1 Timɔte 4:3 - Cebaara Bible 2010

³ Pe i gi nyuu níì jo cèpɔrigɔ a kɔ́ ra kpéʔele í, páā yaliiraa féleye fúun, dee Kolocɔlɔɔ sámaga lè koro ga pye tágafɔbèle pe kányɛɛgi cán lè, paa di líi sáā bariga kaangi woro ma.

1 Timɔte 4:3 Iomraidhean Croise

Sélimɛ 9:3

Yáriree myɛ di fíigi ni máari lè, ní i nyɛ sìi na, ti a pye yele ma lìile. Mii n toro kaan yele ma àmɛɛ mii tiisanri kaan yele ma lè.

Syɛɛnjóow 5:18

A gi wɔ́ɔ i nyɛ syɔ́ɔnwee ma Kolocɔlɔɔ lɔ́ri ní kɔlɔ̀ yáriri saʔa kaan lè, ní wɔ́ɔ̀ di lìíli fànʔa kaan wi ma a wi i wi lɛɛli taagi di ni, ní wɔ́ɔ i fundaanra kpéʔele wi fáliw nínge ni, koro i nyɛ Kolocɔlɔɔ yakanʔa.

Danyɛli 11:37

Wi màko a pye wi toolɛɛbèle kolocɔlɔbèlē na í, wàlá cébèle yakpɔʔɔrɔ-nidaanmara na í. Wi màko a pye kolocɔlɔwaa faala na í, níì cán wi a wiyɛɛ gbɔ́ʔɔ bi télege pe myɛ nyúngo na.

Matye 14:19

Níì syɛ́ɛnmi pye bi tɛ́ɛn nyàági na, a bi tɛ́ɛn, a wi fala n búrubèle kagunɔ ní fábèle siin láa, níì wi yɛ́ɛgi yìrige n le nyɛ̀ʔɛni ni níì dùbaw taʔa di na, níì fala n búrubèle kabagi kabagi n kaan wi pìitamabèle ma, a pìitamabèle wi lɛɛ syɛ́ɛnmi na.

Matye 15:11

Toro di nyɛ ncan yarigaa a gbǎn jée syɔɔn nyɔ́ɔgi ni bi wi nɔ́nʔɔ í. Fwɔɔ gee gi yirigi lè wi nyɔ́ɔgi ni, gee bee gi wi nɔ́ɔnri.»

Matye 15:36

níì búrubèle kɔrɔsiin láa n fàra fábèle na níì bariga kaan Kolocɔlɔɔ ma, níì be kabagi n kaan wi pìitamabèle ma, a wi pìitamabèle be lɛɛ syɛ́ɛnmi na.

Luki 24:30

Lǎli ni wi kɔ́ɔ̀ tɛ́ɛn bàā líi ní be ní lè, a wi búruw láa, níì dùbaw taʔa wi na, níì wi kabagi n kaan be ma.

Zyan 6:23

Kɔ́rɔbèle pèle si maa kɔ́ɔ̀ yìri Tiberiyadi ma n baa yére tɛ́ɛgi taana beè pe da búruw lìi lè, woro wee na Kàfɔw da nyɛ́ɛri Kolocɔlɔɔ ma lè.

Kapyegèle 27:35

Syɛ́ɛnri bee joolo kadoʔo ma a wi búru láa níì bariga kaan Kolocɔlɔɔ ma syɛ́ɛnbèle myɛ nyɛ́nɛ na, níì wàa kabagi n séli lìíli na ni líi.

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Wɔrɔmi ye 14:3

Wee wi yáriri myɛ líi lè, ki ga yɛlɛ wi yaliifálari yagana lìifɔlɔ faʔa í, ki ga wɔ́ɔ̀ yɛlɛ yaliifálari yagana lìifɔlɔ í yáriri myɛ lìifɔlɔ córo kolomɔfɔlɔ í, níì cán Kolocɔlɔɔ n wi sámaga n cò.

