1 Timɔte 2:6 - Cebaara Bible 2010

⁶ wee wi wiyɛɛ gaan lè syɛ́ɛnbèle myɛ nyùnzyɔɔrɔ kéele na, séeraw bee n kpéʔele làrijǎnni ni.

1 Timɔte 2:6 Iomraidhean Croise

Zyɔbi 33:24

lǎli bee ni wi a nyinimɛ taa wi na, si jo: ‹Wi syɔɔ, koro ga pye wi a kɔ́ tìgi bi jée weecurugi ni í! Mii n nyunzyɔɔrɔ kánma taa.›

Ezayi 53:6

Wo myɛ maa pùuni àmɛɛ bàala nyɛ lè, wo myɛ nibin nibin maa ni wo nyɛ́nɛ kóloyi lée, a Yawe si wo myɛ sìnzinmɛ túgoro tugo wi na.

Córolo 7:15

ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

Matye 20:28

Kánmi bee na Syɔɔn-pya wɔ́ɔ̀ pan, wi ga pan syɔɔn í ba ra báara wi ma í. Kàjáa wi n pan bi ba ra báara syɛ́ɛnbèle ma si wi sìíw kaan syɛ̀ɛnnɛ saʔa nyunzyɔɔrɔ kéele na.»

Mariki 1:15

níì jo: «Lǎli n foro, a Kolocɔlɔɔ fǎngi nùuni. Ye kàdoʔo wáa yele kapeegèle ma, yé tága Syɛɛnjóocǎnri na.»

Mariki 10:45

Níì cán Syɔɔn-pya ga pan syɔɔn í ba ra báara wi ma í. Kàjáa wi n pan bi ba ra báara syɛ́ɛnbèle ma, si wi sìíw kaan syɛ̀ɛnnɛ saʔa nyunzyɔɔrɔ kéele na.»

Zyan 10:15

àmɛɛ Tofɔw mii cán lè á mii wɔ́ɔ̀ Tofɔw cán. Mii n yére gi ni bi kùu mii bǎbèle nyùnzyɔɔrɔ kéele na.

Zyan 6:51

Mii wi nyɛ búruw, wee wi nyɛ lè sìíw wóo, níì yìri nyɛ̀ʔɛni na n tìgi naa. Syɔ́ɔnwee wi ga búruw bee lìi lè, wee bee a sìi taa, sìíwee wi nyɛ lè wi a kwɔ́ɔ bi nyaa í, búruwee mii a kaan lè, woro wi nyɛ mii céri, mii a di kaan dulunyanw syɛ̀ɛnnɛ myɛ sìitaara kéele na.»

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

Wɔrɔmi ye 5:6

Kányɛʔɛ na lǎli ni wolo da sèʔê pye lè báriga fun, a lǎli ga baa nan, lee Kolocɔlɔɔ da kɔ̀rirɔ n tɛ́ʔɛ lè, a Kirisi baa kùu Kolocɔlɔɔ yɛ́ʔɛnaa-sìnvyaabèle kéele na.

1 Korɛnti ye 1:6

Níì cán séeraw wolo kpéʔele lè Kirisi kéeli na, wi syɛ́ɛnri maa sámaga n tɛ́ɛn yele fúnyi ni.

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Galasi ye 1:4

Kirisi tiimaa n wiyɛɛ gaan wolo kapeegèle kéele na koro ga pye bi wolo syɔɔ dulunyanbeew naa ma, n yɛlɛ ní wolo Tóow Kolocɔlɔɔ nyɛ́nɛ kéeli ní,

Galasi ye 4:4

Kàjáa àmɛɛ lǎli baa foro lè, a Kolocɔlɔɔ wi Jáaw tórigo, a cɔlɔɔ baa wi see, wi n see Mowizi làlwaw làla ni,

Efɛzi ye 1:17

jàngó wolo Kàfɔw Zyezu Kirisi Kolocɔlɔw, wi lè nìjangbɔɔri Tofɔlɔ, woro í sícilimɛ fúnyo kaan yele ma, sáā wi kérigèle tèé yele na, koro ga pye yele í wi sámaga cán.

Efɛzi ye 1:7

Woro ni wolo nyùnzyɔɔri taa wi sìsyaanw wolo báriga ni ti lè wolo kapeegèle kùsulugo syɔɔlɔ n yɛlɛ ní wi kpɔʔɔnɛʔɛri ní.

