1 Timɔte 3:15 - Cebaara Bible 2010

¹⁵ Koro ga pye mii ga mɔn naa yoo, mɔ í gi cán, gee syɔɔn yɛlɛ wi kpéʔele lè Kolocɔlɔɔ kpáagi ni, ki lè Kolocɔlɔɔ Woweew Egilizi, wi lè kányɛɛgi tiipɔlɔ ní gi kàpɔɔnw.

1 Timɔte 3:15 Iomraidhean Croise

1 Fànʔafɔbèle 2:2

«Mii wi syée wee tári syɛ̀ɛnnɛ myɛ tɛɛ̀káriga ni. Ki si n yɛlɛ mi nìrimɛ le mi pye nànbile.

1 Fànʔafɔbèle 2:4

Koro ga pye syɛ́ɛnree Yawe joo mii kéeli na lè, wi di foro. Wi n jo: ‹Mɔ piibèle ga ni be tánʔaganmi kɔ̀rɔsíi, ní i táanri kányɛɛgi na mii yɛ́ʔɛ ma ní be zɔ̌nbèle myɛ, ní be fúnyi myɛ ní, mɔ a tée fɔ̀n syɔɔn ni wee wi a tɛ́ɛn Isirayɛli fàngoli na mɔ sindɛɛgi ni lè í.›

2 Fànʔafɔbèle 19:4

Dɔ̀ʔɔ́ Yawe mɔ Kolocɔlɔw n sùlasiibèle myɛ kàfɔlɔ taʔara syɛ́ɛnrɛ lóʔo, dee wi kàfɔw Asirii fànʔafɔw wi tun a wi baa joo n Kolocɔlɔɔ woweew tɛʔɛlɛ lè. Dɔ̀ʔɔ́ syɛ́ɛnri Yawe mɔ Kolocɔlɔw lóʔo lè wi a wi wɔʔɔyi taʔa wi na di kéeli na. Koro na nyɛ́ɛri wolo wozanbèle kéele na wo sèʔê kòro beè lè.› »

1 Cányi kèlē 22:13

Gee ki a mɔ kapyegèle yaʔa kaa nyɔɔgi lè, koro gi nyɛ làlwaw kèlē ní kajoodɛɛngèle Yawe joo Mowizi ma lè Isirayɛli ye kéeli na, mɔ í gele bee sámaga cò sáā ge kpéʔele. Ki n yɛlɛ mi lòmaana le mí wɔ́ɔ nìrimɛ le. Mɔ a kɔ ra fɛ̀ɛgí í. Fyáara a kɔ́ mɔ cò í.

Ŋúnuyi 42:2

Kánmee na sɔ̀ɔ ŋɔ́ngi ni fɔ̀ngí lókoloyo lɔ̀ʔɔ kurugo lè, kánmi bee na mii ŋɔ́ngi ni fɔ̀ngí mɔ kurugo mii fúngi ni, ee Kolocɔlɔɔ!

Ŋúnuyi 84:2

Mɔ tɛɛkòroyi n tɔ̀nɔ n tɛ́nɛ, Yawe, mɔ wi lè Nyɛ̀ʔɛni Sùlasiibéle Kafɔlɔ!

Zyeremii 1:18

Wéle, mii wi mɔ télegi wee níjanʔa tári myɛ nyúngo na mɔ í pye àmɛɛ kènirige nyɛ lè, ní àmɛɛ tunmɔrɔ gàánna nyɛ lè, ní àmɛɛ kanyɛɛnrɛ tò nyɛ lè Zyuda fànʔafɔbèle kánma na, ní wi syɛɛnkpolobèle kánma na, ní wi sáriga-wòlobèle kánma na, ní tári syɛ̀ɛnnɛ kánma na.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Zyeremii 23:36

Yele a ní kɔ́ joo Yawe túgori kéele na í. Níì cán túgori bee a pye syɔɔn o syɔɔn ma wi tiimaa syɛ́ɛnrɛ. Yele i Kolocɔlɔɔ woweew syɛ́ɛnrɛ ŋángi, Yawe wi lè Nyɛ̀ʔɛni Sùlasiibéle Kafɔlɔ, wi lè wolo Kolocɔlɔw, ti lè woro wóri.

Danyɛli 6:26

Koro kàdoʔo ma, a fànʔafɔw Dariyusi sɛ́bɛ sɛ́bɛ n tórigo syɛ́ɛnbèle myɛ, ní syɛɛnfeleyi ma, ní syɛɛnfeleri myɛ joofɔɔlɔ ma pe nyɛ lè tári myɛ ni, níì jo: «Ki n yɛlɛ yɛɛ̀nyingi í pye yele ma saʔa.

