1 Timɔte 2:7 - Cebaara Bible 2010

⁷ Gee bee na Kolocɔlɔɔ mii télege mii í pye wi kanyaajooo, ní wi pìituɔn mii i kányɛɛgi nyuu, mii o finɛ í, mii i nyɛ syɛɛnfeleyi wozanya tamafɔlɔ tágali, ní kányɛɛgi ni.

1 Timɔte 2:7 Iomraidhean Croise

Ŋúnuyi 111:7

Wi kɔ́yi kapyegèlē ge nyɛ kányɛɛgi ní sínni. Syɔɔn n yɛlɛ wi tága wi tundunri myɛ na.

Syɛɛnjóow 1:12

Mii wi lè kacánw, mii n baa pye fànʔafɔlɔ Isirayɛli ye nyúngi na Zyerusalɛmi ni.

Syɛɛnjóow 7:27

Syɛɛnjóow n jo: Wéle, gee mii nyaa lè, amɛɛ mii kérigèle sɛʔɛ lè nibin nibin jàngó bi ge nyúngi cán.

Zyan 7:35

Lǎli bee ni a Zyefubèle i gi nyuu peyɛɛ ma níì jo: «Sán woro a zǐn kári níì jo wolo a ní woro nyaa í? A wi a tɔ̀ʔɔ́ kári lé wolo Zyefunyɛnbèle kurugo, bele be cariga lè n kári n sáà tɛ́ɛn ní syɛɛnfeleyaa ní yi lè Girɛkibèle, sáā bele bee tama yaà láà?

Kapyegèle 14:27

Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na.

Kapyegèle 22:21

A wi mii pye: ‹Yìri maa syée, níì cán mii a mɔ tun syɛɛnfeleyi ma tɛɛ̀leeliye ni.› »

Kapyegèle 26:20

Koro na mii da kári Damasi ma gbɛnʔɛnɛ ní Zyerusalɛmi ní, n fàra Zyude tári myɛ na, ní wɔ́ɔ̀ kári syɛɛnfeleyi ma n sa ni syɛ́ɛnri nyuu be ma níì be pye be kàdoʔo wáa be kapeegèle ma, pé kàri Kolocɔlɔɔ ma, páā kérigèle kpéʔele gele ge yɛlɛ ní kàdowaari ní kapeegèle ma lè.

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

Wɔrɔmi ye 1:9

Kolocɔlɔwee fáli mii kpéʔele lè ní mii fúngi myɛ ní ní i Syɛɛnjóocǎnri nyuu lè wi Jáaw kéele na, wi i nyɛ mii séera ncan mii i yele kéeli nyuu mii nyɛ́ɛriyi ni làla o làla.

Wɔrɔmi ye 10:14

Ki si ga pye pe ga tága wee na lè í, mɛ̀ɛ́ pe a ba ra wee bee mɛ́ʔɛ yiri bi sɛ́ɛ? Wee kéele li lè pe ga kɔ́ɔ̀ li lóʔo í, mɛ̀ɛ́ pe a ba tága wi na bi sɛ́ɛ? Kapye kanyaajooo ga wi kéeli joo be ma í, mɛ̀ɛ́ pe a li lóʔo bi sɛ́ɛ?

Wɔrɔmi ye 11:13

Tɔ́ɔliw ni mii a joo yele syɛɛnfeleyi wozanya ma, níì cán àmɛɛ mii nyɛ lè pìituɔn syɛɛnfeleyi wozanya ma, mii i mii fáliw bee kéele kpɔ́ʔɔgi,

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

Wɔrɔmi ye 9:1

Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni.

1 Korɛnti ye 9:1

Mii o nyɛ wɔ́rɔɔ ì? Mii o nyɛ pìituɔn ì? Mii ga wolo Kàfɔw Zyezu nyaa ì? Fáliw mii kpéʔele lè Kàfɔw ma, yele ban ye nyɛ fáliw bee ì?

2 Korɛnti ye 11:31

Kàfɔw Zyezu Kolocɔlɔw, wi lè wi Tóow, woro wee wi lè dùbanaa-bàngwɔɔw fɔ́lɔ, woro n gi cán mii o finɛ í!

Galasi ye 1:16

àmɛɛ ki wi dɛ́nɛ bi wi Jáaw tɛ̀ɛn mii na lè jàngó mii í da wi kéeli nyuu syɛɛnfeleyi ma lè, lǎli bee wonijanna ni mii ga syɔɔn faala yíbe í.

Galasi ye 1:20

Syɛ́ɛnri naa mii sɛ́bɛ lè bi tórigo yele ma, Kolocɔlɔɔ n gi cán jànvaa o nyɛ di ni í.

Galasi ye 2:16

Wolo si n gi cán ncan syɔɔn a gbǎn sínni taa Mowizi làlwaw kapyegèlē báriga ni í, fwɔɔ wi tága Kirisi Zyezu na, tágali bee báriga ni wi a sínni taa, a wolo tiimaa si wɔ́ɔ̀ tága Kirisi Zyezu na jàngó wolo í sínni taa tágali báriga ni Kirisi na, wolo a li taa làlwaw kapyegèlē báriga ni í, níì cán syɔɔn faala a sínni taa làlwaw kapyegèlē báriga ni í.

Galasi ye 2:9

Zyaki, ní Sefasi, ní Zyan be nyɛ lè mɔ a jo kpaʔa tiipɔɔlɔ bɛɛ, lǎli ni pe gi cán lè ncan Kolocɔlɔɔ wi kpɔ́ʔɔri kaan mii ma, a be be kàliige kɔ́yi le wolo ma, mii ní Barinabasi ní, a koro pye fɛ̀ɛ n wolo pínɛnyɛnnɛgi tɛ̀ɛn, níì jo wolo í da syée syɛɛnfeleyi ma, poro sáā syée kɛ́nɛw fɔ̀ɔlɔ ma.

Galasi ye 3:9

Kánmi bee na tágafɔbèle pínɛ ni dùbaw taagi ní tágafɔw Abirahami ní.

2 Timɔte 1:11

Syɛɛnjóocǎnri bee kéele na pe mii télege a mii pye di joofɔwaa, ní pìituɔn, ní tamafɔlɔ.

2 Pyɛri 2:5

Wi da wɔ́ɔ̀ booma dulunyanw yaʔa í, kàjáa Nowe wi da pye lè sínni syɛ́ɛnrɛ joofɔlɔ, wi maa woro syɔɔ n fàra syɛ̀ɛnnɛ kɔrɔsiin na, níì lònɛʔɛgi yaʔa a gi tìgi n too n Kolocɔlɔɔ yɛ́ʔɛnaa-sìnvyaabèle dulunyan tɔ́n.