1 Timɔte 4:4 - Cebaara Bible 2010

⁴ Kolocɔlɔɔ yasamagari myɛ n nyɔɔ, syɔɔn ga yɛlɛ wi tàa faala cée í, ki n yɛlɛ waa fɔ̀lɔ́ di na, wáā bariga kaangi Kolocɔlɔɔ ma.

1 Timɔte 4:4 Iomraidhean Croise

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Kapyegèle 10:15

A wi níì yákpoli lóʔo tɔziin wógi na a li wi pye: «Gee Kolocɔlɔɔ sámaga lè a gi nyɔɔ, ki ga yɛlɛ mɔ í da gi wéle yanɔnʔɔgɔ í.»

Kapyegèle 15:29

Yasunyi káara, ní sìsyaanw, ní yacorigboori káara, ní kanɔnʔɔri ní, yaa còʔoró dee bee na. Yele ga yeyɛɛ kɔ̀rɔsíi kérigèle bee na, gee bee a nyɔɔ. Kolocɔlɔɔ í yele dɛ̀ɛmɛ.»

Kapyegèle 21:25

Gee gi syɛɛnfeleyi tágafɔɔlɔ kéele kwɔ́ɔ lè, wolo maa sɛ́bɛw tórigo be ma níì jo, wolo nyɛ́nɛ na ki n yɛlɛ paa còʔoró yasunyi káara na, n fàra sìsyaanw, ní yacorigboori káara, ní kanɔnʔɔri na.»

Wɔrɔmi ye 14:14

Wolo Kàfɔw Zyezu n gi tɛ̀ɛn mii na, a mii gi cán n fílige ncan yarigaa faala ga nɔ́nʔɔ kiyɛɛ ma í. Kàjáa syɔɔn ga yarigaa córo yanɔnʔɔgɔ, ki n nɔ́nʔɔ wee bee ma.

Wɔrɔmi ye 14:20

Ki ga yɛlɛ mɔ í Kolocɔlɔɔ fáliw kálagi lìile kéele na í. Wolo n gi cán yaliiri féleye myɛ a gbǎn lìi. Kàjáa dee ti a pye lè mɔ senyɛnwaa toolo sábabu, mɔ ga dee bee lìi, koro gi pee.

Wɔrɔmi ye 14:6

Wee wi ga ni cangaa kpɔ́ʔɔgi lè, wi i gi kpɔ́ʔɔgi Kàfɔw kpɔ̀ʔɔrɔlɔ kéele na. Wee wi ga ni yáriri myɛ líi lè, wi i di líi Kàfɔw kpɔ̀ʔɔrɔlɔ kéele na, níì cán wi i bariga kaangi Kolocɔlɔɔ ma. Wee si wi lè wi o yáriri myɛ líi í, Kàfɔw kéele na wi gi kpéʔele, ní i bariga kaangi Kolocɔlɔɔ ma.

1 Korɛnti ye 10:23

Syɔɔn a gbǎn kérigèle myɛ kpéʔele, koro i nyɛ kányɛʔɛ, kàjáa ye gi cán tɔ̀nɔ o nyɛ ke myɛ ni í. Syɔɔn a gbǎn kérigèle myɛ kpéʔele, ke myɛ si a gbǎn kàa taʔa wi na í.

1 Korɛnti ye 10:25

Kaara o kaara be pára lè kaàpára-tɛ́ɛgi ma, yele a gbǎn di káa, ye a kɔ́ ra yeyɛɛ gábala yele fúnyi ni í.

1 Korɛnti ye 10:26

Níì cán «tári ní di yáriri myɛ i nyɛ Kàfɔw wóro.»

1 Korɛnti ye 10:30

Mii ga bariga kaan Kolocɔlɔɔ ma yarigaa kéele na, níì gi lìi, nyàʔá na gi yɛlɛ pe ní da mii mɛ́ɛgi kálagi yárigi bee kéele na mii bariga kaan n kwɔ́ɔ lè?

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

1 Timɔte 4:3

Pe i gi nyuu níì jo cèpɔrigɔ a kɔ́ ra kpéʔele í, páā yaliiraa féleye fúun, dee Kolocɔlɔɔ sámaga lè koro ga pye tágafɔbèle pe kányɛɛgi cán lè, paa di líi sáā bariga kaangi woro ma.