Matye 16:16

A Siimɔn Pyɛri wi pye: «Mɔ wi nyɛ Kirisi, Kolocɔlɔɔ woweew Jáa.»

Matye 18:18

«Mii a gi joo yele ma kányɛʔɛ ni, yele ga yárigee faala pwɔɔ lè tári na, ki n wɔ́ɔ̀ pwɔɔ nyɛ̀ʔɛni na, yele si ga wɔ́ɔ̀ yárigee faala sánʔa lè tári na, ki n wɔ́ɔ̀ sánʔa nyɛ̀ʔɛni na.

Zyan 1:17

Níì cán Mowizi wi da làlwaw kaan wo ma, á Zyezu Kirisi si baa kpɔ́ʔɔri ní kányɛɛgi kaan wo ma.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 18:37

A Pilati wi pye: «Ba fànʔafɔlɔ lé mɔ nyɛ?» A Zyezu wi yari: «Amɛɛ mɔ gi joo lè, ànbée gi nyɛ, mii i nyɛ fànʔafɔlɔ. Mii seeli nyúngo, ní mii kapanni nyúngo gi nyɛ dulunyanw ni bi ba ra kányɛɛgi séera kpéʔele. Syɔɔn o syɔɔn wi nyɛ lè kányɛʔɛfɔlɔ, wee bee i lúro mii ma.»

Zyan 6:69

Wolo n tɔ̀nɔ n tága gi na, ní wɔ́ɔ̀ gi cán ncan mɔ wi nyɛ Kirisi, wi lè Kolocɔlɔɔ syɛɛncanw.»

Kapyegèle 14:15

níì jo: «A syɛ̀ɛnnɛ, nyàʔá na yele gee naa kpéʔele? Wolo wɔ́ɔ i nyɛ syɛ̀ɛnnɛ àmɛɛ yele nyɛ lè, wolo n pan ba Syɛɛnjóocǎnri joo yele ma koro ga pye yele í láʔa tɔ̀nɔ fun kérigèle naa na, si kàri Kolocɔlɔɔ woweew ma, woro wee wi nyɛ̀ʔɛni faan lè, n fàra tári, ní sólomi lɔ̀ʔɔ, ní di fúnyi yárira myɛ na.

Wɔrɔmi ye 3:2

Gee gi Zyefuo pɔ́rɔ n sɔ̀lɔ syɛɛnsanbèle na lè, ki n kpɔ́ʔɔ kánmi féleye myɛ na. Ki wozeligi gi nyɛ ncan Zyefubèle má Kolocɔlɔɔ da wi nyɔɔsyɛɛnri kàlifáa.

Wɔrɔmi ye 9:26

Alí tɛ́ɛgee ni wi gi joo lè níì jo: ‹Yele o nyɛ mii syɛ̀ɛnnɛ í,› tɛ́ɛgi bee wonijanga ni pe a ra be yiri Kolocɔlɔɔ woweew jàala.»

1 Korɛnti ye 10:32

Yele a kɔ́ pye syɔɔnwaa na sábabu wí kálagi í, Zyefubèle yoo, Girɛkibèle yoo, Kolocɔlɔɔ Egiliziw yoo.

1 Korɛnti ye 3:16

Yele ga tɔ̀ʔɔ̂ gi cán ncan yele i nyɛ Kolocɔlɔɔ kpɔ̀ʔɔrɔli kpaʔa ì? Ní wɔ́ɔ̀ gi cán ncan Kolocɔlɔɔ Pǐli n tɛ́ɛn yele fúnyi ni ì?

2 Korɛnti ye 3:3

Ki n tɔ̀nɔ n fílige ncan yele i nyɛ Kirisi sɛ́bɛw, wee wi sɛ́bɛ lè wolo fáliw báriga ni, wi ga wi sɛ́bɛ ní sɛ́bɛkaanna ní í, fwɔɔ ní Kolocɔlɔɔ woweew Pìle ní. Wi ga wɔ́ɔ̀ wi sɛ́bɛ kàdɛnɛyɛ kàlagorigēle na í, fwɔɔ syɔɔn fúngi kàlagolo na wi wi sɛ́bɛ.

2 Korɛnti ye 6:16

Mɛ̀ɛ́ Kolocɔlɔɔ kpɔ̀ʔɔrɔli kpaʔa ní yasunyi a gbǎn pínɛ bi sɛ́ɛ? Níì cán wolo i nyɛ Kolocɔlɔɔ woweew kpɔ̀ʔɔrɔlɔ kpaʔa, àmɛɛ Kolocɔlɔɔ gi joo lè níì jo: «Mii a tɛ́ɛn be níngi ni, sáā nyaari ní be ní. Mii a pye be Kolocɔlɔw, poro si pye mii syɛ́ɛnbèle.»

