1 Timɔte 3:3 - Cebaara Bible 2010

³ ki ga yɛlɛ wi wiyɛɛ gaan sínmi ma í, wi a kɔ́ pye syɛɛntanʔaɔ í, fwɔɔ wi pye fûnnyingefɔlɔ, wi a kɔ́ pye kàsiikuuɔn í, wi si a wɔ́ɔ kɔ́ wiyɛɛ daʔa wáliw na í.

1 Timɔte 3:3 Iomraidhean Croise

Kàseegèle 1:19

Bele myɛ be tɔ̀nɔpeew caa lè, poro kóloyi yi nyɛ nya. Wi i wi taafɔbèle bɔ̀nɔ́ be sìíw ni.

Kàseegèle 15:27

Wee wi tɔ̀nɔpeew caa lè, wi i wɔʔɔgɔ cáan wi kpáagi na, wee si námara kpɔ́ʔɔri bɛɛn lè, wi a sìi taa.

Syɛɛnjóow 7:8

Keele kwɔ́ɔmɔ n pɔ́rɔ n sɔ̀lɔ li sélimi na. Kpàracogi fúngo n pɔ́rɔ n sɔ̀lɔ kpɔ́ɔmi fúngo na.

Ezayi 28:1

Wɔʔɔli a pye Efirayimi singbaadinbèle nɛ̀ɛnyɛnɛgɛ fanʔafɔ-nyùndɔnnɔ na, ní fyɛ́ɛnri na, dee di kúlɔlɔ lè, wi nìjanri fèrere kàʔa, ki lè singbaadinbèle jǐnlɔgɔ tácànra ǹjoʔo ni, ní bele dùvɛɛnw cáan lè.

Ezayi 28:7

Kàjáa poro wɔ́ɔ i dùvɛɛnw gbo ni fági, a singbǎnmi i be pùuní. Sáriga-wòloo ní kanyaajooo i fági singbǎnmi báriga ni, dùvɛɛnw n be cò, singbǎnmi i be pùuní. Pe yɛ́ɛyi i wóo n be yaʔa kanyaajoori na. Pe i curugu pe kajoo-mí-cerigèle ni.

Zyeremii 6:13

«Níì cán n séli wobiigèle na n sáà nan wogbolobèle na, pe myɛ fúnyo n kpólo taali kurugo. Nlaa kanyaajoobèle na n sáà nan sáriga-wòlobèle na, pe myɛ i námaraw kpéʔele.

Zyeremii 8:10

Koro na mii a be cébèle kaan pèle nikwɔɔlɔ ma, si be séyi kaan bele má pe a yi nɛnɛ syɔɔ be ma lè. Níì cán n séli wobiigèle na n sáà nan wogbolobèle na, pe myɛ i nyɛ tɔ̀nɔcaari kurugo. N séli kanyaajoobèle na n sáà nan be sáriga-wòlobèle na, pe myɛ i námaraw kpéʔele.

Ezekyɛli 44:21

Sáriga-wòloo faala ga yɛlɛ wi dùvɛɛn gbaa lǎli ni wi ga ni jǐn fungo má kadàali ni lè í.

Levii ye sáriga-wòlori 10:9

«Mɔ a kɔ́ dùvɛɛn wàlá yarigaa faala gbaa gee gi syɔɔn yɛ́ɛgi wóo lè í, mɔ ní mɔ piibèle ní, lǎli ni yele ga ni jà jée Syɛ́ɛnmi Tɛɛfaraga fànikpaʔa ni lè, gee bee a gi yaʔa yele a kùu í. Gee bee a pye bàngwɔɔ làlwa yele yòdaʔayi ma,

Misye 2:11

Ki n yɛlɛ nànwaa í da nyuu da wáa káfalagi kurugo, bàā jànvaaw nyuu si jo: «Mii a joo mɔ ma dùvɛɛnw ní singbǎnmi kéele na!» Joonɛʔɛgɛfɔw bee félege wi a tɔ̀nɔ́ yɛlɛ syɛ́ɛnbèle naa na!

