1 Timɔte 3:7 - Cebaara Bible 2010

⁷ Ki n wɔ́ɔ̀ yɛlɛ kàfugi syɛ̀ɛnnɛ í da wi mɛ́ɛtaangi yiri jàngó faʔara a kɔ́ too wi na wi kɔ́ cò Dàzɔɔnw karinyanga na í.

1 Timɔte 3:7 Iomraidhean Croise

Mariki 4:11

A wi be pye: «Kolocɔlɔɔ fǎngi kalaragēle cánna n kaan yele ma, kàjáa bele be lè pe o nyɛ ní wolo ní í, kérigèle myɛ i nyuu poro ma kàseegéle ni.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

Kapyegèle 22:12

Nànwaa si maa pye yaà Damasi ni pe i wi yiri Ananyasi, wi maa ni fɛ̀ɛgí Kolocɔlɔɔ na ní i wi làlwaw kólogo sámagi ni táanri, kěgi bee Zyefubéle myɛ maa ni wi mɛ́ɛtaangi yiri,

Kapyegèle 6:3

Ni senyɛ̀nnɛ, gee bee na gi yɛlɛ ye nànbēle kɔrɔsiin nyɛ́nɛ ye wòlo yeyɛɛ níngi ni, be pye mɛ́ɛtaanya fɔ̀ɔlɔ, be fúnyi si nyìn Pìicǎnni na, pé wɔ́ɔ pye sícilibēle, wolo a bele bee télege fáliw bee na,

1 Korɛnti ye 10:32

Yele a kɔ́ pye syɔɔnwaa na sábabu wí kálagi í, Zyefubèle yoo, Girɛkibèle yoo, Kolocɔlɔɔ Egiliziw yoo.

1 Korɛnti ye 5:12

Bele be nyɛ lè kàfugi wòolo, mɛ̀ɛ́ mii tɔ́lɔgi a nyaa poro kútii kúun kéeli ni bi sɛ́ɛ? Kpáagi wòolo na ban yele kútiiw kúunri ì?

2 Korɛnti ye 6:3

Wolo a tée pye sábabu syɔɔnwaa faala na wi too keelaa ni í, koro ga pye pe kɔ́ dìgire nyaa wolo fáliw na í.

2 Korɛnti ye 8:21

Gee gi nyɔɔ lè Kàfɔw nyɛ́nɛ na, koro wolo caa bàā kpéʔele, kàjáa Kàfɔw yagana nyɛ́nɛ na si ban í, fwɔɔ ki wɔ́ɔ nyɔɔ syɛ́ɛnbèle nyɛ́nɛ na.

Kɔlɔsi ye 4:5

Ki n yɛlɛ yaa táanri sícilimɛ ni kàfugi wòolo kabaan na, yé lǎli còganma cán.

1 Tesaloniki ye 4:12

Koro ga pye yele tánʔaganmi í nyɔɔ kàfugi syɛ̀ɛnnɛ ma, yele si a ní da yele màkonyɔɔri wéle syɔɔnwaa faala ma í.

1 Tesaloniki ye 5:22

Yaa còʔoró kapeegèle féleye myɛ na.

1 Timɔte 3:6

Ki ga yɛlɛ wi pye tágafɔvɔɔn í, kapye koro ban í dɔ̀ʔɔ́ wi a kɔ́ ra wiyɛɛ nyɛ́nɛ, kútiiw wi da too Dàzɔɔnw na lè wee bee félege si kɔ́ too wi na.

1 Timɔte 5:14

Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

1 Timɔte 6:9

Kàjáa bele be caa lè bi pye lɔrɔfɔɔlɔ, bele bee i có lɛ́ɛlɛ-mí-cǒli karinyanya na, sícilimɛ fun ki laànitaagi ní péemi ki laànitaʔa kérigèle saʔa láa i be taagi, gele ge syɛ́ɛnbèle nii lè kálagili ní naakpɔɔgi ni.

2 Timɔte 2:26

pe sɔ̀nguri si lúru pye àmɛɛ ti da yɛlɛ di pye lè, pé wɔ́ɔ yiri Dàzɔɔnw karinyanga ni gee na wi da be cò lè koro ga pye paa woro nyɛ́nɛ kérigèle kpéʔele.

Tiiti 2:5

si pye yákirifɔɔlɔ, ki ga yɛlɛ be pye kanɔnʔɔbyebèlē í, ki n yɛlɛ paa be kpáayi fáli kpéʔele, si wɔ́ɔ pye funjànya fɔ̀ɔlɔ sáā lúro be tiimaa nǎnbèle ma, koro ga pye Kolocɔlɔɔ syɛ́ɛnri mɛ́ʔɛ a kɔ́ kálagi í.

Tiiti 2:8

mɔ syɛɛnjóori í nyɔɔ si pye kajoolo fun, koro ga pye fɛ̀ɛrɛ í wolo nigoobèle taa, àmɛɛ gi nyɛ lè pe a gbǎn kapeelaa faala taa bi joo taʔa wolo na í.

3 Zyan 1:12

Syɛ́ɛnbèle myɛ i Demɛtiriyusi mɛ́ɛtaangi yiri, a kányɛɛgi tiimaa i wi mɛ́ɛtaangi yiri, a wolo wɔ́ɔ i wi mɛ́ɛtaangi yiri. Mɔ si n gi cán wolo séeraw i nyɛ kányɛʔɛ.

1 Samyɛli 2:24

Eʔe dɛ, ni pìibēle, gee be nyuu a mii i lúro lè, ki ga nyɔɔ í. Yele i Yawe syɛ́ɛnbèle ŋɔrɔgi ni légi céemi ni.