1 Timɔte 4:10 - Cebaara Bible 2010

¹⁰ Kolocɔlɔɔ woweew wi nyɛ wolo sɔ̀ngumi tɛɛtaʔaga, woro wee wi nyɛ lè syɛ́ɛnbèle myɛ syɔɔfɔlɔ n náa kɔ́ɔ̀ yére tágafɔbèle na, gee bee na wolo báara ní i kapɛɛnni kpúmɔn.

1 Timɔte 4:10 Iomraidhean Croise

Ŋúnuyi 107:2

Yawe wozyɔɔbèle n yɛlɛ bàā koro nyuu, poro bele nyúnyo wi syɔɔ n yirige be kàsiitun-nyɛ́nw kɔ́lɔ ni lè,

Ŋúnuyi 118:8

Bi miyɛɛ daʔa Yawe na, koro n pɔ́rɔ n sɔ̀lɔ bi miyɛɛ kàlifáa syɔɔn ma.

Ŋúnuyi 36:6

Ee Yawe, mɔ funjǎngi i yaà nyɛ̀ʔɛgèle na, mɔ kányɛɛgi n lúgu fwɔɔ n sáà nan fàfaanyi na.

Ŋúnuyi 37:40

Yawe i be dɛ̀ɛmɛ́, ní i be kpáaw wéle. Wi i be yirigi syɛɛnpeebèle kɔ́yɔ ni, wi i be syoo, níì cán pe n peyɛɛ kàlifáa wi ma.

Ŋúnuyi 52:8

Syɛɛnsinbèle a gee bee nyaa si fyáa, pe a ra wi tɛ́ʔɛ si jo:

Ŋúnuyi 84:12

Níì cán Yawe Kolocɔlɔɔ i nyɛ canʔa, ní tunmɔzige-yariga, Yawe i kpɔ́ʔɔri ní nìjanri kaangi, bele be táanri sínnɛ ni lè, wi o téē cèʔé bele bee ma yacangaa faala na í.

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 50:10

Wìí syɔ́ɔn wi fɛ̀ɛgí yele ni Yawe na, ní i lúro wi falipyew ma? Wee wi táanri yébilimi ni lè, gbɛ̀ɛnmɛ si o nyɛ wi ma í, ki n yɛlɛ wi wiyɛɛ daʔa Yawe mɛ́ɛgi na, wi wiyɛɛ zígi wi Kolocɔlɔw na.

Zyeremii 17:7

Syɔ́ɔnwee wi wiyɛɛ daʔa Yawe na lè, n Yawe kpéʔele wi sɔ̀ngumi tɛɛtaʔaga, wee bee i nyɛ dùba pyà!

Danyɛli 3:28

A Nebukadinezari jo: «Syadiraki, ní Mesyaki, ní Abɛdi-Nego Kolocɔlɔw n yɛlɛ waa wi kpɔ̀ʔɔrɔ́, woro wee wi wi nyɛ̀ʔɛni tunduɔn tun lè a wi baa wi falipyebèle syɔɔ, poro bele pe be sɔ̀ngumi taʔa wi na lè, níì fànʔafɔw kajoolo cée, níì be céri kaan jàngó poro a kɔ́ báara kolocɔlɔwaa nikwɔɔ ma í, kapye poro Kolocɔlɔw nibin ma ban í.

Nahumi 1:7

Yawe n nyɔɔ, wi i nyɛ tɛɛlaraga wɔʔɔgi canʔa na. Bele be làrá wi taana lè, wi i be kɔ̀rɔsíi.

Matye 16:16

A Siimɔn Pyɛri wi pye: «Mɔ wi nyɛ Kirisi, Kolocɔlɔɔ woweew Jáa.»