2 Korɛnti ye 6:7

ní kányɛɛgi syɛ́ɛnrɛ, ní Kolocɔlɔɔ séew báriga ni n fàra sínni kapɛɛnkpumɔn-yárira na dee ní wolo kapɛɛnni kpúmɔn ni woyɛɛ zyoo nigoobèle ma lè.

Galasi ye 2:9

Zyaki, ní Sefasi, ní Zyan be nyɛ lè mɔ a jo kpaʔa tiipɔɔlɔ bɛɛ, lǎli ni pe gi cán lè ncan Kolocɔlɔɔ wi kpɔ́ʔɔri kaan mii ma, a be be kàliige kɔ́yi le wolo ma, mii ní Barinabasi ní, a koro pye fɛ̀ɛ n wolo pínɛnyɛnnɛgi tɛ̀ɛn, níì jo wolo í da syée syɛɛnfeleyi ma, poro sáā syée kɛ́nɛw fɔ̀ɔlɔ ma.

Galasi ye 3:1

Ee, Galasi ye, yele n labala n tóro! Wìí wi yele fáana n pùuni nya? Bi gi taa wolo maa Zyezu Kirisi kéeli fílige n tɛ̀ɛn yele na, mɔ a jo pe n wi kóri tiiparigi na yele nyɛ́nɛ na.

Efɛzi ye 4:21

Kapye yele n Zyezu syɛ́ɛnri lóʔo kányɛʔɛ ni, á wi yele tama n yɛlɛ ní kányɛɛgi ní ki nyɛ lè woro ni,

Làlwaw Kaanziin 31:23

A Yawe syɛ́ɛnri naa joo n gbàn Nun jáaw Zyozuwe ma níì jo: «Nìrimɛ le mí lòmaana le, níì cán táree kéele na mii kàli Isirayɛli ye ma níì jo mii a di kaan be ma lè, mɔ wi a be lége di ni. Mii tiimaa si a pye ní mɔ ní.»

Làlwaw Kaanziin 5:26

Níì cán syɔɔnwìí wi kɔ́ɔ̀ Kolocɔlɔɔ Woweew yákpolo lóʔo àmɛɛ wolo nyɛ lè a wi i nyuu naà nínge ni, ní sèʔê kòro sìi na?

Kɔlɔsi ye 1:5

Gee bee n taa yele sɔ̀ngumi tɛɛtaʔaga báriga ni, gee gi nyɛ lè wogɔngɔ ní yele ma nyɛ̀ʔɛni na, kányɛɛgi syɛ́ɛnrɛ ti lè Syɛɛnjóocǎnri, toro di baa sɔ̀ngumi bee tɛɛtaʔaga tɛ̀ɛn yele na lǎli ni yele sélì di lóʔo lè.

1 Tesaloniki ye 1:9

Pe tiimaa i gi nyuu àmɛɛ yele da fɔ̀lɔ wolo na lè, ní àmɛɛ yele yasunyi yaʔa lè níì kàri Kolocɔlɔɔ ma ni Kolocɔlɔɔ woweew fáli kpéʔele, wi lè Kolocɔlɔɔ wodelew,

1 Timɔte 3:14

Mii i syɛ́ɛnri naa sɛ́bɛ bi tórigo mɔ ma ní i sɔ̀ngí cɛɛri ga pye mii í kári yaà mɔ ma.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

1 Timɔte 3:2

Gee bee na yɛɛ̀kinio n yɛlɛ wi pye dìgire fun, si pye cɔlɔɔ nibin fɔ́lɔ, wí wiyɛɛ cǒmi cán, si wɔ́ɔ pye yákirifɔlɔ, wi kérigèle myɛ n yɛlɛ ge sín, wí wɔ́ɔ pye nibɔnbèle tìrigefɔlɔ, si gbàn syɛ́ɛnbèle tamana na,

1 Timɔte 3:5

Syɔɔn ga pye wi ga gbàn ni wi tiimaa kpáagi kàragí í, mɛ̀ɛ́ wi a gbǎn ra Kolocɔlɔɔ Egiliziw kpáa wéle bi sɛ́ɛ?

1 Timɔte 4:10

Kolocɔlɔɔ woweew wi nyɛ wolo sɔ̀ngumi tɛɛtaʔaga, woro wee wi nyɛ lè syɛ́ɛnbèle myɛ syɔɔfɔlɔ n náa kɔ́ɔ̀ yére tágafɔbèle na, gee bee na wolo báara ní i kapɛɛnni kpúmɔn.

