1 Timɔte 3:16 - Cebaara Bible 2010

¹⁶ Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

1 Timɔte 3:16 Iomraidhean Croise

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Ezayi 9:6

Fǎngi a ra caragi da syée, bàngwɔɔ yɛɛ̀nyinge si kaan Davidi fàngoli, ní wi fǎngi ma, bi gi báriga, si gi sígi yérige kányɛɛgi, ní sínni báriga ni, bi séli lǎli naa na bàā syée yaà làla o làla. Koro gi nyɛ Nyɛ̀ʔɛni Sùlasiibéle Kafɔlɔ Yawe fúngi ni, wi a gi kpéʔele.

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Matye 1:23

«Wéle, nàngeele sinján pìcaaw a ba fícɛnnɛ taa bi pyà see nàɔn, pe si a ra wi mɛ́ɛgi yiri Emanuwɛli. Ki kɔ́rɔw wi nyɛ, Kolocɔlɔɔ i nyɛ ní wolo ní.»

Matye 13:11

A wi be yari: «Ki n kaan yele ma yele í nyɛ̀ʔɛni fànʔa kalaragēle cán, kàjáa ki ga kaan poro ma í.

Matye 28:2

A tári fala n cúngo gbanʔama. Níì cán Kàfɔw tundunwaa maa yìri nyɛ̀ʔɛni na n tìgi n baa kàdɛnɛgi kòlogo n láʔa n tɛ́ʔɛ kɔlɔ̀ na níì tɛ́ɛn gi na.

Matye 3:16

A Zyezu ga batize n kwɔ́ɔ níì yiri lǒgi ni terire, wéle, a nyɛ̀ʔɛni fala n múgu, a wi Kolocɔlɔɔ Pǐli nyaa li i tíri ni maa wi ma àmɛɛ kàtolo nyɛ lè.

Matye 4:11

Lǎli bee ni a Dàzɔɔnw wi yaʔa níì kári. A nyɛ̀ʔɛni tundunbéle pan n baa wi dɛ̀ɛmɛ.

Mariki 1:13

A wi sáà canya togoye siin kwɔ́ɔ fìími tára ni, a Sutanaw sa ni wi kárima ni wéle. Wi maa pye sìnbirigi yaweere nínge ni, nyɛ̀ʔɛni tundunbéle si maa ni wi dɛ̀ɛmɛ́.

Mariki 16:19

A Kàfɔw Zyezu ga syɛ́ɛnri bee joo n kwɔ́ɔ be ma, a wi lúgu nyɛ̀ʔɛni na n sáà tɛ́ɛn Kolocɔlɔɔ kàliige ma.

Mariki 16:5

A pe ga jée nyángi ni, a be nìgɔcariɔ nyaa yaà wodɛ́ɛɔn ní kàliige ma ní buroviige ní, a fyáari be cò gbanʔama.

Luki 2:32

Li a pye gbɛ̀ɛnmɛ bàā kányɛɛgi tèé dulunyanw syɛɛnfeleye na. Si nìjangbɔɔrɔ kaan mɔ syɛ́ɛnbèle ma be nyɛ lè Isirayɛli ye.»

Luki 20:44

Amɛɛ si Davidi wi yeri lè Kàfɔw, mɛ̀ɛ́ wi a gbǎn ní pye wi jaà bi sɛ́ɛ?»

Luki 22:43

[A nyɛ̀ʔɛni tundunwaa pan wi ma n baa fànʔa le wi ni.

Luki 24:4

A be fúnyi nyáʔami be na kéeli bee na, a be nànbēle siin foo n nyaa peyɛɛ daana woyérebéle ní ní buroviiye ní, yi maa ni fíligi kere kere.

Luki 24:51

Lǎli ni wi pye ni dùbaw kpéʔele be ma lè, a wi yiri be níngi ni, [a Kolocɔlɔɔ wi yìrige n lúrugo nyɛ̀ʔɛni na.

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 13:3

Zyezu si maa gi cán Tofɔw Kolocɔlɔɔ n yáriri myɛ le woro kɔ́yi ni, ní wɔ́ɔ̀ gi cán Kolocɔlɔɔ má woro yìri yaà n pan, woro si a ní lúru kári wi ma.

Zyan 15:26

Dɛ̀ɛmɛfɔw mii a tun yele ma lè, wee wi a yìri Tofɔw ma lè, wi ga pan lǎlee ni lè, wi a ba pye mii séera yele ma, Dɛ̀ɛmɛfɔw bee wi nyɛ kányɛɛgi Pìle, lee li a yìri Tofɔw ma lè.

Zyan 16:28

Tofɔw má mii yìri n pan dulunyanw ni. Tɔ́ɔliw ni mii si a ní yiri dulunyanw ni bi lúru kári Tofɔw ma.»

