1 Timɔte 3:6 - Cebaara Bible 2010

⁶ Ki ga yɛlɛ wi pye tágafɔvɔɔn í, kapye koro ban í dɔ̀ʔɔ́ wi a kɔ́ ra wiyɛɛ nyɛ́nɛ, kútiiw wi da too Dàzɔɔnw na lè wee bee félege si kɔ́ too wi na.

1 Timɔte 3:6 Iomraidhean Croise

2 Fànʔafɔbèle 14:10

Kányɛʔɛ gii, mɔ n Edɔmi ye jáa, a koro kpɔɔmɔ lége mɔ ni. Ki n yɛlɛ mi kòro mɔ kpɔ́ɔmi ni, mí tɛ́ɛn yaà mɔ tɛ́ɛgi ni. Nyàʔá na mɔ wɔʔɔgɔ caa bi cáan miyɛɛ ma? Mɔ a too, Zyuda ye si wɔ́ɔ too ní mɔ ní.»

2 Cányi kèlē 26:16

Kàjáa lǎli ni wi baa wi fǎngi kpɔ́ʔɔ lè, a kpɔɔmɔ jée wi fúngi ni fwɔɔ a koro pan ní wi kálagili ní. Wi n kolo Yawe wi Kolocɔlɔw ma. Wi n jée Yawe kpɔ̀ʔɔrɔli kpaʔa ni bi nùndaanna yárira sórigo nùndaanni yasorigoro sáriga-wòlo-yafanʔa na.

2 Cányi kèlē 32:25

Kàjáa kacǎnni Ezekyasi taa lè wi ga li córo í. Níì cán kpɔɔmɔ maa baa jée wi ni. A Yawe fundanʔari si yìri woro ní Zyuda, ní Zyerusalɛmi ye kurugo.

Kàseegèle 18:12

Sáni kálagili í pye lè, syɔɔn fúngi má kpɔ́ɔmi gáà yìri, nìjanri si i maa nɛ̀ɛjɛrɛgi kurugo.

Kàseegèle 29:23

Syɔɔn nɛ̀ɛnyɛnɛgi i wi cɛ́rɛgi, wee si wi nyɛ lè màabyeo fúngi ni, wi a kpɔʔɔrɔ taa.

Ezayi 2:12

Níì cán Yawe wi lè Nyɛ̀ʔɛni Sùlasiibéle Kafɔlɔ, wi n canʔa tɛ́ʔɛ nɛ̀ɛnyɛnɛgi fɔ̀ɔlɔ myɛ, ní kpɔ́ɔmi fɔ̀ɔlɔ myɛ kánma na, ní yariga o yariga kánmi na ki kiyɛɛ yìrigí ǹjoʔo ma lè, ki si a ba tìrige táàma.

Danyɛli 11:12

Syɛɛnnɛʔɛmi bee a cò bi kári, kpɔɔmɔ si jée fànʔafɔw fúngo ni. Wi a syɛ̀ɛnnɛ selebingéle saʔa cáan, kàjáa ki a kòro wi wógi na í.

Luki 10:18

A Zyezu be pye: «Mii maa Sutanaw nyaa a wi yìri nyɛ̀ʔɛni na n tìgi n too tári na àmɛɛ nyɛ̀ʔɛni nyɛ́ʔɛnɛmɛ nyɛ lè.

1 Korɛnti ye 3:1

Ni senyɛ̀nnɛ, mii da gbàn ni nyuu ní yele ní àmɛɛ gi yɛlɛ paa nyuu ní Pìicǎnni kôdanʔabéle ní lè í, fwɔɔ àmɛɛ céri kôdanʔabéle nyɛ lè, ní àmɛɛ pìibēle nyɛ lè Kirisi ni.