Efɛzi ye 3:5

Kolocɔlɔɔ da li tɛ̀ɛn booma syɛ́ɛnbèle na í, àmɛɛ wi baa li tɛ̀ɛn lè wi pìitunjanbèle, ní wi kanyaajoobèle na tɔ́ɔliw ni Pìicǎnni báriga ni lè í,

Efɛzi ye 5:2

yaa táanri tàmagi na àmɛɛ Kirisi wɔ́ɔ̀ tàmaga le ní wolo ní lè níì wiyɛɛ gaan Kolocɔlɔɔ ma yakanʔa ní sáriga, wolo kéeli na àmɛɛ nùndaanna yáriga nyɛ lè.

2 Tesaloniki ye 1:10

lǎlee ni wi a pan ba kpɔ́ʔɔri taa wi syɛɛncanbèle kéele na lè, tágafɔbèle myɛ si ba ra káama wi na cángi bee. Yele wɔ́ɔ i nyɛ bele bee pèle, níì cán yele n tága wolo séeraw na.

1 Timɔte 6:15

wee Kolocɔlɔɔ a ba tɛ̀ɛn lè wi làridɛɛnni ni, woro wee nibin wi nyɛ lè dùbaw, ní séew myɛ Kàfɔlɔ, ní i nyɛ fànʔafɔbèle myɛ Fànʔafɔlɔ, ní wɔ́ɔ i nyɛ kàfɔbèle myɛ Kàfɔlɔ,

2 Timɔte 1:8

Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

Tiiti 1:3

Lǎlee wi da nyɛ́nɛ n wòlo lè, a li ga baa nan, a wi sìíw bee kéele tɛ̀ɛn wi syɛ́ɛnri báriga ni, dee wolo Syɔɔfɔw Kolocɔlɔɔ kàlifáa mii ma lè níì jo mii í da di nyuu.

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Heburubèle 9:12

Sikepɔɔlɔ ní náapiiye sisyaan báriga ni ban wi da jée tɛɛcàndelegi ni í, kàjáa wi tiimaa sìsyaanw báriga ni wi jée gi ni tɔlɔgɔ nibin pée. Kánmi bee na wi bàngwɔɔ syɔɔlɔ sámaga wolo ma.

1 Pyɛri 2:24

Wi tiimaa maa wolo kapeegèle túgoro tugo wiyɛɛ na tiiparigi na, koro ga pye wolo í kùu kapeegèle kàbaan na si pye sìi na sínni kàbaan na. Yele n pɔʔɔ wi kpúmɔnri námiya báriga ni.

1 Pyɛri 3:18

Níì cán Kirisi tiimaa n kùu tɔlɔgɔ nibin pée kapeegèle kéele na, wozinw n baa kùu syɛɛnnaa-sìnzinbèle sìndɛʔɛ ni, koro ga pye bi yele taa tórigo Kolocɔlɔɔ ma. Pe n wi kpóo céri kàbaan na, kàjáa Kolocɔlɔɔ n wi nyán n wéege Pìicǎnni báriga ni.

1 Zyan 4:10

Gee naa gi nyɛ tàmagi, ki o náā nyɛ mɔ a jo wolo bɛɛ wo tàmaga le ní Kolocɔlɔɔ ní í, woro wi tàmagi le ní wolo ní níì wi Jáaw tórigo naa. A wi baa pye wolo kapeegèle kùsulugo sáriga.

Tɛ̀ɛnnɛ 1:5

Zyezu Kirisi í wɔ́ɔ di kaan yele ma, wi nyɛ lè séerafɔjǎnw, woro wee wi nyán n yiri kúbèle nínge ni lè wozeliw, ní wɔ́ɔ i nyɛ dulunyanw fànʔafɔɔlɔ Fanʔafɔlɔ! Woro wee wi tàmaga le ní wolo ní lè níì wolo kapeegèle yapwɔɔrɔ sánʔana wolo na wi sìsyaanw wolo báriga ni,

Tɛ̀ɛnnɛ 5:9

A be i ŋúnuvɔngɔ ŋúu níì jo: «Mɔ wi nyɔɔ n yɛlɛ bi sɛ́bɛw syɔɔ, si wi fɛ̀ɛ́bèle múgu, níì cán pe maa mɔ kpóo, á mɔ syɛ́ɛnbèle syɔɔ n yaʔa Kolocɔlɔɔ ma mɔ sisyaanw wolo báriga ni, poro bele be yiri lè syɛ́ɛnbèle yòdaʔaya myɛ ni, ní syɛɛnfeleri joofɔɔlɔ myɛ, ní dulunyanw syɛ̀ɛnnɛ myɛ, ní syɛɛnfeleyi wozanya myɛ ni.