1 Timɔte 4:8 - Cebaara Bible 2010

⁸ Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.

1 Timɔte 4:8 Iomraidhean Croise

Zyɔbi 22:2

«A syɔɔn a gbǎn yarigaa nyɔɔ lé Kolocɔlɔɔ na? Eʔe, sícilio kanyɔɔni i nyɛ wiyɛɛ tiimaw na.

Zyɔbi 36:11

Pe ga fɔ̀lɔ ni lúro níì peyɛɛ jɛ́rɛ, pe cányi a foro fundaanri ni, pe yɛ́ɛgèle a foro pe kanidaangèle ni.

Ŋúnuyi 145:19

Bele be fɛ̀ɛgí wi na lè, wi i bele bee nyɛ́nɛ kèlē forogi, wi i be sùpiigèle lúro ní i be syoo.

Ŋúnuyi 37:11

Màabyebèle si a tɛ́ɛn tári fáliga na, pe a ra fundaanra kpéʔele yɛɛ̀nyingbɔɔgi kéele na.

Ŋúnuyi 37:29

Syɛɛnsinbèle a tári fáliga taa, pe a tɛ́ɛn bi kòro di ni làla o làla.

Ŋúnuyi 37:9

Níì cán kakolobyebèle a kwɔ́ɔ bi yiri yaà, bele si pe be sɔ̀ngumi taʔa Yawe na lè, bele bee a tári fáliga taa.

Ŋúnuyi 84:11

Bi canʔa nibin kwɔ́ɔ mɔ kpɔʔɔrɔli kpaʔa kàcoolo kadàagēle na, koro n pɔ́rɔ n sɔ̀lɔ canya saala kagunɔ kwɔ́ɔlɔ na tɛɛgaa nikwɔɔ ni. Bi yére mii Kolocɔlɔw kpaʔa kpaaweele na, mii n koro fúngo cán n sɔ̀lɔ tɛ́ɛnni na syɛɛnpeebèle fànikpaaya ni.

Kàseegèle 19:23

Yawe yɛ́ɛgi fyáara i syée ní syɔɔn ní sìíw ma, syɔ́ɔnw n pye ŋɔ́ndaala na yébilipogi myɛ ni, wɔʔɔgɔ a nan wi na í.

Kàseegèle 22:4

Màabyeri ní Yawe yɛ́ɛgi fyáara tɔnɔ wi nyɛ lɔ́ri, ní nìjanri, ní sìíw.

Syɛɛnjóow 8:12

Alí kapeebyeo si ga caà kapeeyi kpéʔele tɔlɔyɔ dabata níì sìinɛʔɛɔ taa gee bee ni, mii na, mii n sèʔê gi cán fundaanri i nyɛ bele wóro bele be fɛ̀ɛgí Kolocɔlɔɔ na lè àmɛɛ wi yɛ́ɛgi fyáara nyɛ be ma lè.

Ezayi 3:10

Ye gi joo yé jo: Syɛɛnsinw i nyɛ dùba pyà, níì cán pe a ba ra wi kapyegèle tɔ̀nɔ líi.

Ezayi 33:16

wee bee fɔ́lɔ a tɛ́ɛn ǹjoʔo ma tɛ́ɛyi ni, fálaya kpaataʔa-tɔ́nɔyɔ yi a pye wi tɛɛlaragi. Lìile a kaan wi ma, wi lǒgi kéele a cɔɔnri.

Zyeremii 6:20

Nyàʔá mii a pye ní nùndanʔa yárigi ní gi yìrigí Saba ma lè, ní táleelire nundanʔa nyàákanga ní? Yele sáriga-sórigow ga mii dɛ́nɛ í, yele sárigaw o nyɛ mii yanidaanmaga í.»

Matye 12:32

Syɔ́ɔnwee faala ga syɛɛnpeere joo n wáa Syɔɔn-pya na lè, di kùsulugi a syɔɔ wi ma. Kàjáa wee ga syɛɛnpeere joo n wáa Pìicǎnni na lè, di kùsulugi a tée syɔɔ wi ma dulunyanw naa ni í, n náa kɔ́ɔ̀ yére dulunyanwee wi maa lè í.

Matye 19:29

Syɔ́ɔnwee faala si ga wi kpáayi, ní wi senyɛnnǎnbèle, ní wi senyɛnjebèle, ní wi tóow, ní wi nɔ́ɔw, ní wi pìíbèle, ní wi séyi yaʔa lè mii mɛ́ɛgi kéele na, wee bee a di feleye saʔa taa bi fàra sìibangwɔɔw na.

Matye 6:33

Kàjáa ki n yɛlɛ yele í da wi fǎngi ní wi sínni caa gbɛnʔɛnɛ, yáriri bee myɛ si naa taʔa yaà yele ma.