1 Korɛnti ye 8:1

Tɔ́ɔliw ni gee gi káari kéele kwɔ́ɔ dee be kúu yasunyi na lè, wo n gi cán cánna i nyɛ wo myɛ ma. Cánni li kpɔ́ɔmi nii syɔɔn ni, tàmagi si i kàa taari syɔɔn na.

2 Korɛnti ye 12:7

Kérigèle be tɛ̀ɛn mii na lè àmɛɛ ge kpólo lè, gee bee na a be wúugo tɛ́ʔɛ n mii súu céri na, koro ga pye mii a kɔ́ nyìn kpɔ́ɔmi na í, wúugi bee i nyɛ Sutanaw tunduɔn jàngó waa mii wɔʔɔ, koro ga pye mii a kɔ́ nyìn kpɔ́ɔmi na í.

Làlwaw Kaanziin 17:20

Jàngó kpɔɔmɔ a kɔ́ jée wi fúngi ni, wi wiyɛɛ télege wi senyɛnbèle nyúngo na í, wi a kɔ́ kajoodɛɛngèle bee yaʔa si wàli bi kári kàliige wàlá kàmɔnɔ ma í, koro ga pye wi ní wi jáabèle í kòro fàngoli na Isirayɛli ni bi cannɛʔɛyɛ kwɔ́ɔ.

Làlwaw Kaanziin 8:14

da miyɛɛ kɔ̀rɔsíi jàngó kpɔɔmɔ a kɔ́ jée mɔ fúngi ni mɔ í fɛ̀ʔɛ Yawe mɔ Kolocɔlɔw na í, woro wee wi mɔ yirige Ezyipiti tári ni lè, púlori kpaʔa ni.

1 Timɔte 3:7

Ki n wɔ́ɔ̀ yɛlɛ kàfugi syɛ̀ɛnnɛ í da wi mɛ́ɛtaangi yiri jàngó faʔara a kɔ́ too wi na wi kɔ́ cò Dàzɔɔnw karinyanga na í.

1 Timɔte 6:4

syɔ́ɔnw bee n nyìn wi tiimaa kpɔ́ɔmi na, wi i nyɛ kanaa-sìnjáɔn. Nyùngo fun yíbeyi ní kàkabalayi syɛɛnjóonɛʔɛrɛ n wi yákiriw kálagi. Kérigèle bee ge maa ní nyabɛɛnni ní n fàra kàsiiw, ní tɛʔɛlɛyi syɛ́ɛnrɛ, ní sɔ̀ngubeeri na.

2 Timɔte 3:4

pe a ra be syɛɛnnyɛnbèle nii kɔyɔ ni, sáā pe nyɛnɛ kérigèle kpéʔele, sáā peyɛɛ gbɔ́ʔɔgi, nyáanagbɛ kérigèle a be dɛ́nɛ bi sɔ̀lɔ Kolocɔlɔɔ na.

1 Pyɛri 2:2

Ye pye àmɛɛ sàánnyɛɛngēle nyɛ lè bi yirejanmi láa yaʔa paa yele taagi pi lè pìígèle wómɔ, koro ga pye yele í da leegi syɔɔli kánma na pi bárigaw ni,

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»

2 Pyɛri 2:4

Níì cán nyɛ̀ʔɛni tundunbéle pe da kapeegèle kpéʔele lè, Kolocɔlɔɔ da be yaʔa sìnwɔʔɔ ni í, wi maa be wáa tɛɛwɔʔɔgi ni n yaʔa yaà yébiliwɔɔli wéecuruyo ni, kútiiw kánma na.

Zyudi 1:6

Nyɛ̀ʔɛni tundunbéle be pye lè pe da kòro pe fǎngi ni í, níì pe tiimaa tɛɛkòrogi cée, a Kolocɔlɔɔ bànzánʔa yapwɔɔrɔ tɛ́ʔɛ n bele bee pwɔɔ n kɔn táàma yébiliwɔɔlɔ tɛ́ʔɛ ni cângbɔɔgi kútii kánma na.