1 Timɔte 3:1 - Cebaara Bible 2010

¹ Syɛ́ɛnri naa i nyɛ kányɛʔɛ syɛ́ɛnrɛ àmɛɛ di joo lè syɔɔnwaa ga ni caa bi pye yɛɛ̀kinio, wi i falicaɔn caa.

1 Timɔte 3:1 Iomraidhean Croise

Kàseegèle 11:30

Syɛɛnsinw yasanga i nyɛ sìi tíige, síciliw si i fúnyi taagi ni có.

Luki 15:10

Mii a gi joo yele ma, kánmi bee na gi wɔ́ɔ i nyɛ kapye kapeebyeo nibin n kàdoʔo wáa wi kapeegèle ma, fundaanra a pye Kolocɔlɔɔ tundunbèle ma nyɛ̀ʔɛni na.»

Kapyegèle 1:20

Ki maa sɛ́bɛ Ŋúnuyi Sɛ́bɛ ni níì jo: ‹Ki n yɛlɛ wi kàcooli í kàri gurubɛɛrɛ. Ki ga yɛlɛ wàa faala í ní kòro li ni í.› ní níì jo: ‹Fáliwee pe da kàlifáa wi ma lè, Ki n yɛlɛ wàa nikwɔɔ í wi láa.›

Kapyegèle 20:28

Yaa yeyɛɛ kɔ̀rɔsíi, ye wɔ́ɔ yaa bǎbèle myɛ kɔ̀rɔsíi, bele yɛ́ʔɛ na Pìicǎnni yele kínige lè, jàngó yele í pye Kolocɔlɔɔ Egiliziw nàʔafɔɔlɔ, wee wi syɔɔ lè wi tiimaa sìsyaanw báriga ni.

Wɔrɔmi ye 11:13

Tɔ́ɔliw ni mii a joo yele syɛɛnfeleyi wozanya ma, níì cán àmɛɛ mii nyɛ lè pìituɔn syɛɛnfeleyi wozanya ma, mii i mii fáliw bee kéele kpɔ́ʔɔgi,

Efɛzi ye 4:12

Wi n koro kpéʔele jàngó bi Kolocɔlɔɔ syɛɛncanbèle nyɔɔ bi foro, koro ga pye poro í da Kolocɔlɔɔ fáliw kpéʔele, kàa sáā taari Kirisi céri na,

Filipikaʔa ye 1:1

Mii Pɔli ní Timɔte wo nyɛ lè Kirisi Zyezu púlobèle, wolo a sɛ́bɛw naa tórigo yele ma, yele bele myɛ ye nyɛ lè Kolocɔlɔɔ syɛɛncanbèle Kirisi Zyezu ni, Filipikaʔa ni n fàra yele yɛɛ̀kinibèle ní yele dyakiribèle na.

1 Tesaloniki ye 5:14

Ni senyɛ̀nnɛ, wolo i yele nyɛ́ɛri níì jo, yaa sàlagafɔbèle sàmí, yáā fyáarafɔbèle zɔ̀nbēle nìrí, yé wɔ́ɔ yaa fànʔa-fùnvɔbèle tɔʔɔlɔ, yáā syɛ́ɛnbèle myɛ kpàracó.

1 Timɔte 1:15

Syɛ́ɛnri naa mii a joo lè ti i nyɛ kányɛʔɛ syɛ́ɛnrɛ, syɛ́ɛnbèle myɛ n yɛlɛ pe di cò, toro di nyɛ Kirisi Zyezu n pan dulunyanw ni bi ba kapeebyebèle syɔɔ, mii si wi nyɛ pe myɛ yɛ́ʔɛ na kapeebyeri ni.

1 Timɔte 4:9

Syɛ́ɛnri naa mii a joo lè di i nyɛ kányɛʔɛ, ti myɛ n yɛlɛ pe di cò, toro di nyɛ:

2 Timɔte 2:11

Syɛ́ɛnri naa mii a joo lè, ti i nyɛ kányɛʔɛ, àmɛɛ gi jo lè: «Kapye wolo n pínɛ n kùu ní wi ní, wolo a wɔ́ɔ pínɛ pye ní wi ní sìi na.

Tiiti 1:7

Níì cán àmɛɛ yɛɛ̀kiniw nyɛ lè Kolocɔlɔɔ fáliw kacɔɔnriɔ, fwɔɔ wi pye kajoolo fun, ki ga yɛlɛ wi pye nyùnwaʔafɔlɔ í, wàlá wi fúngi í tanʔama dɛ́nɛ í, wàlá wi wiyɛɛ gaan sínmi ma í, wàlá wi pye kàsiikuuɔn í, wàlá wi pye tɔ̀nɔpeew caafɔlɔ í.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 12:15

Ki n yɛlɛ yaa kɔ̀rɔsíi koro ga pye syɔɔnwaa faala a kɔ́ kólogo Kolocɔlɔɔ kpɔ́ʔɔri kurugo í. Ye wɔ́ɔ yaa kɔ̀rɔsíi koro ga pye yasanzorodo tíige a kɔ́ fìin yele níngi ni bi yele fúnyi curugo si wɔ́ɔ yele saamaw nɔ́nʔɔ í.

1 Pyɛri 2:25

Níì cán yele maa ni curugu ni máari àmɛɛ bàala nyɛ lè, kàjáa tɔ́ɔliw ni yele n lúru n pan yele pìígèle Nàʔafɔlɔ, ní ge Kɔ̀rɔsiifɔw ma.

1 Pyɛri 4:15

Kapye yele wàa faala i wɔʔɔ, ki ga yɛlɛ ki kɔ pye mɔ a jo syɛɛnkpóō wi nyɛ í, wàlá kàyuuo, wàlá kakolobyeo, wàlá wee wi wi nyɔ́ɔgi nii wi syɛɛnnyɛnbèle kèlē ni lè í.

1 Pyɛri 5:2

Kolocɔlɔɔ bàtogi gi nyɛ yele níngi ni lè, yaa gee bee nàʔá. Ki si ga yɛlɛ gi pye mɔ a jo a be yele kpɛ̀ɛn wii í, fwɔɔ ki yiri yele tiimaa fúnyi ni n yɛlɛ ní Kolocɔlɔɔ nyɛ́nɛ kéeli ní. Ki ga wɔ́ɔ̀ yɛlɛ gi pye wálicaari kéele na í, fwɔɔ gi pye kínidɛnɛgi kéele na.