Zyan 17:5

Abaa, tɔ́ɔliw ni nìjangbɔɔri ti da pye yaà mii na mɔ taana lè sáni dulunyanw í séli lè, di taʔa mii na.

Zyan 20:12

a wi nyɛ̀ʔɛni tundunbèle pèle siin nyaa wodɛ́ɛnbéle ní ní buroviiye ní, beè pe da Zyezu kúceri sínɛgɛ lè, wàa maa pye nyǔngi kàbaan na, wee si i nyɛ tɔ́lɔyi kàbaan na.

Zyan 6:62

A yele ga kɔ́ɔ̀ Syɔɔn-pya nyaa wi i lúru ǹjogi ni, beè wi da pye lè, mɛ̀ɛ́ yele a gee bee pye?

Kapyegèle 1:19

A Zyerusalɛmi syɛ́ɛnbèle myɛ baa kéeli bee cán, ní i tɛ́ɛgi bee yiri be syɛ́ɛnri ni Akɛlidama, ki kɔ́rɔw wi nyɛ Sìsyaanw Tára.

Kapyegèle 10:34

Lǎli bee ni a Pyɛri fala n séli ni nyuu be ma níì jo: «Kányɛʔɛ na mii n náà gi cán ncan Kolocɔlɔɔ o syɔɔnwaa yirigi wàa ni í.

Kapyegèle 14:27

Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na.

Kapyegèle 20:28

Yaa yeyɛɛ kɔ̀rɔsíi, ye wɔ́ɔ yaa bǎbèle myɛ kɔ̀rɔsíi, bele yɛ́ʔɛ na Pìicǎnni yele kínige lè, jàngó yele í pye Kolocɔlɔɔ Egiliziw nàʔafɔɔlɔ, wee wi syɔɔ lè wi tiimaa sìsyaanw báriga ni.

Wɔrɔmi ye 10:12

Wàlima o nyɛ Zyefubèle ní syɛɛnfeleyi wozanya nínge ni í, níì cán Kàfɔlɔ nibin wi nyɛ pe myɛ nyúngo na, bele be wi mɛ́ɛgi yiri lè, wi i nyɛ yarigaa fɔ́lɔ bele bee myɛ kàbaan na.

Wɔrɔmi ye 10:18

Kàjáa mii n jo, a gi i nyɛ lé pe ga di lóʔo wii í láà? Eʔe, koro ban í! «Níì cán kanyaajoobèle joomɔ n yiri n nan tári tɛ́ɛyɛ myɛ na. Pe syɛ́ɛnri n nan fwɔɔ dulunyanw láʔagéle na.»

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

Wɔrɔmi ye 3:4

Eʔe dɛ! Alí syɛ́ɛnbèle myɛ ga pye jànvaafɔɔlɔ, ki n yɛlɛ pe gi cán Kolocɔlɔɔ a sèʔé pye kányɛɛgi joofɔlɔ làrigèle myɛ ni, àmɛɛ gi sɛ́bɛ lè níì jo: «Mɔ ga ni nyuu lǎlee ni lè, ki n yɛlɛ pe gi cán mɔ tánʔa i nyɛ poro na, ní pe ga ni kútiiw nyuu ní mɔ ní lǎlee ni lè, ki n yɛlɛ mɔ í joo bi be jáa.»

Wɔrɔmi ye 8:3

Níì cán gee gi nyɛ lè Mowizi làlwaw da gbàn n gi kpéʔele í, àmɛɛ céri kèlē da wi kàriga lè fànʔa fun, Kolocɔlɔɔ n gee bee kpéʔele, àmɛɛ wi wi tiimaa Jáaw tun lè syɛ́ɛnbèle kapeebyere kéele na, a wi pan n baa cere láa dee di syɔɔn kapeebye-céri wíri lè, níì kútii cáan kapeebyeri na céri ni,

Wɔrɔmi ye 9:5

Booma tofɔlɛɛbèle wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!

1 Korɛnti ye 15:47

Syɛɛnseliw n yiri tári ni, wi i nyɛ tári wóo. Syɛɛnsiin wów si n yìri nyɛ̀ʔɛni na.

1 Korɛnti ye 2:7

Kolocɔlɔɔ sícilimi bi làra lè, poro kéeli wolo nyuu ni tèé, Kolocɔlɔɔ maa sícilimi bee sámaga wolo nìjanri taala kéele na sáni dulunyanw í kpéʔele lè, níì bi làriga.

2 Korɛnti ye 1:19

Níì cán Kolocɔlɔɔ Jáaw, wi lè Kirisi Zyezu, woro wee kéele mii, ní Silivɛn, ní Timɔte da sa ni nyuu yele ma lè, wi da pye ɛɛn ní eʔe í, kàjáa woro ni ɛɛnw nyɛ.

