1 Timɔte 4:6 - Cebaara Bible 2010

⁶ Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

1 Timɔte 4:6 Iomraidhean Croise

Ŋúnuyi 19:7

Ki i yirigi nyɛ̀ʔɛni láʔalee ma ni syée n sa ni tuun láʔalee ma, yarigaa faala o làrá gi káfugi na í.

Kàseegèle 4:2

Níì cán cánjànna mii kaangi yele ma, yele a kɔ́ mii tamani cée í.

Zyeremii 15:16

Lǎli ni mɔ syɛ́ɛnri da ni nangi mii na lè, a mii i di líi. Mɔ syɛ́ɛnri n pye mii yanidaanmaga ní mii fúngi fundaanra yáriga. Níì cán mɔ mɛ́ɛgi gi yiri mii na, Yawe, Kolocɔlɔɔ wi lè Nyɛ̀ʔɛni Sùlasiibéle Kafɔlɔ!

Matye 13:52

A wi be pye: «Koro na Mowizi làlwaw tamafɔlɔ o tamafɔlɔ wi nyɛ lè nyɛ̀ʔɛni fànʔa pìitamawaa, wi i nyɛ àmɛɛ nànwaa nyɛ lè, wee wi nyɛ lè kpaʔafɔlɔ ní i yalɛɛri ní yafɔnri yirigi wi lɔgbanri yárira ni ni tèé.»

Luki 1:3

Gee bee na, Teofiili, mɔ wee wi nyɛ lè báriga syɔ́ɔn, àmɛɛ mii tɔ̀nɔ n yíbeye saʔa kpéʔele lè kérigèle bee myɛ na nlaa ge sélimi na, a mii gi nyaa ki n yɛlɛ mii í wɔ́ɔ ge sɛ́bɛ taʔalagèlē bi tórigo mɔ ma.

Kapyegèle 1:15

Cányi bee ni a Pyɛri kɔ́ɔ̀ yìri n yére senyɛnbèle nínge ni. (Bele pe da peyɛɛ gbóʔoro yaà lè, pe maa togoye kɔrɔni félege kwɔ́ɔ.) A wi be pye:

Kapyegèle 20:31

Koro na gi yɛlɛ yaa kɔ̀rɔsíi, yé yele sɔ̀ngumi yaʔa gi na bi cán mii maa ni yele myɛ nibin nibin kɛɛlɛ ní nyatinmɛ ní. Mii ga kɛɛlɛli bee yaʔa làlaa faala ni yɛ́ɛgèle taanri nínge ni í, n cányi pínɛ yébiliyi ni.

Kapyegèle 20:35

Kanmaa mii da kpéʔele n tɛ̀ɛn yele na nya kérigèle bee myɛ ni àmɛɛ wolo yɛlɛ bàā báara lè bàā fànʔa-fùnvɔbèle dɛ̀ɛmɛ́, si wɔ́ɔ ra Kàfɔw Zyezu syɛ́ɛnri sɔ̀ngí da taagi dee wi da joo lè níì jo: ‹Dùba i nyɛ kaanni ni n sɔ̀lɔ taali na.› »

Wɔrɔmi ye 15:15

Koro ní ki myɛ ní mii n soro n syɛɛngbanra sɛ́bɛ yele ma sɛ́bɛw naa ni bi yele sɔ̀ngumi tìrige kérigèle kèle na, kpɔ́ʔɔri báriga ni mii soro n koro kpéʔele, dee Kolocɔlɔɔ kaan mii ma lè,

1 Korɛnti ye 4:17

Koro kéeli na mii Timɔte tun yele ma, wi nyɛ lè mii pìinidaanmaw Kàfɔw ni, ní i nyɛ tágala syɔ́ɔn. Woro wi a yele sɔ̀ngí taa mii tánʔaganmi na Kirisi Zyezu ni, bi fàra kérigèle na mii syɛ́ɛnbèle tama lè egilizibèle myɛ ni tɛ́ɛyi myɛ ni.

