1 Timɔte 2:8 - Cebaara Bible 2010

⁸ Koro na mii caa nǎnbèle í da Kolocɔlɔɔ nyɛ́ɛri tɛ́ɛyi myɛ ni, páā fɔɔnrɔ fun kɔ́yi yìrigí fundanʔara, ní kàkabalaga fun.

1 Timɔte 2:8 Iomraidhean Croise

1 Fànʔafɔbèle 3:11

A Kolocɔlɔɔ wi pye: «Amɛɛ mɔ gee bee nyɛ́ɛri lè, mɔ ga nyɛ́ɛri sìinɛʔɛɔ, wàlá lɔnɛʔɛrɛ taala kéele na í, mɔ ga wɔ́ɔ̀ nyɛ́ɛri jàngó mɔ nigoobèle í kùu í, fwɔɔ a mɔ sícilimi nyɛ́ɛri koro ga pye mɔ í da kútiiw nyuu kányɛɛgi na,

Zyɔbi 16:17

Bi gi taa peemɛ ga nyaa mii kɔ́yi na í, a mii nyɛ́ɛrigi pye làla o làla fɔɔnrɔ fun.

Ŋúnuyi 134:2

Ye yele kɔ́yi yìrige ye wáa tɛɛcǎngi kàbaan na, yaa Yawe kpɔ̀ʔɔrɔ́!

Ŋúnuyi 141:2

Ki n yɛlɛ mii nyɛ́ɛrigi í da lúru mɔ yɛ́ɛgi ma àmɛɛ nùndaanni yasorigogo nyɛ lè, mii kɔ́yi yìrigele í pye àmɛɛ cângwɔɔgi nyɔ́ɔ sáriga nyɛ lè!

Ŋúnuyi 24:4

Wee kɔ́yɔ yi lè yi ga nɔ́nʔɔ í, a wi fúngi fílige, wi si ga wɔ́ɔ̀ wi sɔ̀ngumi taʔa nyùngo fun yáriri na í, wi si wɔ́ɔ o kɛ̀ɛ́ jànvaa kéele na í.

Ŋúnuyi 26:6

Mii tɛɛlɛfunmɔtɔw i mii kɔ́yi jé, mii a ra mɔ sáriga-wòlo-yafaangi máari, ee Yawe!

Ŋúnuyi 28:2

Mii ga ni yákpoli wáa mɔ kurugo, níì mii kɔ́yi yìrige n wáa mɔ kpɔʔɔrɔli tɛɛcànga ma lǎli ni lè, ki n yɛlɛ mi mii nyɛ́ɛrigboloyi yákpolo lóʔo.

Ŋúnuyi 35:13

Lǎli ni si pe da pye lè pe ga cólogo í, mii maa gɔ̀nvaʔaga le burogo, mii maa ni mii fúngi wɔʔɔ ní súnleri ní, á mii nyɛ́ɛrigi kòro ni lúrugu ni maa mii ni.

Ŋúnuyi 63:4

Mɔ funjǎngi n sɔ̀lɔ sìíw na, mii nyɔɔwari a ra mɔ kpɔ̀ʔɔrɔ́.

Ŋúnuyi 66:18

Mii ga maa sìnzinmɛ yaʔa mii fúngi ni, Kàfɔw mǎà dée lóʔo mii ma í.

Kàseegèle 15:8

Syɛɛnpeebèle sáriga i nyɛ yanɔnʔɔgɔ Yawe ma, kàjáa syɛɛnsinbèle nyɛ́ɛrigɛ n wi dɛ́nɛ.

Kàseegèle 21:27

Syɛɛnpeebèle sáriga i nyɛ yanɔnʔɔgɔ. Pe ga náà wi wòlo ní sɔ̀ngubeere ní, a koro si tóro.

Ezayi 1:15

Yele ga yele kɔ́yi sánʔa lǎlee ni lè, mii n mii nyapiigèle yirige yele ni. Alí yele ga yele nyɛ́ɛriyi nɛʔɛ, mii o yi lúro í. Yele kɔ́yi n nyìn sìsyaanw na.

Matye 21:21

A Zyezu be yari: «Mii a gi joo yele ma kányɛʔɛ ni, yele ga tága kàkabalaga fun, gee mii kpéʔele děsyaantiigi naa na lè, gee bee félege yagana ban yele a kpéʔele í, kàjáa àlí yele ga nyanbelegi naa pye: ‹Yìri nɛɛ naa, mi sa too lòkpɔɔgi ni,› ki a foro.

Matye 5:44

Mii si a gi joo yele ma si yele pye, ye yele nigoobèle kéele yaʔa li yele dɛ́nɛ, yáā nyɛ́ɛri yele wɔʔɔfɔbèle kéele na.

Matye 6:12

Mi wolo kapeegèle kùsulugo syɔɔ àmɛɛ wolo bele wòʔolo syoo lè.

Luki 23:34

A Zyezu jo: «Abaa, mi be kapeegèle kùsulugo syɔɔ, níì cán gee be kpéʔele lè pe ga gi cán wii í.» A be gɔ̌nw wáa wi yaleri kéele na n di tíla peyɛɛ na.

Luki 24:50

A wi be kɔ́ri n yiri kěgi ni ni syée ní be ní fwɔɔ n sáà nùuni Betanii na, ní sáà wi kɔ́yi yìrige níì dùbaw kpéʔele be ma.

Zyan 4:21

A Zyezu wi pye: «Cɔlɔɔ, gee mii a joo mɔ ma lè, ki n yɛlɛ mi tága gi na, làlaa i maa lee ni yele a ba ra Tofɔw kpɔ̀ʔɔrɔ́ lè, ki si a ní pye nyanbelegi naa na í, wàlá Zyerusalɛmi ni í.

