1 Timɔte 4:16 - Cebaara Bible 2010

¹⁶ Maa miyɛɛ kɔ̀rɔsíi, mí wɔ́ɔ maa mɔ tamani kɔ̀rɔsíi. Níì cán mɔ ga ni gi kpéʔele, kánmi bee na mɔ a miyɛɛ zyɔɔ, si wɔ́ɔ be syɔɔ, bele be lúro mɔ ma lè.

1 Timɔte 4:16 Iomraidhean Croise

1 Cányi kèlē 28:10

Ki córo tɔ́ɔliw ni mi cán Yawe n mɔ nyɛ́nɛ n wòlo, koro ga pye mɔ í kpaʔa faan gi pye tɛɛcànga. Nìrimɛ le, máā báara.»

2 Cányi kèlē 19:6

A wi kútiijoobèle pye: «Gee yele a ra kpéʔele lè, ki n yɛlɛ ye yele yákiriw yaʔa gi na. Níì cán syɛ̀ɛnnɛ kéele na ban yele a ra kútiiw nyuu í, fwɔɔ Yawe kéeli na, woro wee wi a pye yele taana lè kútiiw kéele na.

Yirile 23:13

Kérigèle gele myɛ mii joo yele ma lè, ki n yɛlɛ yaa ge kɔ̀rɔsíi. Yele a ní kɔ́ sɔ̀ngi taa kolocɔlɔwaa faala mɛ́ʔɛ na bàā yiri í. Ki ga yɛlɛ syɔɔn faala í kɔ́ pe wàa mɛ́ʔɛ lóʔo mɔ nyɔ́ɔgi na í.

Ezayi 55:11

kánmi bee na mii syɛ́ɛnri nyɛ, dee di yirigi mii nyɔ́ɔgi ni lè, ti a lúru pan mii ma sìnbaara ni í, fwɔɔ bi taa ti mii nyɛ́nɛ kéeli kpéʔele bi foro, si di katunni kpéʔele bi nyɔɔ.

Zyeremii 23:22

Pe ga maa pye mii nyaa-mí-jooli tɛ́ʔɛ ni, pe mǎà dée mii syɛ́ɛnri tɛ̀ɛn mii syɛ́ɛnbèle na pe di lóʔo, si gi kaan pe lúru be kobeegi kurugo, ní be péemi nàʔabeemɛ kurugo bi pan.»

Mariki 13:9

Ki n yɛlɛ ye sámaga ye yére. Pe a ba ra yele nii kútiijoobèle kɔ́yɔ ni, sáā yele kpúmɔn sérikpaayi ni. Yele a kɔ́ sa yére tári kacɔɔnribéle ní fànʔafɔbèle yɛ́ʔɛ ma mii kéeli na, jàngó bi pye séera be ma.

Luki 21:34

«Yaa yeyɛɛ kɔ̀rɔsíi koro ga pye yele fúnyi a kɔ́ curugo làáwologi, ní singbaadinri, ní dulunyanw naa kasɔngugēle kéele na í, kapye koro ban í, cángi bee a kɔ́ ba yele pàla

Kapyegèle 26:22

Kolocɔlɔɔ si i mii syoo àlí n baa nan níjanʔa na, a mii i séeraw kpéʔele syɛ́ɛnbèle myɛ ma, syɛɛn-yilibèle yoo, syɛɛnkpolobèle yoo, mii o tàa faala taari kanyaajoobèle syɛ́ɛnrɛ ní Mowizi wóri na í, dee pe da joo lè níì jo ti a kɔ́ ba foro.

Kapyegèle 6:4

wolo tiimaa si kòro bàā Kolocɔlɔɔ nyɛ́ɛri sáā wi syɛ́ɛnri joolo fáli kpéʔele.»

Wɔrɔmi ye 11:14

koro ga pye bi kayaʔa lége mii felegefɔ-nyɛ́nbèle ni, jàngó poro pèle í taa syɔɔ.

Wɔrɔmi ye 16:17

Ni senyɛ̀nnɛ, bele be syɛ́ɛnbèle wálagi peyɛɛ na lè, ní i be fáana ni láari tamani na, lee yele tama lè, mii i yele nyɛ́ɛri yaa yeyɛɛ kɔ̀rɔsíi be na. Yaa còʔoró be na.

Wɔrɔmi ye 2:7

Bele si be kòro ni kasingèle kpéʔele lè ní lòmaana ní, ní i nìjanri caa, n fàra sòololi, ní cénaa-sìnvɔnʔɔri na, bele bee má wi a sìibangwɔɔw kaan.

1 Korɛnti ye 1:21

Níì cán dulunyanw syɛ̀ɛnnɛ sícilimɛ ga gbàn n be kaan a be Kolocɔlɔɔ cán í, Kolocɔlɔɔ wi koro kpéʔele nya wi sícilimi báriga ni, ki si n Kolocɔlɔɔ dɛ́nɛ bi tágafɔbèle syɔɔ wi syɛ́ɛnri joolo báriga ni, dee joolo dulunyanw syɛ̀ɛnnɛ córo lè labalama kéele.

1 Korɛnti ye 9:22

Bele fànʔa gi cɛ́rɛ lè tágali ni, mii ga pye ní bele bee ní, mii n niyɛɛ bye mɔ a jo poro wàa wii, koro ga pye mii í poro pèle taa. Mii n niyɛɛ gàriga féleyi myɛ na syɛɛnfeleyi myɛ ma, koro ga pye mii í poro pèle taa syɔɔ.

