1 Timɔte 3:11 - Cebaara Bible 2010

¹¹ Kánmi bee na cébèle wɔ́ɔ̀ yɛlɛ paa síngi paa táanri, ki ga yɛlɛ be pye mɛ́ɛkalagibéle í, fwɔɔ be peyɛɛ cǒmi cán, si pye tágala syɛɛnnɛ kérigèle myɛ ni.

1 Timɔte 3:11 Iomraidhean Croise

Ŋúnuyi 101:5

Wee wi wi syɛɛnnyɛnw mɛ́ʔɛ kálagi lè làrama ni, mii a wee bee nyɔ́ɔ tɔ́n. Syɔ́ɔnwee wi wi yɛ́ɛgi yìrige n taʔa lè, á kpɔ́ɔmi wi nyìn, mii a tée wee bee kéele kpàraco í.

Ŋúnuyi 15:3

Wi o syɔɔnwaa mɛ́ʔɛ kálagi ní wi nyínni ní í, wi o kapeʔe kpéʔele wi syɛɛnnyɛnnɛ na í, wi wɔ́ɔ o wi syɛɛnnyɛnnɛ mɛ́ʔɛ kálagi í.

Ŋúnuyi 50:20

Mɔ i tɛ̀ɛ́n, ní i mɔ senyɛnw cínɛ ní syɛ́ɛnri ní, mɔ i mɔ laayirinyɛnw mɛ́ʔɛ kálagi.

Kàseegèle 10:18

Wee wi paragi làragí lè, wi nyɔɔwari i jànvaaw jáari, ní wee wi mɛ́ɛkalagiri kpéʔele ni máari lè nilabalaɔ wii.

Kàseegèle 25:13

Amɛɛ lànɛɛzyiw káfalanyinnɛ nyɛ yaliilaa-lǎli ni lè, tundunwee wi nyɛ lè tágala syɔ́ɔn, ànbée woro nyɛ wi tunvɔbèle ma, wi i wi kàfɔw fúngo nyíngi.

Zyeremii 9:4

Pe i peyɛɛ jànváa, pe o kányɛʔɛ nyuu í, pe i be nyíngèle tɛ̀ɛ́ jànvaaw joolo na, pe i peyɛɛ vɔ̀rɔgí kakoloyi pyele na.

Ezekyɛli 44:22

Wi a kɔ́ lɔgucaa láa wi cɔɔ̀ í, wàlá wee nàɔn wi wi yaʔa lè í, kàjáa wi a Isirayɛli kpáagi yòdaʔaya nàngeele sinján pìcaawaa pɔri, wàlá lɔgucewaa, wee nàɔn wi da pye lè sáriga-wòlowaa.

Levii ye sáriga-wòlori 21:7

Pe wàa ga yɛlɛ bi nànjaacɔɔ̀ wàlá cewaa pɔri, wee be kálagi lè í wàlá cewaa, wee nàɔn wi wi yaʔa lè í. Níì cán sáriga-wòloo i nyɛ syɛɛncaɔn wi Kolocɔlɔw ma.

Matye 4:1

Koro kàdoʔo ma a Pìicǎnni Zyezu tórigo fìími tára ni, jàngó Dàzɔɔnw í sa wi kárima bi wéle.

Zyan 6:70

A Zyezu be yari: «Mii tiimaa ban wi yele kɛɛ ní siinw nyɛ́nɛ n wòlo ì, bi gi taa wàa nibin i nyɛ yele ni dɛ̀ɛɔ?»

Wɔrɔmi ye 1:29

Kakolobyeri, ní kapeebyeri, ní fungboloyi, ní funbeeyi, n fàra nyabɛɛnni, ní syɛɛnkpoori, ní kàsiiw, ní fáanagi, ní zɔ̀nbeew na, kérigèle bee féleye myɛ be kpéʔele lè, gele bee ge be fúnyi nyìn. Pe wɔ́ɔ i nyɛ lóʔonjoobéle,

1 Timɔte 1:12

Mii i bariga kaangi wolo Kàfɔw Kirisi Zyezu ma, woro wee wi fǎngi kaangi mii ma lè níì mii córo tágala syɔ́ɔn, níì mii lége wi fáliw ni,

1 Timɔte 3:2

Gee bee na yɛɛ̀kinio n yɛlɛ wi pye dìgire fun, si pye cɔlɔɔ nibin fɔ́lɔ, wí wiyɛɛ cǒmi cán, si wɔ́ɔ pye yákirifɔlɔ, wi kérigèle myɛ n yɛlɛ ge sín, wí wɔ́ɔ pye nibɔnbèle tìrigefɔlɔ, si gbàn syɛ́ɛnbèle tamana na,

1 Timɔte 6:2

Bele kàfɔɔlɔ be nyɛ lè tágafɔɔlɔ, ki ga yɛlɛ paa be faari si pwɔɔ pe i nyɛ senyɛnnɛgɛ í, kàjáa ki n yɛlɛ paa báara be ma gbanʔama, níì cán be tágafɔnyɛ̀nnɛ, ní be senyɛn-nidaanmabéle má be falicanw bee kpéʔele. Da be tama kérigèle bee ni, máā be kɛɛlɛ.

2 Timɔte 3:3

ní tàmaga-fùnvɔɔlɔ, ní kayaakɔnbéle, ní mɛ́ɛkalagi-syɛ̀ɛnnɛ, pe si a gbǎn ra peyɛɛ có í, si pye nyinimɛ-fùnvɔɔlɔ, ní kacànnadeebéle,

2 Timɔte 4:5

Mɔ si na, ki n yɛlɛ mɔ í miyɛɛ cǒmi cán kérigèle myɛ ni, mí wɔʔɔgi kpàraco, fáliwee kanyaajooo yɛlɛ waa kpéʔele lè, da wee bee kpéʔele, máā mɔ fáliw kpéʔele mi foro.

Tiiti 2:3

Mí wɔ́ɔ gi joo kàcelɛɛbèle ma paa táanri Kolocɔlɔɔ yɛ́ɛgi fyáara na, ki ga yɛlɛ be pye mɛ́ɛkalagibéle í, koro ga jáa be pye sínmi púlobéle í. Ki n yɛlɛ paa cepiibèle tama kacǎngèle ni,

Tiiti 3:2

ki ga yɛlɛ pe kɔ́ wàa faala mɛ́ʔɛ kálagi í, koro ga jáa bi kàsii kúun wàa ma í, ki n yɛlɛ be pye fûnnyingefɔɔlɔ sáā màama kpéʔele syɛ́ɛnbèle myɛ ma kányɛʔɛ ni.

1 Pyɛri 5:8

Ki n yɛlɛ ye yeyɛɛ cǒmi cán, yé kòro nyɛ̀nɛ na! Níì cán yele kàsiitun-nyɛ́nw wi lè Dàzɔɔnw, wi i nyaari ni máari àmɛɛ càaraɔ nyɛ, wee wi kaana lè, syɔ́ɔnwee wi a taa káa lè, wee bee wi caa.