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Misye 3:5

Yawe wi syɛ́ɛnri naa joo kanyaajoobèle kéele na, poro bele be mii syɛ́ɛnbèle fáana ni pùuní lè, pe gǎngèle ga yarigaa taa bàā sànʔá, pe n ni yɛɛ̀nyingi kéele nyuu, wee ga pye wi ga yarigaa le pe nyɔ́ɔyi ni lè í, pe n ni kapɛɛnni kéele nyuu ni wáa wee bee na.

Malasyii 1:10

«Koro na wìí wi nyɛ yele ni, wee wi a kɔ̀riyi tɔ́n lè jàngó yele a kɔ́ ra náagi nii mii sáriga-wòlo-yafaangi na gbanzan í? Yele kéeli ga tɔ̀nɔ n mii dɛ́nɛ í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. «Mii a yakanʔa syɔɔ yele kɔ́yi ni í!

Matye 21:13

A wi be pye: «Ki maa sɛ́bɛ níì jo: ‹Pe a ra mii kpáagi yiri Kolocɔlɔɔ nyɛ́ɛrigi kpaʔa,› kàjáa yele n baa gi kàriga kàyuubēle tɛɛkòrogo.»

Kapyegèle 20:33

Mii da ni nyabɛɛnnɛ kpéʔele syɔɔn faala yáriga na í, wáli yoo, tɛɛ̀ yoo, buroyo yoo.

Wɔrɔmi ye 16:18

Níì cán syɛ́ɛnbèle bee félege o báara wolo Kàfɔw Kirisi ma í, pe tiimaa fícarigèle má be báara. Syɛ́ɛnbèle bele be nyɛ lè pe ga kɔ́ɔ̀ kapeegèle ní kacǎngèle cán n láʔala keyɛɛ na í, pe i bele bee fáana ni pùuní ní be lɛ́ɛlɛgi syɛ́ɛnrɛ, ní be jànvaaw syɛ́ɛnrɛ ní.

Efɛzi ye 5:18

Ki ga yɛlɛ yele í da dùvɛɛnw gbo waa yele yɛ́ɛyi wóo í, ncan kanɔnʔɔri i taagi wi ni. Kàjáa ki n yɛlɛ Pìicǎnni í yele fúnyi nyìn.

1 Tesaloniki ye 5:14

Ni senyɛ̀nnɛ, wolo i yele nyɛ́ɛri níì jo, yaa sàlagafɔbèle sàmí, yáā fyáarafɔbèle zɔ̀nbēle nìrí, yé wɔ́ɔ yaa fànʔa-fùnvɔbèle tɔʔɔlɔ, yáā syɛ́ɛnbèle myɛ kpàracó.

1 Timɔte 3:8

Kánmi bee na dyakiribèle wɔ́ɔ̀ yɛlɛ paa síngi paa táanri, ki n yɛlɛ paa còʔoró syɛɛnjóotɛɛyi siin joolo na, ní dùvɛɛn-gbaabeegi, ní tɔ̀nɔpeew myɛ na,

2 Timɔte 3:2

Níì cán syɛ́ɛnbèle a ba ra peyɛɛ nyɔɔmi yagana caa, pe a ba peyɛɛ daʔa wáliw na, sáā joogbɔɔmi nyuu, sáā peyɛɛ nyɛ́nɛ, si wɔ́ɔ ra Kolocɔlɔɔ mɛ́ɛgi kálagi, pe a ra pe seefɔbèle cèʔé, si pye sɔ̀ngumɔ-fùnvɔɔlɔ, si wɔ́ɔ pye Kolocɔlɔɔ yɛ́ʔɛnaa-sìnvyaabéle,

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

Tiiti 1:7

Níì cán àmɛɛ yɛɛ̀kiniw nyɛ lè Kolocɔlɔɔ fáliw kacɔɔnriɔ, fwɔɔ wi pye kajoolo fun, ki ga yɛlɛ wi pye nyùnwaʔafɔlɔ í, wàlá wi fúngi í tanʔama dɛ́nɛ í, wàlá wi wiyɛɛ gaan sínmi ma í, wàlá wi pye kàsiikuuɔn í, wàlá wi pye tɔ̀nɔpeew caafɔlɔ í.