1 Korɛnti ye 9:27

A mii mii céri wɔʔɔ wii gbanʔama níì di pye mii púlo, koro ga pye mii ga joo n kwɔ́ɔ wozanbèle ma, mii tiimaa a kɔ́ fɔ̀n í.

Efɛzi ye 4:14

Kánmi bee na wolo a ní kòro pìími ni, tamaveleyi káfalaya í ra wolo fíigi sáā wolo lée ra wáa da máari í bi yɛlɛ ní syɛ́ɛnbèle námara, ní be sícilibeemi ní bi syɔɔn pùuní lè í,

Kɔlɔsi ye 4:17

Ye gi joo Arisyipi ma yé wi pye waa wi fáliw kɔ̀rɔsíi wee Kàfɔw kaan woro ma lè, koro ga pye woro í wi kpéʔele foro.

1 Tesaloniki ye 2:16

Syɛ́ɛnree wolo nyuu lè syɛɛnfeleyi wozanya ma koro ga pye yi syɔɔ, pe i dee bee yéregi, níì kòro ni kàa taʔala be kapeegèle na. A Kolocɔlɔɔ fundanʔari si kɔ́ baa too be na.

1 Timɔte 1:3

Amɛɛ mii da mɔ nyɛ́ɛri lè mii làrigárili ni Maseduwani ma níì jo mɔ í kòro Efɛzi ni, ki n yɛlɛ mɔ í kòro yaà, koro ga pye bele be syɛ́ɛnbèle tama lè tamalaa nikwɔɔ na, mɔ í da gi nyuu da gbàngí bele bee ma si be pye pe a ní kɔ́ ra gee bee kpéʔele í,

1 Timɔte 4:15

Mi gbèé pye kérigèle bee na, mi miyɛɛ gaan ge ma koro ga pye syɛ́ɛnbèle myɛ í gi nyaa àmɛɛ mɔ syée lè yɛʔɛ̀ ma tágali ni.

1 Timɔte 4:6

Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

2 Timɔte 2:10

Koro na mii i kérigèle myɛ kpàracó Kolocɔlɔɔ syɛɛnnyɛnɛ-wòlobèle kéele na, koro ga pye poro í wɔ́ɔ syɔɔli taa, n fàra bàngwɔɔ nìjanri na, dee Kirisi Zyezu kaangi lè.

2 Timɔte 3:14

Mɔ si na, gee mɔ tama n cán lè kányɛʔɛ ni, mi kòro maa gee bee kpéʔele. Níì cán bele be mɔ tama lè, mɔ n be cán.

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

Tiiti 1:9

wí wɔ́ɔ syɛɛnjóofiiri sámaga cò di yɛlɛ lè ní tamani ní, koro ga pye wi gbǎn ra syɛ́ɛnbèle kɛɛlɛ ní tamajanni bee ní, sáā kàkabalayi fɔ̀ɔlɔ nyɔ́ɔyɔ tɔ́ngi.

Tiiti 2:15

Da kérigèle bee nyuu kánmi bee na syɛ́ɛnbèle ma, máā be kɛɛlɛ, mí wɔ́ɔ maa be kapeegèle tèé be na bi yɛlɛ ní fǎngi myɛ ní mɔ taa lè. Mɔ a kɔ́ syɔɔnwaa faala yaʔa wi mɔ faʔa í.

Tiiti 2:7

Gee gi mɔ tiimaa kwɔ́ɔ lè, ki n yɛlɛ mɔ kapyejǎngèle í pye be ma fɛ̀ɛ kérigèle myɛ ni, mɔ tamani í pye tɛɛlɛ fun si pye ní báriga ní,

Filemɔn 1:19

Mii Pɔli wi dee naa sɛ́bɛ ní mii tiimaa kɔ́gi ní, mii a gi sàra mɔ ma, ki náa o nyɛ mii í gi joo mɔ ma, si jo mii fwɔ́ɔlɔ i nyɛ mɔ na í, mɔ tiimaa wi nyɛ fwɔ́ɔli bee.

Heburubèle 12:15

Ki n yɛlɛ yaa kɔ̀rɔsíi koro ga pye syɔɔnwaa faala a kɔ́ kólogo Kolocɔlɔɔ kpɔ́ʔɔri kurugo í. Ye wɔ́ɔ yaa kɔ̀rɔsíi koro ga pye yasanzorodo tíige a kɔ́ fìin yele níngi ni bi yele fúnyi curugo si wɔ́ɔ yele saamaw nɔ́nʔɔ í.

Heburubèle 13:9

Ki ga yɛlɛ ye gi yaʔa pe kɔ yele fáana pùuni ní tama-nibɔngèle kèle nikwɔɔlɔ félege ní í, ki n yɛlɛ yele zɔ̌nbèle í nìri Kolocɔlɔɔ kpɔ́ʔɔri báriga ni, ki ga yɛlɛ gi pye yaliifeleraa báriga ni í. Níì cán bele pe da ni zɔ̀nniriw caa lè yaliifeleraa báriga ni, pe ga tɔ̀nɔ taa gee bee ni í.

Zyaki 5:20

ki n yɛlɛ ye gi cán bi cán, syɔ́ɔnwee wi ga kapeebyewaa lúrugo lè wi kólogi na gee wi da pùuni n láa lè, wee bee n kapeebyewaa syɔɔ kùu ma, níì gi kaan kapeenɛʔɛgèle myɛ ke da pye lè wi na, a Kolocɔlɔɔ ge kùsulugi syɔɔ.