1 Timɔte 4:1 - Cebaara Bible 2010

¹ Pìicǎnni n gi joo n fílige níì jo: «Làlaa a kɔ́ ba pye syɛ́ɛnbèle pèle a yiri tágali ni si tan jànvaaw pìigēle na, si wɔ́ɔ taʔa màdebèle tamana na.

1 Timɔte 4:1 Iomraidhean Croise

Sélimɛ 3:13

Lǎli bee ni a Yawe Kolocɔlɔɔ gi joo céw ma níì jo: «Nyàʔá na mɔ gee bee kpéʔele?» A céw jo: «Wàbigi gi mii fáana n pùuni a mii gi kàa lìi.»

1 Fànʔafɔbèle 13:18

A wi wi pye: «Jo mii wɔ́ɔ i nyɛ kanyaajoowaa àmɛɛ mɔ nyɛ lè. Yawe n nyɛ̀ʔɛni tundunwaa tun a wi baa gi joo mii ma níì jo: ‹Sa wi yeri mi lúrugo waa maa ní mɔ ní mɔ kpaʔa ma jàngó wi ba yaliire lìi si lɔ̀ʔɔ gbaa.› » Bi gi taa a wi da finɛ wi ma wii.

Ezayi 2:2

Canzanyi ni, Yawe kpɔ̀ʔɔrɔli kpaʔa nyanbelege a ba pye nyanbeleyee ǹjoyo ni, ki a ba yìri bi pye dǎndamayi nyúnyo ni, syɛɛnfeleyi myɛ a kabi da syée yaà.

Zyeremii 23:26

Làla jòorí ki a pye kanyaajoobèle bee fúnyo ni bi kòro bàā jànvaa kanyaajooro kpéʔele bàā be fúnyi námara kanyaajooro kpéʔele?

Zyeremii 48:47

Kàjáa canzanyi ni, Mowabi wóbèle be cò n kári lè mii a be lúrugo pan,» Yawe wi jo nya. Woro wi nyɛ kútiiw, wee wi joo Mowabi kéeli na lè.

Zyeremii 49:39

«Kàjáa canzanyi ni Elami wóbèle be cò n kári lè, mii a be lúrugo be pan,» Yawe wi jo nya.

Ezekyɛli 1:3

a Yawe syɛ́ɛnri nan sáriga-wòlow Buzii jáaw Ezekyɛli na, Kalide ye tári ni, Kebaari cábigi nyɔ́ɔ na. Nɛɛ bee Yawe kɔ́gi pye wi na.

Ezekyɛli 38:16

Ee Gɔgi, mɔ a lúgu kári mii syɛ́ɛnbèle Isirayɛli ye kánmi na, àmɛɛ fàfanʔa nyɛ, gee ki a tári tɔ́n lè. Làrigèle kwɔ́ɔmɔ na gee bee a pye, mii a mɔ yaʔa mɔ í pan mii tári kánma na, jàngó syɛɛnfeleyi í mii cán lǎli ni mii ga mɔ kéeli tɛ́ʔɛ n niyɛɛ dɛ̀ɛn lè wojaɔn ní pe nyɛnɛ na.› »

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Oze sɛ́bɛw 3:5

Koro kàdoʔo ma Isirayɛli ye a lúru pan, pe a ba ra Yawe be Kolocɔlɔw, ní be fànʔafɔw Davidi caa. Pe a ra cɛ̀lɛ́ bàā maa Yawe ní wi funjǎngi ma làrigèle kwɔ́ɔmɔ na.

Misye 4:1

Canzanyi ni, Yawe kpɔ̀ʔɔrɔli kpaʔa nyanbelege a ba pye nyanbeleyee ǹjoyo ni, ki a ba yìri bi pye dǎndamayi nyúnyo ni, syɛɛnfeleyi a kabi da syée yaà.