Kapyegèle 10:2

Nǎnw bee maa ni Kolocɔlɔɔ kpɔ̀ʔɔrɔ́ ní wi kpáagi wòolo myɛ ní, ní i fɛ̀ɛgí Kolocɔlɔɔ na, ní wɔ́ɔ i foomɔfɔbèle dɛ̀ɛmɛ́ làrigēle saʔa ni, ní i nyɛ́ɛri Kolocɔlɔɔ ma làla o làla.

Kapyegèle 10:31

A wi mii yari: ‹Kɔrɔnɛ, Kolocɔlɔɔ n mɔ nyɛ́ɛrigi lóʔo ní wɔ́ɔ̀ sɔ̀ngi n taa ní mɔ kpɔ́ʔɔri ní.

Kapyegèle 10:4

Amɛɛ fyáari Kɔrɔnɛ cò lè gbanʔama, a wi nyapiigèle le wi ni ni wéle níì wi pye: «Kàfɔw, mɛ̀ɛ́ gi nyɛ?» A tundunw wi yari: «Mɔ nyɛ́ɛrigi, ní mɔ kpɔ́ʔɔri myɛ n lúgu n nan Kolocɔlɔɔ na, a wi i sɔ̀ngí ni taagi ní di ní.

Kapyegèle 21:5

Cányi bee kwɔ́ɔlɔ kadoʔo ma, a wolo kólogi láa ni syée, a pe myɛ sáà wolo tórigo, poro, ní be cébèle, ní be pìíbèle n yiri kěgi kàdoʔo ma. A wo kpùmɔnɔ nɛɛ bee lǒgi kàgomɔ na níì Kolocɔlɔɔ nyɛ́ɛri.

Kapyegèle 7:60

A wi kɔ́ɔ̀ kpùmɔnɔ níì yákpogbɔɔlɔ wáa níì jo: «Ni Kàfɔlɔ, ki ga yɛlɛ mɔ í kapeeli naa fwɔ́ɔlɔ tɔ́n be ma í.» A wi ga syɛ́ɛnri bee joo n kwɔ́ɔ, a wi fala n ŋúnɔ.

1 Korɛnti ye 1:2

wolo a sɛ́bɛw naa tórigo yele ma ye nyɛ lè Kolocɔlɔɔ Egiliziw Korɛnti ni, yele bele Kolocɔlɔɔ nyɛ́nɛ n wòlo lè jàngó yele í pye wi syɛɛncanbéle Kirisi Zyezu ni n fàra bele na be nyɛ lè tɛ́ɛyi myɛ ni ni nyɛ́ɛri Kolocɔlɔɔ ma Zyezu Kirisi mɛ́ɛgi na, wi lè wolo ní poro myɛ Kàfɔw.

1 Korɛnti ye 7:7

Mii maa ni caa syɛ́ɛnbèle myɛ í pye àmɛɛ mii nyɛ lè. Koro ní ki myɛ ní Kolocɔlɔɔ n fǎngi kaan syɛ́ɛnbèle ma feleye feleye, wi n kàa félege kaan wàa ma, níì kàa félege kaan wàa nikwɔɔ ma.

2 Korɛnti ye 2:14

Wolo i bariga kaangi Kolocɔlɔɔ ma, woro wee wi wolo kaan a wolo i fànʔa taagi lè kérigèle na làrigèle myɛ ni àmɛɛ wolo nyɛ lè Kirisi ni, ní i wolo téeri ni wi cánni nùngo caragi tɛ́ɛyi myɛ ni.

Filipikaʔa ye 1:12

Ni senyɛ̀nnɛ, mii i caa yele í gi cán bi cán kérigèle gele ge kpéʔele mii na lè, gele bee n gi kaan a Syɛɛnjóocǎnri kári yɛʔɛ ma n sɔ̀lɔ.

1 Tesaloniki ye 1:8

Níì cán yele ye pye sábabu á Kàfɔw syɛ́ɛnrɛ nan Maseduwani ní Akayi tári na, nɛɛ bee yagana si ban í, ti n nan tɛ́ɛyi myɛ na, àmɛɛ yele tága Kolocɔlɔɔ na lè, kéeli bee n wɔ́ɔ̀ nan tɛ́ɛyi myɛ na, koro na ki o nyɛ ŋàʔanaga kéele wolo í ní yarigaa joo í.

1 Timɔte 5:14

Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

Heburubèle 10:22

Ki n yɛlɛ wolo í nùuni Kolocɔlɔɔ na ní funjànya ní, bi fàra tágala na, lee li sámaga n kpɔ́ʔɔ lè, wo nùuni wi na ní fúnyi ní, yee Kàfɔw nyari nyari ní wi sìsyaanw ní lè n sɔ̀ngubeeri yirige yi ni, ní céri ní be jée n mùnu ní lòcànga ní lè.

Zyaki 4:8

Ki n yɛlɛ ye nùuni Kolocɔlɔɔ na, wi a wɔ́ɔ nùuni yele na. Yele bele ye nyɛ lè kapeebyebèle, ye yele kɔ́yi jée ye yirige yele kapeegèle ni, yele bele ye nyɛ lè fúnyi siin-ziin fɔɔlɔ, ye yele fúnyi sámaga yi pye funviiye.

1 Pyɛri 3:7

Kánmi bee na, yele nǎnbèle, yaa yele cébèle náari ní sícilimɛ ní, yé gi cán pe céri báriga n cɛ́rɛ yele wów na. Ki n yɛlɛ yaa be kpɔ́ʔɔgi, koro ga pye yafyɛn a kɔ́ yele nyɛ́ɛriyi yérige í, kpɔ́ʔɔri ti sìíw kaangi lè, pe wɔ́ɔ i nyɛ ní yele ní ti kɔriliinyɛ̀nnɛ.