1 Timɔte 4:2 - Cebaara Bible 2010

² Jànvaaw tamana i taagi syɛɛnjóotɛɛyi siin joofɔɔlɔ ma, poro bele fúnyo yi gbàn lè mɔ a jo namisógugo fɛɛ wii.

1 Timɔte 4:2 Iomraidhean Croise

1 Fànʔafɔbèle 13:18

A wi wi pye: «Jo mii wɔ́ɔ i nyɛ kanyaajoowaa àmɛɛ mɔ nyɛ lè. Yawe n nyɛ̀ʔɛni tundunwaa tun a wi baa gi joo mii ma níì jo: ‹Sa wi yeri mi lúrugo waa maa ní mɔ ní mɔ kpaʔa ma jàngó wi ba yaliire lìi si lɔ̀ʔɔ gbaa.› » Bi gi taa a wi da finɛ wi ma wii.

1 Fànʔafɔbèle 22:22

A li wi yari: ‹Mii a yiri bi sa pye jànvaa pìle wi kanyaajoobèle myɛ nyɔ́ɔyɔ ni.› A Yawe jo: ‹Mɔ a wi kárima, mɔ a tɔ̀nɔ́ gbǎn wi kárima. Yiri mi sa gi kpéʔele nya.›

Ezayi 9:15

Syɛ́ɛnbèle naa yɛɛ̀kinibéle i be pùuní. Bele be yére pe i poro yɛ́ɛgi kínigi lè, poro n kogologo láa.

Zyeremii 23:14

Kàjáa mii n yapeeye nyaa Zyerusalɛmi kànyaajoobèle ma, pe i nyɛ kanɔnʔɔbyebèlē. Pe i táanri jànvaaw na. Pe i fànʔa nii bele kɔ́yɔ ni be kapeeyi kpéʔele lè, koro ga pye pe wàa a kɔ́ láʔa wi peemɛ na í. Pe myɛ i nyɛ mii nyɛ́nɛ na àmɛɛ Sodɔmi ye nyɛ lè, a Zyerusalɛmi syɛ́ɛnbèle i nyɛ mɔ a jo Gomɔri wóbèle bɛɛ.»

Zyeremii 23:26

Làla jòorí ki a pye kanyaajoobèle bee fúnyo ni bi kòro bàā jànvaa kanyaajooro kpéʔele bàā be fúnyi námara kanyaajooro kpéʔele?

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 5:21

Ye gee naa lóʔo, syɛɛnfele-labalaga, ní funvɔ̀nbēle! Nyapiigèlē i be na, pe si o nyaagi í, líiweegéle i be na pe si o lúro í.

Matye 24:24

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó pe fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Matye 7:15

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè.

Kapyegèle 20:30

Níì cán syɛ́ɛnbèle pèle a kɔ́ ba yìri yele tiimaa níngi ni bàā jànvaa syɛ́ɛnri nyuu koro ga pye sáā pìitamabèle nyúnyo kàragí bàā taari peyɛɛ na.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 16:18

Níì cán syɛ́ɛnbèle bee félege o báara wolo Kàfɔw Kirisi ma í, pe tiimaa fícarigèle má be báara. Syɛ́ɛnbèle bele be nyɛ lè pe ga kɔ́ɔ̀ kapeegèle ní kacǎngèle cán n láʔala keyɛɛ na í, pe i bele bee fáana ni pùuní ní be lɛ́ɛlɛgi syɛ́ɛnrɛ, ní be jànvaaw syɛ́ɛnrɛ ní.

Efɛzi ye 4:14

Kánmi bee na wolo a ní kòro pìími ni, tamaveleyi káfalaya í ra wolo fíigi sáā wolo lée ra wáa da máari í bi yɛlɛ ní syɛ́ɛnbèle námara, ní be sícilibeemi ní bi syɔɔn pùuní lè í,

Efɛzi ye 4:19

Pe ga níì fɛ̀ɛrɛ cán í, pe n peyɛɛ gaan cecaabeeri ní nànjaabeeri ma jàngó bàā kanɔnʔɔri féleye myɛ kpéʔele sìndín ni.

2 Timɔte 3:5

Kolocɔlɔɔ kôdanʔari fɛ̀ɛ a ba pye be na, kàjáa pe a wi séew cée. Ki n yɛlɛ mɔ í láʔa syɛ́ɛnbèle bee félege na.

Tɛ̀ɛnnɛ 16:14

Màdebèle bee i nyɛ pìigēle, gele ge bìngaari kèlē kpéʔele lè, ke i syée sa dulunyanw fànʔafɔɔlɔ myɛ kpóʔoro pe sa kapɛɛnni kpúmɔn Séew Myɛ Kolocɔlɔɔ cângbɔɔgi canʔa na.