Córolo 24:14

Tɔ́ɔliw ni doò, mii wi syée wee mii syɛ́ɛnbèle ma, gee si syɛ́ɛnbèle naa a ba kpéʔele mɔ syɛ́ɛnbèle na lè cányee ni yi maa lè, da maa, mii a ba gi joo tɛ̀ɛn mɔ na.»

Matye 18:7

Wɔʔɔli a pye dulunyanw ni kérigèle báriga ni ge syɛ́ɛnbèle pùuní lè! Níì cán fwɔɔ kérigèle kèle í pye beè, gele ke a ra syɛ́ɛnbèle pùuní lè. Kàjáa wɔʔɔli a pye syɔ́ɔnw bee na wee báriga ni syɛ́ɛnbèle a pùuni lè.

Luki 17:1

A Zyezu gi joo wi pìitamabèle ma níì be pye: «Kérigèle ge syɛ́ɛnbèle pùuní ni légi kapeebyeri ni lè, ke a tɔ̀nɔ́ gbǎn fɔ̀n beè í, kàjáa wee báriga ni syɛ́ɛnbèle a pùuni lè, wɔʔɔli a pye wee bee na.

Zyan 16:13

fwɔɔ kányɛɛgi Pìle ga pan lǎlee ni lè, loro li a ba kíni yele yɛ́ɛgi na sáā kányɛɛgi myɛ tèé yele na. Níì cán li tiimaa syɛ́ɛnri ban li a ba ra nyuu í, fwɔɔ gee myɛ li lóʔo lè, gee bee li a ra nyuu, ní kérigèle gele ke a kɔ́ ba ra kpéʔele lè kàdoʔo ma, li a ba ra gele bee nyuu da fíligi yele ma.

Kapyegèle 13:2

Cangaa pe maa ni Kàfɔw kpɔ̀ʔɔrɔ́ níì súnw le, a Pìicǎnni be pye: «Fáliwee na mii Barinabasi ní Sɔli yeri lè, ye be yaʔa mii ma fáliw bee kánma na.»

Kapyegèle 17:18

Kérigèle sɛʔɛfɔɔlɔ, bele be yiri lè Epikuribèle, ní i bele yiri Sitoyisibèle, bele bee pèle maa ni syɛ́ɛnri syoo Pɔli nyɔ́ɔgi na. A pèle jo: «Nyàʔá gbanzan syɛ́ɛnrɛ wee naa nyuu nya?» A pèle jo: «Wi i di nyuu mɔ a jo syɛɛnfeleyaa nikwɔɔ màdebēle syɛ́ɛnrɛ dii.» Amɛɛ wi da ni Zyezu kéeli, ní kúbèle nyán-yirile kéele nyuu lè, koro na pe da ni dee bee nyuu.

Kapyegèle 20:23

Kàjáa kàʔa o kàʔa ni mii jée lè Pìicǎnni tɔ̀nɔ́ i mii sàmí níì jo, pwɔɔli ní wɔʔɔli i mii sige yaà.

Kapyegèle 21:11

A woro baa wolo nyaa yaà, níì Pɔli sɛntiiriw láa n wiyɛɛ bwɔɔ tɔ́lɔyi, ní kɔ́yi na níì jo: «Pìicǎnni li syɛ́ɛnri naa joo níì jo, Zyefubèle a sa sɛntiiriw naa fɔ́lɔ pwɔɔ kánmi naa na Zyerusalɛmi ni, si wi le syɛɛnfeleyi kɔ́yɔ ni.»

Kapyegèle 28:25

Amɛɛ gi nyɛ lè pe ga bɛ̀ɛ nibin na í, a be kári. Sáni be kári lè, a Pɔli níì syɛ́ɛnri naa joo be ma níì jo: «Gee Pìicǎnni joo yele tóolɛɛbèle ma lè kanyaajoow Ezayi nyɔ́ɔgi ni, ki tɔ̀nɔ i nyɛ kányɛʔɛ, li n jo:

1 Korɛnti ye 10:20

Kàjáa dee be kúu lè, màdebèle má pe di kúu, Kolocɔlɔɔ má ban í. Mii si o caa yele í pínɛ ní màdebèle ní yafyɛn na í.