Wɔrɔmi ye 14:6

Wee wi ga ni cangaa kpɔ́ʔɔgi lè, wi i gi kpɔ́ʔɔgi Kàfɔw kpɔ̀ʔɔrɔlɔ kéele na. Wee wi ga ni yáriri myɛ líi lè, wi i di líi Kàfɔw kpɔ̀ʔɔrɔlɔ kéele na, níì cán wi i bariga kaangi Kolocɔlɔɔ ma. Wee si wi lè wi o yáriri myɛ líi í, Kàfɔw kéele na wi gi kpéʔele, ní i bariga kaangi Kolocɔlɔɔ ma.

1 Korɛnti ye 6:13

Yaliiri i nyɛ fícɛnni wóro, fícɛnni si wɔ́ɔ i nyɛ yaliiri wólo, koro i nyɛ kányɛʔɛ, kàjáa Kolocɔlɔɔ a ba ti myɛ siinw kwɔ́ɔ. Céri si ga kpéʔele kanɔnʔɔri kéele na í. Ti n kpéʔele Kàfɔw kéele na, Kàfɔw si wɔ́ɔ i nyɛ céri kéele na.

1 Korɛnti ye 7:28

Koro ní ki myɛ ní mɔ ga cèpɔrigɔ kpéʔele, koro o nyɛ kapeele í, pìcaa si ga wɔ́ɔ̀ cèpɔrigɔ kpéʔele, koro o nyɛ kapeele í. Kàjáa bele be gi kpéʔele lè, poro a wɔʔɔli taa céri na. Mii si i caa bi yele syɔɔ wɔʔɔli bee ma.

1 Korɛnti ye 8:8

Yaliire ban ti a gi kaan wolo kéeli í Kolocɔlɔɔ dɛ́nɛ í, wolo ga pye wolo o di líi í, yafyɛn a fɔ̀n wolo ni í. Wolo si ga wɔ́ɔ ni di líi, gee bee a yafyɛn fàra wolo na í.

Kɔlɔsi ye 2:16

Gee bee na yele a kɔ́ syɔɔnwaa faala yaʔa wi kolomɔ kaan yele ma yele lìíli ní yele gbaali kéele na í, koro ga jáa fɛ́tii, wàlá yevɔngɔ, wàlá cândɛnɛgɛ kéele na í.

Kɔlɔsi ye 3:17

Yariga o yariga yele kpéʔele lè, a ki i nyɛ syɛɛnjóoro yoo, wàlá kapyele yoo, ki n yɛlɛ yaa ki myɛ kpéʔele Kàfɔw Zyezu mɛ́ɛgi na, yáā bariga kaangi Tofɔw Kolocɔlɔɔ ma wi bárigaw ni.

1 Timɔte 2:4

Wi i caa syɛ́ɛnbèle myɛ í syɔɔ, si kányɛɛgi myɛ cán.

1 Timɔte 4:4

Kolocɔlɔɔ yasamagari myɛ n nyɔɔ, syɔɔn ga yɛlɛ wi tàa faala cée í, ki n yɛlɛ waa fɔ̀lɔ́ di na, wáā bariga kaangi Kolocɔlɔɔ ma.

1 Timɔte 5:14

Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

Heburubèle 13:4

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.

Heburubèle 13:9

Ki ga yɛlɛ ye gi yaʔa pe kɔ yele fáana pùuni ní tama-nibɔngèle kèle nikwɔɔlɔ félege ní í, ki n yɛlɛ yele zɔ̌nbèle í nìri Kolocɔlɔɔ kpɔ́ʔɔri báriga ni, ki ga yɛlɛ gi pye yaliifeleraa báriga ni í. Níì cán bele pe da ni zɔ̀nniriw caa lè yaliifeleraa báriga ni, pe ga tɔ̀nɔ taa gee bee ni í.

1 Samyɛli 9:13

Yele ga tɛ́nɛ̀ jée kěgi ni, yele a wi nyaa sáni wi kɔ lúgu kári lè sáriga-wòlo-tɛ́ɛgi ma sa lìi. Níì cán kapye wi ga nan yaà í, syɛ́ɛnbèle a lìi í, àmɛɛ gi nyɛ lè woro wi yɛlɛ bi dùbaw taʔa sárigaw na, woyeribèle si náa lìi. Yaa lúru tɔ́ɔliw ni, yele a sa wi nyaa lǎli naa ni.»