Galasi ye 2:8

Níì cán wee wi da ni báara lè Pyɛri fúngi ni n wi pye pìituɔn kɛ́nɛw fɔ̀ɔlɔ ma, woro wi wɔ́ɔ̀ báara mii fúngi ni, níì mii tun syɛɛnfeleyi ma,

Galasi ye 4:4

Kàjáa àmɛɛ lǎli baa foro lè, a Kolocɔlɔɔ wi Jáaw tórigo, a cɔlɔɔ baa wi see, wi n see Mowizi làlwaw làla ni,

Efɛzi ye 1:9

Wi n wi nyɛnɛ kéeli kalarala tɛ̀ɛn wolo na n yɛlɛ ní wi kínidɛnɛgi ní, àmɛɛ wi da gi kɔ̀rirɔ n tímana lè wiyɛɛ fúngi ni níì jo,

Efɛzi ye 6:19

Ki si n yɛlɛ ye wɔ́ɔ yaa nyɛ́ɛri mii kéeli na jàngó Kolocɔlɔɔ í da nyɔɔsyɛɛnri kaangi mii ma koro ga pye mii í da Syɛɛnjóocǎnri kalarala nyuu da tèé ní nànzorodo ní.

Kɔlɔsi ye 1:23

ní yele ga tɛ́nɛ̀ kòro tágali ni níì yeyɛɛ daʔa li na níì nìrimɛ le, yele si ga wɔ́ɔ̀ láʔa sɔ̀ngumi tɛɛtaʔaga na í, gee yele taa lè Syɛɛnjóocǎnri ni yele lóʔo lè í, toro dee di joo syɛ́ɛnbèle myɛ ma lè dulunyanbo, a mii Pɔli tiimaa wɔ́ɔ baa pye ti joofɔwaa.

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

Kɔlɔsi ye 1:6

Syɛɛnjóocǎnri bee n nan yele na, àmɛɛ di wɔ́ɔ̀ nan lè dulunyanw tɛ́ɛyɛ myɛ na. Ti i yasanra sangi ní i caragi dulunyanw tɛ́ɛyɛ myɛ ni, àmɛɛ di wɔ́ɔ̄ gi kpéʔele lè yele níngi ni, nlaa cángee na yele sélì Kolocɔlɔɔ kpɔ́ʔɔri kéele lóʔo lè níì di cán n fílige kányɛʔɛ ni.

Kɔlɔsi ye 2:2

koro ga pye bi be kɛɛlɛ, pé tan peyɛɛ na tàmagi ni, pé Kolocɔlɔɔ kéeli cán bi fílige si tága li na, koro si pye be ma àmɛɛ lɔnɛʔɛrɛ nyɛ lè, pé wɔ́ɔ Kolocɔlɔɔ kalarali cán bi fílige, li lè Kirisi,

2 Tesaloniki ye 1:10

lǎlee ni wi a pan ba kpɔ́ʔɔri taa wi syɛɛncanbèle kéele na lè, tágafɔbèle myɛ si ba ra káama wi na cángi bee. Yele wɔ́ɔ i nyɛ bele bee pèle, níì cán yele n tága wolo séeraw na.

2 Tesaloniki ye 2:7

Níì cán kapeebyeri kalarala tée i báara n kwɔ́ɔ, kàjáa kérigèle bee si a gbǎn foro í, fwɔɔ pe ga li yérigefɔw núngo yaà lǎlee ni lè.

1 Timɔte 3:9

pé tágali kalarala cò ní funviire ní.

Heburubèle 1:3

Jaafɔw bee wi nyɛ lè Kolocɔlɔɔ nìjangbɔɔri darigala, ní wi niwiriw, wi bárigaw syɛ́ɛnrɛ n dulunyanw yárira myɛ tɔʔɔ n yérige. Lǎli ni wi kapeegèle jéemununɔ kpéʔele n kwɔ́ɔ lè, a wi sáà tɛ́ɛn nyɛ̀ʔɛni ni, Nìjangbɔɔri Fɔ́lɔ kàliige ma.

Heburubèle 12:2

Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.

Heburubèle 7:7

Wo n gi cán wogbɔɔɔ wi dùba kpéʔele wobile ma, kàkabalaga faala o nyɛ gee bee ni í.

Heburubèle 8:1

Syɛ́ɛnri bee mii joo lè, ti kɔ́rɔw wi nyɛ wee naa, ncan sáriga-wòlobèle kàfɔlɔ i nyɛ wolo ma wodɛ́ɛɔn ní Nìjangbɔɔri Fɔ́lɔ fàngolo kàliige ma nyɛ̀ʔɛni ni.