1 Korɛnti ye 11:19

Fwɔɔ funwaliyi si wɔ́ɔ pye yaà yele ma, koro ga pye bele be síngi ni táanri lè yele níngi ni, poro í cán.

1 Korɛnti ye 12:11

Pǐli bee wonijanna li kérigèle bee myɛ kpéʔele, níì syɛ́ɛnbèle myɛ nibin nibin fundooro kaan be ma n yɛlɛ ní li kínidɛnɛgi ní.

1 Korɛnti ye 2:10

Wolo si na, Kolocɔlɔɔ n gi tɛ̀ɛn wolo na Pìicǎnni báriga ni, níì cán Pìicǎnni li kérigèle myɛ sɛʔɛ ni cángi, àlí Kolocɔlɔɔ tiimaa fúngi kèlē.

2 Korɛnti ye 11:3

Kánmee na wàbigi da Ɛvi fáana ní gi sícilibeemi ní lè, mii i fɛ̀ɛgí níì jo dɔ̀ʔɔ́ yele yákiriw a wɔ́ɔ kɔ́ kàri kánmi bee na yele í láʔa funviiri ní funjǎnyi na Kirisi kàbangi na.

Làlwaw Kaanziin 32:29

Pe ga maa pye sícilibēle, gee pe a dée cán wàli lè, koro gi nyɛ, pe mǎà dée pe nyɛ̀ʔɛnaw kéele cán.

Làlwaw Kaanziin 4:30

Bi mɔ yaʔa mɔ wɔʔɔgi ni, kérigèle bee myɛ a mɔ taa. Kàjáa canzanyi ni mɔ a lúru pan Yawe mɔ Kolocɔlɔw ma, mɔ a ba ra lúro wi ma.

Kɔlɔsi ye 2:18

Syɔ́ɔnwee wi caa lè bi wiyɛɛ dɛ̀ɛn màabyeo ní i nyɛ̀ʔɛni tundunbéle kpɔ̀ʔɔrɔ́, yele a kɔ́ syɔ́ɔnw bee félege yaʔa wi yele kaan yele í bɔ̀nɔ í. Wi n wiyɛɛ daʔa wi kanyaagèle na ní i wiyɛɛ gbɔ́ʔɔgi gbanzan, wi sɔ̀nguri i nyɛ céri kèlē na.

2 Timɔte 3:13

Kàjáa syɛɛnpeebèle ní jànvaafɔbèle a ra syée yɛʔɛ̀ ma kapeebyeri ni, sáā syɛ́ɛnbèle fáana da pùuní, si wɔ́ɔ ra peyɛɛ bùuní.

2 Timɔte 4:4

Pe a ní fɔ̀lɔ kányɛɛgi na í, fwɔɔ tanlɛɛyi na pe a ra fɔ̀lɔ́.

Zyaki 3:15

Sícilimi bee o yìrigí nyɛ̀ʔɛni na í. Kàjáa pi i nyɛ dulunyanw naa, ní syɔɔn tiimaa funzɔngumi, ní màdebèle wómɔ.

1 Pyɛri 1:20

Kolocɔlɔɔ maa téè Kirisi nyɛ́nɛ n wòlo sáni dulunyanw í séli lè, ní baa wi tɛ̀ɛn làrizangèle naa ni yele kéeli na.

2 Pyɛri 2:1

Amɛɛ si kanyaajoo-fáanabèle da pye yaà lè syɛ́ɛnbèle nínge ni, kánmi bee na tamafɔ-váanabèle a wɔ́ɔ ba pye yele níngi ni. Pe a kálagili jànvaa tamana lége yele níngi ni làrama ni, si Kàfɔgbɔɔw cée, wee wi be syɔɔ lè, si pye peyɛɛ na sábabu kálagili si ba foó too be na.

