1 Timɔte 2:9 - Cebaara Bible 2010

⁹ Kánmi bee na cébèle wɔ́ɔ̀ yɛlɛ paa peyɛɛ vèré ní fànibèle ní kɔ̀rɔsíi na, sáā gee bee kpéʔele ní fɛ̀ɛrɛ, ní màama ní, pe a kɔ́ ra peyɛɛ vèré ní nyùnbwɔɔfeleraa ní í, wàlá tɛ́ɛw lele yoo, lɔgbanri kɔ́nɔtiriye yoo, lɔgbanri fànibēle yoo,

1 Timɔte 2:9 Iomraidhean Croise

Sélimɛ 24:53

A falipyew wálifiio yárira, ní tɛɛ̀ yárira wòlo n kaan Erebeka ma, n fàra buroyo na, ní wɔ́ɔ̀ lɔgbanra yáriraa kaan Erebeka senyɛnw ní wi nɔ́ɔw ma.

2 Fànʔafɔbèle 9:30

A Zyehu baa jée Zyizireyɛli ni. A Zyezabɛli ga gi lóʔo, a wi káli le wi nyapiigèle ni níì wi nyúngi fère, níì kòro yaà ǹjogi ni, ní i wéle fɛ̀nɛtiriw na.

Ɛsitɛri 5:1

A ki ga pye candaanri wógi na, a Ɛsitɛri wi fànʔafɔ-búroyi le n sáà jée n yére fànʔafɔ-gbaagi fungoma kàcoolo ni fànʔafɔ-gbaagi yɛ́ʔɛ ma. Fànʔafɔw si i nyɛ wodɛ́ɛɔn ní wi fǎngi fàngolo na fànʔafɔ-gbaagi ni, kpaaweeli zìnmɛ na.

Ŋúnuyi 149:4

Níì cán Yawe fundaanri yáriga gi nyɛ wi syɛ́ɛnbèle, wi i màabyebèle fèré ní syɔɔli ní.

Kàseegèle 31:22

Wi i wi làgoyi sámagi, lɛn fàni fɛ́ɛlɛfɛɛlɛɔ, ní wonyɛɛn-súruo yalere i nyɛ wi ma.

Kàseegèle 31:25

Fǎngi ní kpɔ́ʔɔri i nyɛ wi na yalere, wi i nyɛ̀ʔɛnaw tɛ́ʔɛ.

Kàseegèle 7:10

Wéle, a cewaa baa wi fàra, níì kanɔnʔɔbyecɔɔ̀ yalere le, gbánama si i nyɛ wi fúngi ni.

Ezayi 3:16

Yawe n jo: «Amɛɛ Siyɔn calipiigèle keyɛɛ nyɛ́nɛ lè, níì nyùngbaabèle kpee ní i táanri, ke nyapiigèle si i syɔɔn lɛ́ɛlɛ, ke si i táanri yéw, yéw, ní i ge tɔ́lɔyi kajingéle tìngí,

Ezayi 61:4

Pe a ní faan gurubɛɛlɛɛyi na, pe a ní booma kpaatooyi yìrige, pe a ní kèye faan, yee yi da jaa lè, yee yi da kòro lè kataya a gi yìrigēle saʔa kwɔ́ɔ.

Zyeremii 2:32

A pìcaa i fɛ̀ʔɛ́ lé wi fèreri yárira na, pìcaaw nìgɔcariɔ cò lè, wi fɛ̀ʔɛ lé wi fèreri na? A mii syɛ́ɛnbèle si fɛ̀ʔɛ mii na, nlaa yaà córomɔ fun canya ni.

Zyeremii 4:30

A mɔ, wogalagiɔ, nyàʔá mɔ a kpéʔele? Alí mɔ ga fàninyɛɛn-súruo le, àlí mɔ ga miyɛɛ vère ní tɛɛ̀ fèrere yárira ní, níì káliw taʔa mɔ nyapiigèle na, mɔ a miyɛɛ zámaga bi nyɔɔ gbanzan. Nǎnbèle bele mɔ kéeli da dɛ́nɛ lè, pe i mɔ faari, mɔ siikwɔɔri be caa.

Matye 11:8

Ba nyàʔá yele da kári sa wéle? Nànwaa lé yele da kári sa wéle, wee wi fànicàɔn le lè? Wéle, bele be fànicǎnw nii lè, bele bee i nyɛ fànʔafɔbèle kpaaya ni.

1 Timɔte 2:10

fwɔɔ kacànbyeri di yɛlɛ bi pye be fèredi, gee bee gi yɛlɛ cébèle í da kpéʔele, poro bele be jo lè pe i fɛ̀ɛgí Kolocɔlɔɔ na.