1 Timɔte 4:12 - Cebaara Bible 2010

¹² Ki ga yɛlɛ mɔ í kɔ́ syɔɔnwaa faala yaʔa wi mɔ faʔa si pwɔɔ mɔ piimi na í. Fwɔɔ mɔ í pye fɛ̀ɛ tágafɔbèle ma mɔ nyɔɔsyɛɛnri ni, ní mɔ tánʔaganmi, ní mɔ tamagi, ní mɔ tágali ni n fàra kasingèle myɛ na.

1 Timɔte 4:12 Iomraidhean Croise

Zakarii 2:4

A mii jo: «Nyàʔá be pan ba kpéʔele?» A wi mii yari: «Nyɛ́ngèle wéle gele, koro gele ge Zyuda cariga lè, a gi pye syɔɔn faala a gbǎn nyǔngi yìrige í. Kàjáa fɔ̀nɔnǎnbèle naa n pan bi ba ge fúuro, si syɛɛnfeleyi nyɛ́ngéle kpúmɔn cáan, yoro yee yi nyɛ́nni yìrige Zyuda tári kánma na lè, jàngó bi di syɛ́ɛnbèle cariga.»

Matye 18:10

«Yaa kɔ̀rɔsíi, yele a kɔ́ pìipiigèle naa làa nibin faʔa í, níì cán mii a gi joo yele ma kányɛʔɛ ni, pe nyɛ̀ʔɛni tundunbéle i yaà ni mii Tóow yɛ́ʔɛ nyaagi làla o làla, wi lè nyɛ̀ʔɛni na. [

1 Korɛnti ye 11:1

Yaa mii tɛ́ɛlɛ àmɛɛ mii tiimaa Kirisi tɛ́ɛlɛ lè.

Filipikaʔa ye 4:8

Ni senyɛ̀nnɛ, gee gi syɛɛnsanri kwɔ́ɔ lè, toro di nyɛ kérigèle gele myɛ ge nyɛ lè kányɛʔɛ, ní gele myɛ ge líbe lè, ní gele myɛ ge sín lè, ní gele myɛ ge fílige lè, ní gele myɛ ge nyɛ lè tàmagi wòʔolo, ní gele myɛ ge nyɛ lè wojangéle ní, kapye ke n nyɔɔ níì yɛlɛ ní kpɔʔɔrɔ ní, yaa kérigèle bee sɔ̀ngí.

1 Tesaloniki ye 1:6

Yele n baa pye wolo ní Kàfɔw tɛ́ɛlɛfɔɔlɔ, níì cán lǎli ni yele fɔ̀lɔ Syɛɛnjóocǎnri na lè, yele maa wɔʔɔ gbanʔama di kéeli na, a yele sèʔê di cò ní fundaanri ní Pìicǎnni kaangi lè.

1 Tesaloniki ye 2:10

Yele bele ye nyɛ lè tágafɔbèle, àmɛɛ wolo da pye lè kasinbyebèlē, ní kacànbyebèlē, ní kajoolo fun syɛɛnnɛ yele ma, yele ní Kolocɔlɔɔ i nyɛ gee bee séera.

1 Timɔte 1:14

Wolo Kàfɔw n tɔ̀nɔ n kpɔʔɔrɔ kaan mii ma saʔa, n fàra tágali, ní tàmagi na, dee wo taagi lè Kirisi Zyezu ni.

2 Timɔte 2:15

Mi lòmaana le, mi miyɛɛ dɛ̀ɛn Kolocɔlɔɔ na àmɛɛ falipyeo nyɛ lè, wee wi mɛ́ɛtanʔa taa wi fáliw ni lè, fɛ̀ɛrɛ si a ba wi taa wi fáliw kéele na í, níì cán wi i kányɛɛgi syɛ́ɛnrɛ nyuu ti jooganmi na.

2 Timɔte 2:22

Tɔ́ɔliw ni ki n yɛlɛ maa fé nìgɔpii-kérigèle ki laànitaʔa kele yɛ́ʔɛ na, bele be Kàfɔw mɛ́ʔɛ yiri lè ní funviire ní, maa táanri bele bee tánʔaganma na, sínni, ní tágali, ní tàmagi, ní bɛ̀ɛ́li na.

2 Timɔte 2:7

Da sɔ̀ngí mii syɛ́ɛnri na, dee mii nyuu lè. Níì cán Kàfɔw a sícilimɛ kaan mɔ ma mɔ í ti myɛ cán.

Tiiti 2:15

Da kérigèle bee nyuu kánmi bee na syɛ́ɛnbèle ma, máā be kɛɛlɛ, mí wɔ́ɔ maa be kapeegèle tèé be na bi yɛlɛ ní fǎngi myɛ ní mɔ taa lè. Mɔ a kɔ́ syɔɔnwaa faala yaʔa wi mɔ faʔa í.

Tiiti 2:7

Gee gi mɔ tiimaa kwɔ́ɔ lè, ki n yɛlɛ mɔ kapyejǎngèle í pye be ma fɛ̀ɛ kérigèle myɛ ni, mɔ tamani í pye tɛɛlɛ fun si pye ní báriga ní,

Zyaki 3:13

A wàa i yaà lé yele níngi ni, wee wi wiyɛɛ zɔ̀ngí lè sícilio ní keele cánvɔlɔ? Ki n yɛlɛ wi gi tɛ̀ɛn wi nàʔajǎnmi báriga ni, gee bee n jo, gee myɛ wi kpéʔele lè, wi a ra gi kpéʔele ní màama, ní sícilimɛ ní.

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

1 Pyɛri 5:3

Bele Kolocɔlɔɔ kàlifáa yele ma lè yele a kɔ́ ra fànʔa cáan be na í, fwɔɔ yele í pye fɛ̀ɛ bàtogi ma.