2 Pyɛri 3:3

Ki n yɛlɛ yele í gi cán gbɛnʔɛnɛ bi cán kakpanami fɔ̀ɔlɔ a ba yìri canzanyi ni, poro bele pe a ra táanri da yɛlɛgi ní be céri ki laànitaʔa kele ní lè, pe a ra gi tɛ́ʔɛ

1 Zyan 2:18

Ni pìibēle, làrizanni n nan. Amɛɛ yele da gi lóʔo lè Kirisi nigoow a pan, Kirisi nigoobèle saʔa i beè n kwɔ́ɔ tɔ́ɔliw naa ni, gee bee na wo gi cán ncan làrizanni n nan.

1 Zyan 4:6

Wolo si na, wolo i nyɛ Kolocɔlɔɔ wòolo. Wee wi Kolocɔlɔɔ cán lè, wee bee i lúro wolo ma. Wee si wi lè wi o nyɛ Kolocɔlɔɔ wóo í, wee bee o lúro wolo ma í. Kánmi bee na wolo kányɛɛgi Pìle ní pùununi pìle cángi ni láʔala keyɛɛ na.

Zyudi 1:18

Pe maa yele pye: «Kakpanami fɔ̀ɔlɔ a kɔ́ ba yìri làrizanni ni, bele pe a ba ra táanri da yɛlɛgi ní be tiimaa ki laànitaagi kèlē ní ge nyɛ lè Kolocɔlɔɔ yɛ́ʔɛnaa-sìnvyaari wòʔolo.»

Zyudi 1:4

Níì cán nǎnbèle pèle n jée yele níngi ni làrama ni, Kolocɔlɔɔ yɛ́ʔɛnaa-sìnvyaabéle bɛɛ, bele be wolo Kolocɔlɔw kpɔ́ʔɔrɔ kàragí lè ni tànʔa kaangi peyɛɛ ma pe kanɔnʔɔbeeri kéele na, poro bele kútii kéele li da sɛ́bɛ lè booma ni, Zyezu Kirisi nibin wi nyɛ lè wolo Kàrigafɔw ní wolo Kàfɔw, pe n wee bee cée.

Tɛ̀ɛnnɛ 13:14

Ki maa ni tári syɛ̀ɛnnɛ fáana fɛ̀ɛ́bèle bee báriga ni, fɛ̀ɛ́bèle bele fànʔa yaweeseligi da kaan gi ma lè jàngó kaa be kpéʔele koro yɛ́ʔɛ ma. A gi tári syɛ̀ɛnnɛ pye, yaweegee pe da kpúmɔn n kpàli ní ŋɔsée ní á gi lúru n wéege lè, pe gee bee niwirige sámaga paa gi kpɔ̀ʔɔrɔ́.

Tɛ̀ɛnnɛ 16:14

Màdebèle bee i nyɛ pìigēle, gele ge bìngaari kèlē kpéʔele lè, ke i syée sa dulunyanw fànʔafɔɔlɔ myɛ kpóʔoro pe sa kapɛɛnni kpúmɔn Séew Myɛ Kolocɔlɔɔ cângbɔɔgi canʔa na.

Tɛ̀ɛnnɛ 18:2

A wi i gi nyuu ní yákpogbɔɔlɔ ní níì jo: «Ki n too, kèkpɔɔgi Babilɔni n too! Ki n kàri màdebèle tɛɛkòrogo, ki i nyɛ màdebeebèle féleye myɛ tɛɛlaraga, ní wɔ́ɔ i nyɛ féjɛɛn-nɔ́nʔɔgèle féleye myɛ tɛɛlaraga, gele ge syɛ́ɛnbèle bɛɛn lè.