Mariki 10:30

wee bee a di dabata-da tɔ̀nɔ taa dulunyanw naa ni, gee bee n jo kpáayi, ní senyɛnnǎnbèle, ní senyɛnjebèle, ní nafɔbèle, ní pìíbèle, ní séyi ní. Ki si a wɔ́ɔ pye ní wɔʔɔlɔ ní, wi náa ba sìibangwɔɔw taa nyɛ̀ʔɛna.

Luki 5:38

Kàjáa dùvɛɛnfɔnw n yɛlɛ pe wi le saliya kpàbifɔnbéle ni.

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

1 Korɛnti ye 3:22

Pɔli yoo, Apolɔsi yoo, Sefasi yoo, dulunyanw yoo, sìíw yoo, kùúw yoo, lǎli naa yárira yoo, lǎlee li maa lè loro yáriri yoo. Ti myɛ i nyɛ yele wóro,

1 Korɛnti ye 8:8

Yaliire ban ti a gi kaan wolo kéeli í Kolocɔlɔɔ dɛ́nɛ í, wolo ga pye wolo o di líi í, yafyɛn a fɔ̀n wolo ni í. Wolo si ga wɔ́ɔ ni di líi, gee bee a yafyɛn fàra wolo na í.

1 Timɔte 4:7

Kàjáa mi Kolocɔlɔɔ yɛ́ʔɛnaa-sìnvyaabèle kèlē ní celɛɛbèle tánlɛɛyɛ cée, mí miyɛɛ dama mi tàli Kolocɔlɔɔ yɛ́ɛgi fyáara kele na.

1 Timɔte 6:3

Syɔɔnwaa ga ni syɛ́ɛnbèle tama tamalaa nikwɔɔ ni, lee li fàli wolo Kàfɔw Zyezu Kirisi tamajanni na lè, ní wɔ́ɔ̀ fàli Kolocɔlɔɔ yɛ́ɛgi fyáara tamana na,

1 Timɔte 6:5

Bele yákirii wi kálagi lè, poro má kàkabalabeeyi yìrigí, kányɛʔɛ o nyɛ be ma í, pe i gi sɔ̀ngí n jo Kolocɔlɔɔ yɛ́ɛgi fyáara i nyɛ dulunyanw tɔ̀nɔtaara kólogo.

1 Timɔte 6:6

Kányɛʔɛ ni Kolocɔlɔɔ yɛ́ɛgi fyáara si di nyɛ tɔ̀nɔkpɔɔw kólogo, ní syɔɔn ga ni gi córo n jo gee woro taa n kwɔ́ɔ lè, gee bee n yɛlɛ ní woro ní.

2 Timɔte 3:5

Kolocɔlɔɔ kôdanʔari fɛ̀ɛ a ba pye be na, kàjáa pe a wi séew cée. Ki n yɛlɛ mɔ í láʔa syɛ́ɛnbèle bee félege na.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 13:9

Ki ga yɛlɛ ye gi yaʔa pe kɔ yele fáana pùuni ní tama-nibɔngèle kèle nikwɔɔlɔ félege ní í, ki n yɛlɛ yele zɔ̌nbèle í nìri Kolocɔlɔɔ kpɔ́ʔɔri báriga ni, ki ga yɛlɛ gi pye yaliifeleraa báriga ni í. Níì cán bele pe da ni zɔ̀nniriw caa lè yaliifeleraa báriga ni, pe ga tɔ̀nɔ taa gee bee ni í.

1 Zyan 2:25

Yárigee nyɔ́ɔ Kirisi fàli wolo ma lè, koro gi nyɛ sìibangwɔɔw.

Tɛ̀ɛnnɛ 3:12

Wee wi ga fànʔa taa lè, mii a wi kpéʔele tiipɔlɔ mii Kolocɔlɔw kpɔ̀ʔɔrɔlɔ kpaʔa ni, wi si a ní yiri yaà nyáana í. Mii a wɔ́ɔ mii Kolocɔlɔw mɛ́ʔɛ sɛ́bɛ wi na n fàra mii Kolocɔlɔw kèkpɔʔɔ mɛ́ʔɛ na, ki lè Zyerusalɛmifɔnw gee ki a yìri lè nyɛ̀ʔɛni na mii Kolocɔlɔw ma bi tìgi naa, si wɔ́ɔ mii mɛ́ɛfɔngi sɛ́bɛ wi na.

Tɛ̀ɛnnɛ 3:21

Wee wi ga fànʔa taa lè, mii a wee bee yaʔa wi tɛ́ɛn mii taana mii fàngoli ni, àmɛɛ mii wɔ́ɔ̀ fànʔa taa lè ní sáà tɛ́ɛn mii Tóow taana wi fàngoli ni lè.

1 Samyɛli 15:22

A Samyɛli jo: «A sáriga-sórigow ní sárigasanw kéele Yawe dɛ́nɛ lé n sɔ̀lɔ Yawe jóomi lóʔolo na? Wéle, lóʔoli n pɔ́rɔ n sɔ̀lɔ sárigaw na. Bi miyɛɛ jɛ́rɛw n pɔ́rɔ n sɔ̀lɔ bàpɔbèle sìnmɛ na.