpɔ́ʔɔgi lè, yaa wi kpɔ́ʔɔgi.

Galasi ye 6:1

Ni senyɛ̀nnɛ, syɔɔnwaa ga too kapeele ni, yele bele ye nyɛ lè Pìicǎnni kôdanʔabéle, ki n yɛlɛ ye wi yìrige ye yérige ní fûnnyinge ní. Mɔ wee wi wi yìrige lè, maa miyɛɛ kɔ̀rɔsíi koro ga pye Sutanaw a wɔ́ɔ kɔ́ mɔ lɛ́ɛlɛ bi lége kapeelaa ni í.

Làlwaw Kaanziin 33:9

woro wee wi gi joo wi tóow ní wi nɔ́ɔw kéele na lè níì jo: ‹Mii o be wéle í.› Woro wee wi lè wi ga wi senyɛnbèle cán n wàli í. Wi ga wi jáabèle cán í, níì cán Levii ye i mɔ syɛ́ɛnri kɔ̀rɔsíi, pe i mɔ joogaanni kɔngi.

1 Timɔte 5:17

Wolɛɛbèle be Egiliziw sámagi ni kàragí lè, bele bee n yɛlɛ ní kpɔʔɔdɛɛyɛ siin-ziin ní, bele si be Kolocɔlɔɔ syɛ́ɛnri nyuu ní i syɛ́ɛnbèle tama lè, a poro wógi si tóro.

1 Timɔte 5:2

mí wɔ́ɔ maa nyuu ní celɛɛbèle ní àmɛɛ mɔ nafɔɔlɔ nyɛ lè, máā nyuu ní cepiibèle ní funviire na àmɛɛ mɔ senyɛ̀nnɛ nyɛ lè.

Tiiti 2:2

Ki joo nànlɛɛbèle ma pe peyɛɛ cǒmi cán páā síngi paa táanri, si pye yákirifɔɔlɔ, pé wɔ́ɔ cólogo tágali, ní tàmagi, ní kpàracogi kàbaan na.

Tiiti 2:6

Mi wɔ́ɔ maa nìgɔcaribèle kɛɛlɛ be pye yákirifɔɔlɔ.

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

Zyaki 5:14

Ba wàa i nyɛ lé yele níngi ni ni yáa? Ki n yɛlɛ wi Egiliziw yɛɛ̀kinibéle yeri, bele bee í ba nyɛ́ɛri wi kéeli na si sìnmɛ tɛ́ʔɛ bi wi pɔ̀li Kàfɔw mɛ́ʔɛ na.

1 Pyɛri 5:1

Egiliziw wólɛɛbéle be nyɛ lè yele níngi ni, bele bee ní mii nyuu tɔ́ɔliw ni, mii wee wi wɔ́ɔ̄ nyɛ lè wolɛɛwaa àmɛɛ poro nyɛ lè, ní Kirisi wɔʔɔyi séera, á mii wɔ́ɔ̀ lɛɛlɛ taa nìjanri ni, dee wi a kɔ́ ba tɛ̀ɛn wo na lè, mii i yele nyɛ́ɛri níì jo:

2 Zyan 1:1

Mii wee wi nyɛ lè Egiliziw wolɛɛɔ, cɔlɔɔ, mii a sɛ́bɛw naa tórigo mɔ ní mɔ piibèle ma, mɔ wee wi nyɛ lè Kolocɔlɔɔ syɛɛnnyɛnɛ-wòloo. Yele kéeli n mii dɛ́nɛ kányɛʔɛ ni, mii nibin si ban í, fwɔɔ bele myɛ be kányɛɛgi cán lè, yele kéeli n wɔ́ɔ̀ bele bee dɛ́nɛ

3 Zyan 1:1

Mii wee wi nyɛ lè Egiliziw wólɛɛɔ, mii a sɛ́bɛw naa tórigo mɔ ma Gayusi, mɔ wi lè mii syɛɛn-nidaanmaw, mɔ wee kéele li mii dɛ́nɛ lè kányɛʔɛ ni.

Tɛ̀ɛnnɛ 4:4

A mii fàngorigèle kèle toko ní sicɛrɛ nyaa a ge fàngoli màʔa n kpàra, wolɛɛbèlē toko ní sicɛrɛ si i nyɛ wodɛ́ɛnbéle ní fàngorigèle bee ni ní buroviiye ní, fànʔafɔ-nyùndɔngéle si i nyɛ be ma nyúnyi ni, tɛɛ̀ wòʔolo.