1 Pyɛri 1:12

Kolocɔlɔɔ si maa gi tɛ̀ɛn be na ncan kérigèle bee pe da ni nyuu lè, pe da ni ge nyuu peyɛɛ kéeli na í, fwɔɔ yele kéeli na. Syɛɛnjóocǎnri joofɔɔlɔ si n náa baa kérigèle bee joo yele ma tɔ́ɔliw ni Pìicǎnni báriga ni, lee Kolocɔlɔɔ yìrige lè nyɛ̀ʔɛni na n tórigo naa, ki láagi i nyɛ nyɛ̀ʔɛni tundunbéle na gbanʔama bi kérigèle bee fílige cán.

1 Pyɛri 1:20

Kolocɔlɔɔ maa téè Kirisi nyɛ́nɛ n wòlo sáni dulunyanw í séli lè, ní baa wi tɛ̀ɛn làrizangèle naa ni yele kéeli na.

1 Pyɛri 1:21

Woro bárigaw ni yele tága Kolocɔlɔɔ na, woro wee wi wi nyán n yirige kúbèle nínge ni lè, níì nìjangbɔɔri taʔa wi na, a koro gi kaan a yele tága Kolocɔlɔɔ na níì yele sɔ̀ngumi taʔa wi na.

1 Pyɛri 3:18

Níì cán Kirisi tiimaa n kùu tɔlɔgɔ nibin pée kapeegèle kéele na, wozinw n baa kùu syɛɛnnaa-sìnzinbèle sìndɛʔɛ ni, koro ga pye bi yele taa tórigo Kolocɔlɔɔ ma. Pe n wi kpóo céri kàbaan na, kàjáa Kolocɔlɔɔ n wi nyán n wéege Pìicǎnni báriga ni.

1 Pyɛri 3:22

woro wee wi kári nyɛ̀ʔɛni na lè, ní i yaà Kolocɔlɔɔ kàliige ma, a nyɛ̀ʔɛni tundunbéle, ní séekpɔɔw fɔ̀ɔlɔ, ní bárigaw fɔ̀ɔlɔ i lúro wi ma.

1 Zyan 1:2

sìíw bee si maa baa wiyɛɛ dɛ̀ɛn, a wolo wi nyaa, koro na wolo wi séeraw kpéʔele ní i wi kéeli nyuu yele ma wi lè bàngwɔɔw wóo, woro wee wi da pye yaà lè ní Tofɔw ní, ní baa wiyɛɛ dɛ̀ɛn wolo na,

1 Zyan 3:5

Yele si n gi cán Kirisi n baa wiyɛɛ dɛ̀ɛn koro ga pye bi kapeegèle láʔa syɛ́ɛnbèle na. Kapeele si o nyɛ wi fúngi ni í.

1 Zyan 3:8

Wee si wi kòro ni kapeegèle kpéʔele lè, wee bee i nyɛ Dàzɔɔnw wóo, níì cán Dazɔɔnw i kapeegèle kpéʔele nlaa yaà gi sélimi na. Gee bee gi gi kaan a Kolocɔlɔɔ Jáaw baa wiyɛɛ dɛ̀ɛn koro ga pye bi Dazɔɔnw kapyegèlē kálagi.

Tɛ̀ɛnnɛ 17:5

Mɛ́ʔɛ maa pye wi gbáali na wozɛbɛgɛ ní, gee gi nyɛ lè kalarala wóʔo, a gi jo: «Kèkpɔɔgi Babilɔni, nànjaacebèle ní dulunyanw kapeebyere nɔ́ɔ.»

Tɛ̀ɛnnɛ 17:7

A nyɛ̀ʔɛni tunduɔn mii pye: «Nyàʔá na mɔ káama gi na? Wéle, mii a céw kalarala tɛ̀ɛn mɔ na, n fàra yaweegi wólo na, gee na wi tɛ́ɛn lè, koro gee gi nyɛ lè ní nyǔnyi kɔrɔsiin, ní nyɛ́ngèle kɛɛ ní.

Tɛ̀ɛnnɛ 7:9

Koro kàdoʔo ma a mii wéle n syɛɛnnɛʔɛmɛ nyaa, bee bi nyɛ lè syɔɔn faala a gbǎn bi córo í, pi maa yiri syɛɛnfeleyi myɛ ni, ní syɛɛnfeleyi yòdaʔaya myɛ ni, ní dulunyanw syɛ̀ɛnnɛ myɛ ni, ní syɛɛnfeleri joofɔɔlɔ myɛ ni. Pi myɛ si i nyɛ woyéremɛ ní fàngoli ní Bàpili yɛ́ʔɛ ma ní buroviiye ní, sɛ́ʔɛwara si i nyɛ bi kɔ́yi ni.