Tiiti 2:3

Mí wɔ́ɔ gi joo kàcelɛɛbèle ma paa táanri Kolocɔlɔɔ yɛ́ɛgi fyáara na, ki ga yɛlɛ be pye mɛ́ɛkalagibéle í, koro ga jáa be pye sínmi púlobéle í. Ki n yɛlɛ paa cepiibèle tama kacǎngèle ni,

Tiiti 3:2

ki ga yɛlɛ pe kɔ́ wàa faala mɛ́ʔɛ kálagi í, koro ga jáa bi kàsii kúun wàa ma í, ki n yɛlɛ be pye fûnnyingefɔɔlɔ sáā màama kpéʔele syɛ́ɛnbèle myɛ ma kányɛʔɛ ni.

Heburubèle 13:5

Ki ga yɛlɛ yele í yeyɛɛ daʔa wáliw tàmaga na í. Yáriree yele taa lè, ki n yɛlɛ dee bee í yɛlɛ ní yele ní, níì cán Kolocɔlɔɔ tiimaa n gi joo níì jo: «Mii a tée mɔ yaʔa í, mii a mɔ wáa kàdoʔo ma nyáana í.»

Zyaki 4:1

Kàsiiw ní kàkabalayi yi nyɛ lè yele níngi ni, sán di yìrigí? Yele fundaayi kèlē ge túngu lè yele céri ni làla o làla, koro má ban di yìrigí ì?

1 Pyɛri 5:2

Kolocɔlɔɔ bàtogi gi nyɛ yele níngi ni lè, yaa gee bee nàʔá. Ki si ga yɛlɛ gi pye mɔ a jo a be yele kpɛ̀ɛn wii í, fwɔɔ ki yiri yele tiimaa fúnyi ni n yɛlɛ ní Kolocɔlɔɔ nyɛ́nɛ kéeli ní. Ki ga wɔ́ɔ̀ yɛlɛ gi pye wálicaari kéele na í, fwɔɔ gi pye kínidɛnɛgi kéele na.

2 Pyɛri 2:3

Pe a jànvaa syɛ́ɛnri tɛ́ʔɛ bi yele kpéʔele be jàgi-yárira be nyabɛɛnni kéele na. Kútiiw Kolocɔlɔɔ ceri be na lè nlaa yaà làridɔɔnnɔ ni, wee bee i nyɛ kólogi na n kwɔ́ɔ, pe kálagili si wɔ́ɔ i nyɛ̀nɛ na ni be sige.

Zyudi 1:11

Wɔʔɔli a ba pye be na! Níì cán kólogee Kayɛn da ni táanri lè koro be láa, ní wɔ́ɔ̀ pwɔɔ sàraw kéele na níì tìn n jée Balaami pùununi kólogo ni, níì kálagi àmɛɛ Kore da céemi le wiyɛɛ ni níì kálagi lè.

Tɛ̀ɛnnɛ 1:9

Mii Zyan, wi nyɛ lè yele senyɛnw, níì pínɛ ní yele ní wɔʔɔli, ní fǎngi, ní kpàracogi na Zyezu kólogi ni, mii maa pye lǒgi nínge tára ni pe yiri lè Patimɔsi. Níì cán àmɛɛ mii da ni Kolocɔlɔɔ syɛ́ɛnri nyuu lè, ní i Zyezu séeraw kpéʔele lè, koro na pe da mii cò n tórigo nɛɛ bee.

1 Samyɛli 8:3

Kàjáa wi jáabèle da ni táanri wi tánʔaganmi na í, pe maa peyɛɛ daʔa yataari na, ní i námara kpɔ́ʔɔri syoo, ní i kútiiw kálagi.