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

2 Timɔte 2:19

Koro ní ki myɛ ní kàpɔɔnwee Kolocɔlɔɔ sámaga n le lè, wee bee sèʔé i yaà. Pe n fɛ̀ɛ taʔa wi na. Fɛ̀ɛ́w bee syɛ́ɛnrɛ n jo: «Kàfɔw n wi wóbèle cán,» ní níì jo: «Syɔɔn o syɔɔn wi Kàfɔw mɛ́ʔɛ yiri lè, ki n yɛlɛ wee bee í láʔa kakolobyeri na.»

2 Timɔte 2:20

Tɛ́ɛw ní wálifiiw yaleye yagana ban yi kòró fànʔafɔ-gbaʔa ni í, kàjáa cóori ní tíiri yaleye wɔ́ɔ i yaà. Pe n yàa tɛ́ʔɛ falicanw kánma na, ní wɔ́ɔ̀ yàa tɛ́ʔɛ falipeew kánma na.

Heburubèle 10:21

Wi i nyɛ wolo ma sáriga-wòlobèle kàfɔgbɔɔɔ Kolocɔlɔɔ kpáagi ni.

Heburubèle 12:22

Kàjáa yele n nùuni Siyɔn nyanbelegi, ní Kolocɔlɔɔ woweew kèkpɔʔɔ na ki lè Zyerusalɛmi, gee gi nyɛ lè nyɛ̀ʔɛni ni, ní nyɛ̀ʔɛni tundunnɛʔɛmɛ na.

Heburubèle 3:12

Yaa kɔ̀rɔsíi, ni senyɛ̀nnɛ, koro ga pye sìndagali sɔ̀ngubeere a kɔ́ jée yele wàa faala ni bi wi láʔa Kolocɔlɔɔ woweew na í.

Heburubèle 9:14

ànbée Kirisi sìsyaanw a wɔ́ɔ gbǎn tɔ̀nɔ fun kapyegèle jée yirige wolo fúnyi ni bi sɔ̀lɔ, jàngó wolo í da Kolocɔlɔɔ woweew fáli kpéʔele, wi n wiyɛɛ gaan Kolocɔlɔɔ ma tɛɛlɛ fun sáriga, bàngwɔɔ Pìicǎnni báriga ni!

Zyozuwe 3:10

A Zyozuwe jo: «Gee naa a gi tɛ̀ɛn yele na yele í gi cán bi cán Kolocɔlɔɔ woweew i nyɛ yele níngi ni, si wɔ́ɔ gi cán bi cán wi a tɔ̀nɔ́ syɛ́ɛnbèle naa nɛnɛ yele yɛ́ʔɛ ma, poro bele be nyɛ lè Kanaan ye, ní Hɛti ye, ní Hɛvi ye, ní Perezi ye, ní Giirigasi ye, ní Amɔri ye, n fàra Yebusi ye na.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.

1 Pyɛri 4:17

Níì cán lǎli n nan, lee ni kútiiw a séli lè Kolocɔlɔɔ kpáagi* wòolo na. Wi si ga séli wolo na, mɛ̀ɛ́ si Kolocɔlɔɔ Syɛɛnjóocǎnri céefɔɔlɔ kwɔ́ɔganma a ba pye bi sɛ́ɛ?

Tɛ̀ɛnnɛ 7:2

A mii nyɛ̀ʔɛni tundunwaa nikwɔɔ nyaa, a wi yìri canʔafolomɔ ma ni maa ní Kolocɔlɔɔ woweew fɛ̀ɛ ní. A wi yákpogbɔɔlɔ wáa nyɛ̀ʔɛni tundunbéle sicɛrɛ ma, poro bele má pe da fànʔa kaan lè n jo be tári ní sólomi lɔ̀ʔɔ kálagi.

1 Samyɛli 17:26

A Davidi gi joo nǎnbèle ma be pye wi taana lè níì jo: «Wàa ga Filisitini ye wów naa kpóo, níì faʔari láʔa dee di wáa Isirayɛli na lè, nyàʔá pe a pye wi ma? Filisitini ye sìngɛ́nɛw naa wi nyɛ wìí, ní si i Kolocɔlɔɔ woweew kapɛɛnkpumɔnbéle kabiya faari?»

1 Samyɛli 17:36

Kánmi bee na mɔ falipyew càaraw ní ursiw kpúmɔn n kpóo, ànbée ki a kpéʔele Filisitini ye sìngɛ́nɛw bee na. Níì cán wi n Kolocɔlɔɔ woweew kapɛɛnkpumɔnbéle kabiya faʔa.»