Tɛ̀ɛnnɛ 18:23

fètinnɛ gbɛ̀ɛnmɛ a ní pye mɔ ni nyáana í, pe a ní cefɔɔn fɔ́lɔ, wàlá cefɔɔn yákpolo lóʔo mɔ ni nyáana í. Níì cán mɔ jagiwáabèle maa pye dulunyanw syɛɛnkpolobéle, mɔ maa ni syɛɛnfeleyi myɛ fáana ni pùuní ní mɔ dɛɛgi ní.»

Tɛ̀ɛnnɛ 19:20

A wi fala n yaweegi cò n fàra kanyaajoo-fáanaw na, woro wee wi da ni fɛ̀ɛ́bèle kpéʔele lè ki yɛʔɛ̀ ma, fɛ̀ɛ́bèle bele báriga ni wi da ni syɛ́ɛnbèle fáana, bele na yaweegi fɛ̀ɛ da pye lè, ní bele pe da ni ki niwirigi kpɔ̀ʔɔrɔ́ lè. A syɔ́ɔngi tɛ́ɛnfɔlɔ fala n be siinw wáa woweebèlē ní naakpɔɔgi ni gee ni dìrigíw sóori lè,

Tɛ̀ɛnnɛ 2:11

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, kùu siin wów a ní gbǎn yafyɛn kpéʔele wee bee na í.›

Tɛ̀ɛnnɛ 2:17

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, mii a mánɛ-làraɔ, ní kàdɛnɛviige kaan wee bee ma. Mɛ́ɛfɔngɔ i nyɛ kàdɛnɛgi bee na wozɛbɛgɛ ní, wàa faala ga mɛ́ɛgi bee cán í, kapye gi taafɔw ban í.›

Tɛ̀ɛnnɛ 2:29

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

Tɛ̀ɛnnɛ 2:7

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro, Wee wi ga fànʔa taa lè, mii a wee bee kaan wi lìi sìíw tíige yasanra na ki lè Kolocɔlɔɔ tɛɛcǎngi ni.›

Tɛ̀ɛnnɛ 20:10

A be fala n Dàzɔɔnw cò n wáa náagi ni gee ni dìrigíw sóori lè, woro wee wi da ni be fáana lè, tɛɛgee ni yaweegi ní kanyaajoo-fáanaw nyɛ lè. Pe a ra wɔʔɔ yaà canʔa ní yébilige làla o làla kwɔ́ɔmɔ fun.

Tɛ̀ɛnnɛ 20:8

Wi si a kári sa tári kàbanya sicɛrɛ syɛɛnfeleye fáana, gee bee n joo Gɔgi, ní Magɔgi, jàngó bi be kpóʔoro kapɛɛnkpumɔnri kéele na. Pe n nɛʔɛ àmɛɛ sólomi lɔ́ʔɔ kàgomɔ táminyɔɔ nyɛ lè.

Tɛ̀ɛnnɛ 3:13

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

Tɛ̀ɛnnɛ 3:22

Dee Pìicǎnni nyuu Egilizibèle ma lè, líiweele ga pye wee na lè, wi wi líiyi cáan waa di lúro.› »

Tɛ̀ɛnnɛ 3:6

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

Tɛ̀ɛnnɛ 9:20

Syɛ́ɛnbèle bele si be kòro lè, yapeeyi bee ga be taa n kpóo í, pe ga fɔ̀lɔ n kàdoʔo wáa be kɔ́yi yakpéʔelere ma í. Gee bee n jo pe ga fɔ̀lɔ bi láʔa màdebèle, ní yasunyi kpɔ̀ʔɔrɔlɔ na í, yee yi nyɛ lè tɛ́ɛw, wàlá wálifiiw, wàlá kanyɛɛnri, wàlá kàdɛnɛyi, wàlá tíiri, yáriree di nyɛ lè ti o nyaagi í, ti o lúro í, ti si wɔ́ɔ o táanri í.