2 Korɛnti ye 11:23

A be i nyɛ lé Kirisi falipyebèlē? Mii i nyɛ Kirisi falipyeo n sɔ̀lɔ poro na. (Mii i nyuu mɔ a jo nilabalaga gii.) Mii n báara n sɔ̀lɔ poro na, ní wɔ́ɔ̀ kàsow pye n sɔ̀lɔ be na. Pe n mii kpúmɔn gbanʔama n sɔ̀lɔ poro na. Mii maa pye kùúw kɔ́yɔ ni tɔlɔyɔ saʔa.

2 Korɛnti ye 3:6

Woro wi séew kaan wolo ma wolo í pye joogaanvɔnni falipyebèlē, làlwaw sɛ́bɛ joogaanna ban í, Pìicǎnni wólo lii. Níì cán làlwaw sɛ́bɛrɛ i syɛ́ɛnbèle kúu, Pìicǎnni si i sìi kaangi be ma.

2 Korɛnti ye 6:4

Kàjáa wolo kérigèle myɛ i gi tèé ncan wolo i nyɛ Kolocɔlɔɔ falipyejànbēle, àmɛɛ wolo wɔʔɔyi, ní fɔ̀rɔyi, ní kagbanyi myɛ kpàracó lè gbanʔama.

Efɛzi ye 6:21

Wolo senyɛn-nidaanmaw Tisyiki wi lè tágala falipyeo Kàfɔw kólogo ni, woro a sa mii kérigèle myɛ tɛ̀ɛn yele na koro ga pye yele í gi cán gee mii kpéʔele naa lè.

Filipikaʔa ye 2:20

Níì cán wàa nikwɔɔ o nyɛ ní mii ní wee wi sɔ̀nguri bee wonijanra sɔ̀ngí lè í, jàngó bàā yele kérigèle kɔ̀rɔsíi kányɛʔɛ ni í.

Filipikaʔa ye 2:22

Yele si n gi cán Timɔte i nyɛ syɛɛnsɛʔɛgwɔɔɔ, wi maa ni báara ní mii ní Syɛɛnjóocǎnri kéele na àmɛɛ pyà báara lè ní wi toò ní.

Filipikaʔa ye 3:16

Koro ní ki myɛ ní, ki n yɛlɛ wolo í da táanri da yɛlɛgi ní wolo wojángwɔɔri ní.

Kɔlɔsi ye 2:19

Wi ga Kirisi cò gbanʔama í, wi lè nyǔngi, gee gi céri tɛ́ɛyɛ myɛ màko nyɔɔgi lè, níì yi sogi yiyɛɛ na yi tɛɛsogiyi ní kapanyi báriga ni, jàngó céri í da kpɔ́ʔɔgi bàā yɛlɛgi ní Kolocɔlɔɔ kínidɛnɛgi ní.

Kɔlɔsi ye 3:16

Yé Kirisi syɛ́ɛnri yaʔa di tɛ́ɛn yele fúnyi ni saʔa, yáā yeyɛɛ dama, yáā yeyɛɛ kɛɛlɛ sícilimi myɛ ni ní Kolocɔlɔɔ yɛ́ɛgi fyáara ŋúnuyo, ní Kolocɔlɔɔ kpɔ̀ʔɔrɔli ŋúnuyo, ní Kolocɔlɔɔ kôdanʔari ŋúnuyo ní. Yaa ŋúu yáā bariga kaangi Kolocɔlɔɔ ma ní yele fúnyi myɛ ní.

Kɔlɔsi ye 4:7

Wolo senyɛn-nidaanmaw Tisyiki wi lè tágala falipyeo ní wolo pulonyɛnnɛ Kàfɔw kólogo ni, woro a sa mii kérigèle myɛ tɛ̀ɛn yele na.