Matye 27:43

Wi n wi sɔ̀ngumi taʔa Kolocɔlɔɔ na, ki n yɛlɛ Kolocɔlɔɔ í wi syɔɔ tɔ́ɔliw ni, kapye wi kéeli n Kolocɔlɔɔ dɛ́nɛ. Níì cán wi n jo: ‹Mii i nyɛ Kolocɔlɔɔ Jáa.› »

Zyan 1:29

Koro nyǐndaligi na a Zyan ga Zyezu nyaa wi i maa woro ma, a wi jo: «Ye wéle, Kolocɔlɔɔ Bàpili li maa lee, loro li nyɛ kapeegèle láʔafɔlɔ dulunyanw syɛ̀ɛnnɛ na.

Zyan 4:42

A be céw pye: «Ki ga níì pye mɔ jooli báriga ni wolo tága í. Níì cán wolo tiimaa n wɔ́ɔ baa lóʔo wi ma, níì gi cán woro wi tɔ̀nɔ́ nyɛ dulunyanw Syɔɔfɔlɔ.»

Zyan 5:24

Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni.

1 Korɛnti ye 15:10

Kolocɔlɔɔ kpɔ́ʔɔri báriga ni si mii baa pye kánmi naa na mii nyɛ lè níjanʔa, kpɔ́ʔɔri bee wi kaan mii ma lè, ti ga yiri gbanzan í. Níì cán mii n báara n sɔ̀lɔ pe myɛ na. Koro ní ki myɛ ní mii séew báriga ni ban koro kpéʔele í, Kolocɔlɔɔ kpɔ́ʔɔri di nyɛ mii ma.

2 Korɛnti ye 1:10

Woro wi wolo syɔɔ kùupeew bee ma, woro si wi a sèʔé ra wolo syoo. Kányɛʔɛ na wolo n wolo sɔ̀ngumi taʔa wi na ncan wi a ní sèʔé ra wolo syoo,

1 Timɔte 2:3

Gee bee n nyɔɔ wolo Syɔɔfɔw Kolocɔlɔɔ ma, níì wi dɛ́nɛ.

1 Timɔte 2:4

Wi i caa syɛ́ɛnbèle myɛ í syɔɔ, si kányɛɛgi myɛ cán.

1 Timɔte 2:6

wee wi wiyɛɛ gaan lè syɛ́ɛnbèle myɛ nyùnzyɔɔrɔ kéele na, séeraw bee n kpéʔele làrijǎnni ni.

1 Timɔte 3:15

Koro ga pye mii ga mɔn naa yoo, mɔ í gi cán, gee syɔɔn yɛlɛ wi kpéʔele lè Kolocɔlɔɔ kpáagi ni, ki lè Kolocɔlɔɔ Woweew Egilizi, wi lè kányɛɛgi tiipɔlɔ ní gi kàpɔɔnw.

1 Timɔte 6:17

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.

Heburubèle 11:26

Wi maa gi tímana n gi nyaa pe ga woro wɔʔɔ Kirisi kéeli na, gee bee a pye woro ma lɔnɛʔɛrɛ bi sɔ̀lɔ Ezyipiti tári lɔ́rɔ na. Níì cán wi nyɛnɛ maa pye gi tɔ̀nɔw na.

Heburubèle 13:13

Koro na gi yɛlɛ wolo í yiri bàā syée wi ma kěgi kàdoʔo ma, wi faʔari félege í wɔ́ɔ sa too wolo na.

1 Pyɛri 1:21

Woro bárigaw ni yele tága Kolocɔlɔɔ na, woro wee wi wi nyán n yirige kúbèle nínge ni lè, níì nìjangbɔɔri taʔa wi na, a koro gi kaan a yele tága Kolocɔlɔɔ na níì yele sɔ̀ngumi taʔa wi na.

1 Zyan 2:2

Woro wi nyɛ wolo kapeegèle kùsulugo sáriga, wolo yagwɔɔlɔ wógèle si ban í, fwɔɔ dulunyanw syɛ̀ɛnnɛ myɛ wòʔolo gɛɛ.

1 Zyan 4:14

Wolo tiimaa n gi nyaa ní wɔ́ɔ̀ gi séeraw kpéʔele níì jo Tofɔw maa Jaafɔw tórigo naa wi ba pye dulunyanw Syɔɔfɔlɔ.