1 Timɔte 4:13 - Cebaara Bible 2010

¹³ Mi kòro Kolocɔlɔɔ syɛ́ɛnri wélejoolo na, ní syɛ́ɛnbèle kɛɛlɛlɛ, ní be tamani na, sáni mii í nan yaà lè.

1 Timɔte 4:13 Iomraidhean Croise

Zyan 5:39

Kolocɔlɔɔ syɛɛnsɛbɛri yele wéle ni nyuu lè ní lòmaana ní, ní i sɔ̀ngí bi sìibangwɔɔw taa di ni, dee bee wɔ́ɔ i nyɛ mii séera.

Kapyegèle 17:11

Zyefubèle bee si maa pɔ́rɔ n sɔ̀lɔ Tesaloniki ye wóbèle na, níì cán pe maa syɛ́ɛnri cò ní fundaanra ní, ní i Kolocɔlɔɔ syɛɛnsɛbɛri sámagi ni wéle ní lòmaana ní canʔa o canʔa, jàngó bi gi cán kapye kérigèle Pɔli nyuu lè ke i nyɛ kányɛʔɛ.

Kapyegèle 6:4

wolo tiimaa si kòro bàā Kolocɔlɔɔ nyɛ́ɛri sáā wi syɛ́ɛnri joolo fáli kpéʔele.»

Wɔrɔmi ye 12:8

Wee má syɛ́ɛnbèle kɛɛlɛlɛ fundooro nyɛ lè, ki n yɛlɛ waa be kɛɛlɛ. Wee wi wi kɔlɔ̀ yáriri kaangi lè, ki n yɛlɛ wi wi kɔ́gi sánʔa kányɛʔɛ ni. Kapye yɛɛ̀kinidi fundooro i nyɛ wàa ma, ki n yɛlɛ waa gi kpéʔele ní lòmaana ní. Wee wi nyinimɛ taagi lè, ki n yɛlɛ waa gi kpéʔele ní fundaanra ní.

1 Korɛnti ye 14:26

Ni senyɛ̀nnɛ, nyàʔá si yele yɛlɛ bi kpéʔele? Yele ga yeyɛɛ gbóʔoro lǎlee ni lè, fali i nyɛ yele myɛ nibin nibin ma, ŋúnugo yoo, tamana yoo, kalaragèle tɛ̀ɛnnɛ yoo, syɛɛnfeleri joolo yoo, syɛɛnfeleri kàrigala yoo, gee bee myɛ n yɛlɛ gi kpéʔele bi gbǎn kàa fàra yele tágali na.

1 Korɛnti ye 14:3

Wee si wi kérigèle nyaagi ni nyuu lè, woro màʔá i nyuu ní syɛ́ɛnbèle ní ni kàa taari be tágali na, ní i be tama ní i be kɛɛlɛ.

1 Korɛnti ye 14:6

Ni senyɛ̀nnɛ, mii ga kári yaà yele ma n sa ni nyuu syɛɛnfeleraa ni, mii si ga Kolocɔlɔɔ kalaralaa tɛ̀ɛn yele na í, mii ga wɔ́ɔ̀ cánna tɛ̀ɛn yele na í, mii si ga wɔ́ɔ̀ kérigèle nyaa n joo í wàlá n yele tama í, nyàʔá gee bee a nyɔɔ yele na?

Làlwaw Kaanziin 17:19

Wi a wi yaʔa wiyɛɛ ma sáā wi wéle wi sìíw canya myɛ ni, koro ga pye wi Yawe wi Kolocɔlɔw yɛ́ʔɛ fyáara tama si wɔ́ɔ làlwaw naa syɛ́ɛnrɛ myɛ, ní làlwa kérigèle naa myɛ cò, sáā ge kpéʔele.

1 Timɔte 4:16

Maa miyɛɛ kɔ̀rɔsíi, mí wɔ́ɔ maa mɔ tamani kɔ̀rɔsíi. Níì cán mɔ ga ni gi kpéʔele, kánmi bee na mɔ a miyɛɛ zyɔɔ, si wɔ́ɔ be syɔɔ, bele be lúro mɔ ma lè.

1 Timɔte 4:6

Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

2 Timɔte 3:15

Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

Tiiti 2:15

Da kérigèle bee nyuu kánmi bee na syɛ́ɛnbèle ma, máā be kɛɛlɛ, mí wɔ́ɔ maa be kapeegèle tèé be na bi yɛlɛ ní fǎngi myɛ ní mɔ taa lè. Mɔ a kɔ́ syɔɔnwaa faala yaʔa wi mɔ faʔa í.

Zyozuwe 1:8

Làlwaw naa sɛ́bɛ syɛ́ɛnrɛ ga yɛlɛ bi fɔ̀n mɔ nyɔ́ɔgi na í. Ki n yɛlɛ mɔ í da sɔ̀ngí di na canʔa ní yébilige, koro ga pye kérigèle myɛ ge sɛ́bɛ lè wi ni, mɔ í ge sámaga cò, sáā táanri ge na. Níì cán koro ki a gi yaʔa mɔ kólogi í ra tàán, mɔ kérigèle sáā nyɔɔgi.