1 Tesaloniki ye 3:2

níì Timɔte tun, wi lè wolo senyɛnw ní Kolocɔlɔɔ falipyenyɛnnɛ Kirisi Syɛɛnjóocǎnri joolo kéele na, wolo maa wi tun jàngó wi sa yele dɛ̀ɛmɛ yele í nìri, si yele kɛɛlɛ yele tágali kéele na,

1 Timɔte 1:10

ní cecaabèle, ní nànjaabèle, ní nànjaananbèle, ní bele be syɛ́ɛnbèle yúu ni pára lè, ní jànvaafɔbèle, ní bele be kɛ̀ɛ́ lè jànvaaw na, ní kérigèle myɛ ní gele ke a gbǎn tamajanni kábala lè.

1 Timɔte 4:16

Maa miyɛɛ kɔ̀rɔsíi, mí wɔ́ɔ maa mɔ tamani kɔ̀rɔsíi. Níì cán mɔ ga ni gi kpéʔele, kánmi bee na mɔ a miyɛɛ zyɔɔ, si wɔ́ɔ be syɔɔ, bele be lúro mɔ ma lè.

1 Timɔte 6:3

Syɔɔnwaa ga ni syɛ́ɛnbèle tama tamalaa nikwɔɔ ni, lee li fàli wolo Kàfɔw Zyezu Kirisi tamajanni na lè, ní wɔ́ɔ̀ fàli Kolocɔlɔɔ yɛ́ɛgi fyáara tamana na,

2 Timɔte 1:6

Koro na mii i mɔ sɔngumi tìrigí gi na níì jo, fundooree Kolocɔlɔɔ kaan mɔ ma lè mii kɔdaʔari báriga ni mɔ na lè, mi gi yaʔa kàa í da fàrá dee bee na àmɛɛ syɔɔn gáā naà kpèʔelé lè.

2 Timɔte 3:10

Mɔ tiimaa si n mii tamani fílige n cán, ní wɔ́ɔ̀ mii tánʔaganmi, ní mii kakɔrirɔgèle tímanaganma cán, n fàra mii tágali, ní mii kpàracogi, ní mii tàmagi, ní mii lòmaani na,

2 Timɔte 4:3

Níì cán làla a kɔ́ ba pye, lee ni lè syɛ́ɛnbèle a gbǎn tamajanni kpàraco í. Kàjáa pe a ra pe nyɛnɛ tamafɔbèle saʔa caa bi yɛlɛ ní be céri ki laànitaʔa kele ní, jàngó paa poro fundaan-syɛ́ɛnri nyuu poro ma.

Tiiti 2:1

Mɔ si na, ki n yɛlɛ maa syɛ́ɛnbèle tama kérigèle ni ge yɛlɛ lè ní tamajanni ní.

1 Pyɛri 2:2

Ye pye àmɛɛ sàánnyɛɛngēle nyɛ lè bi yirejanmi láa yaʔa paa yele taagi pi lè pìígèle wómɔ, koro ga pye yele í da leegi syɔɔli kánma na pi bárigaw ni,

2 Zyan 1:9

Syɔ́ɔnwee faala ga pye lè wi ga kòro Kirisi tamani yagana ni í, ní i làa nikwɔɔ taari li na, Kolocɔlɔɔ o nyɛ wee bee ma í. Wee si wi kòro lè wi tamani ni, Tofɔw ní Jaafɔw myɛ i nyɛ wee bee ma.

Zyudi 1:5

Amɛɛ yele wírè kérigèle naa myɛ cán lè n kwɔ́ɔ gbanʔama, koro ní ki myɛ ní mii i caa bi yele sɔ̀ngumi tìrige ge na, koro ge nyɛ àmɛɛ Kàfɔw da Isirayɛli syɛ́ɛnbèle syɔɔ n yirige lè Ezyipiti tári ni, koro kàdoʔo ma poro bele pe da pye lè pe ga tága í, a wi bele bee kálagi.