1 Timɔte 2:5 - Cebaara Bible 2010

⁵ Níì cán Kolocɔlɔɔ nibin wi yaà, kùsuluo nibin si wɔ́ɔ i yaà Kolocɔlɔɔ ní syɛ́ɛnbèle nínge ni, wi i nyɛ syɔɔn, woro wi nyɛ Kirisi Zyezu,

1 Timɔte 2:5 Iomraidhean Croise

Zyɔbi 9:33

Láʔafɔlɔ o nyɛ wo níngi ni í, wee wi a dée wi kɔ́gi taʔa wo syɛ́ɛnbèle siin na lè í.

Ezayi 44:6

Yawe wi lè Isirayɛli Fànʔafɔw, woro wee wi wi nyúngi syoo lè. Yawe wi nyɛ lè Nyɛ̀ʔɛni Sùlasiibéle Kafɔlɔ, wi n jo: «Mii wi nyɛ Wozeliw ní wɔ́ɔ i nyɛ Wozanw, wàa ní o nyɛ Kolocɔlɔɔ mii kàdoʔo ma í.

Matye 1:1

Zyezu Kirisi wi lè Davidi ní Abirahami jáaw, wi toolɛɛbèle mɛ́ɛyɛ yi nyɛ yee naa.

Matye 1:23

«Wéle, nàngeele sinján pìcaaw a ba fícɛnnɛ taa bi pyà see nàɔn, pe si a ra wi mɛ́ɛgi yiri Emanuwɛli. Ki kɔ́rɔw wi nyɛ, Kolocɔlɔɔ i nyɛ ní wolo ní.»

Luki 14:22

A cɛɛri ga pye a falipyew pan n baa jo: ‹Ni kàfɔlɔ, gee mɔ da joo lè, mii n sáà gi kpéʔele, koro ní ki myɛ ní kpáagi ga sèʔê nyìn í.›

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 17:3

Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw.

Kapyegèle 4:12

Syɔɔli a tée taa wàa nikwɔɔ ni woro kàdoʔo ma í. Níì cán Kolocɔlɔɔ ga níì mɛ́ɛgaa nikwɔɔ kaan syɛ́ɛnbèle ma dulunyanbo gee na wo yɛlɛ bi syɔɔ lè í.»

Wɔrɔmi ye 1:3

Syɛɛnjóocǎnri bee i wi Jáaw kéele nyuu, woro wee wi nyɛ lè Zyezu Kirisi, wi lè wolo Kàfɔw, pe n baa wi see Davidi yòdaʔayi ni céri kàbaan na,

Wɔrɔmi ye 10:12

Wàlima o nyɛ Zyefubèle ní syɛɛnfeleyi wozanya nínge ni í, níì cán Kàfɔlɔ nibin wi nyɛ pe myɛ nyúngo na, bele be wi mɛ́ɛgi yiri lè, wi i nyɛ yarigaa fɔ́lɔ bele bee myɛ kàbaan na.

1 Korɛnti ye 8:4

Gee mii a joo lè káari káala kéele na, dee be kúu yasunyi na lè koro gi nyɛ wolo n gi cán yasungo o nyɛ yafyɛn dulunyanw ni í, kolocɔlɔwaa nikwɔɔ ní o beè Kolocɔlɔw nibin kàdoʔo ma í.

1 Korɛnti ye 8:6

koro ní ki myɛ ní wolo má, Kolocɔlɔɔ i nyɛ nibin, woro wi nyɛ wolo Tóow, woro wee má yáriri myɛ yìri lè, wolo i nyɛ woro wòolo, Kàfɔw wɔ́ɔ i nyɛ nibin, woro wi nyɛ Zyezu Kirisi, woro wee báriga ni yáriri myɛ nyɛ lè n fàra wolo myɛ na.

Galasi ye 3:20

Ye wéle, kùsuluo o jǐn syɔɔn nibin nínge ni í, kàjáa Kolocɔlɔɔ si i nyɛ nibin.

Efɛzi ye 4:6

a Kolocɔlɔɔ wɔ́ɔ i nyɛ nibin wi lè tágafɔbèle myɛ Tóo, woro wi nyɛ pe myɛ nyúngo na, ní i nyɛ pe myɛ nínge ni, ní i nyɛ pe myɛ fúnyo ni.

Làlwaw Kaanziin 6:4

Lóʔo Isirayɛli Yawe wolo Kolocɔlɔw wi nyɛ Yawe nibin.

1 Timɔte 6:13

Kolocɔlɔɔ wi yáriri myɛ wéege lè, ní Kirisi Zyezu wi séeracǎnw kpéʔele lè Pɔnsi Pilati yɛ́ʔɛ ma, mii a gi joo bi gbàn mɔ ma poro nyɛ́nɛ na si jo,

Heburubèle 12:24

Yele n nùuni Zyezu na wi lè Kolocɔlɔɔ joogaanvɔnni sámagafɔlɔ, ní wi sìsyaanw na, wee be nyari nyari lè, wee syɛ́ɛnrɛ di tɛ́nɛ n sɔ̀lɔ lè Abɛli sìsyaanw wóro na.

Heburubèle 7:25

Gee bee na bele be nùuní lè Kolocɔlɔɔ na wi bárigaw ni, wi a tɔ̀nɔ́ gbǎn be syɔɔ foro péw, níì cán wi i nyɛ sìi na làla o làla jàngó bàā nyɛ́ɛri be kéeli na.

Heburubèle 8:6

Kàjáa fáliwee wi nyɛ Kirisi ma lè tɔ́ɔliw ni, wi n nyɔɔ n sɔ̀lɔ sáriga-wòlobèle wóo na, níì cán woro wi baa pye joogaanni kpéʔelefɔlɔ Kolocɔlɔɔ ní syɛ́ɛnbèle nínge ni, joogaanni bee n nyɔɔ n sɔ̀lɔ wolɛɛli na, li kàpɔɔnw i nyɛ nyɔɔfaliya, yee yi nyɔɔ n sɔ̀lɔ lè wolɛɛyi na.

Heburubèle 9:15

Koro na wi nyɛ joogaanvɔnni kùsuluzuluo àmɛɛ wi baa kùu lè syɛ́ɛnbèle kakolobyere kéele na, bele pe da pye lè joogaanlɛɛli làla wòolo, kánmi bee na wi gbàn n bàngwɔɔ kɔ́rigi kaan Kolocɔlɔɔ syɛɛn-yeribèle ma pe gi lìi bi yɛlɛ ní wi nyɔɔfaligi ní.

1 Zyan 2:1

Ni pìibēle, mii i kérigèle naa sɛ́bɛ bi tórigo yele ma koro ga pye yele a ní kɔ́ ra kapeegèle kpéʔele í. Wàa si ga kapeele kpéʔele, dɛ̀ɛmɛfɔlɔ i yaà wolo ma Tofɔw taana, dɛ̀ɛmɛfɔw bee wi nyɛ Zyezu Kirisi wi lè Wozinw.

Tɛ̀ɛnnɛ 1:13

wàa si maa pye ge níngi ni, wi maa syɔɔn-pya wíri. Burodɔnɔgɔ maa pye wi na, fwɔɔ n baa nan yédefabiyi na, tɛɛ̀ sɛntiiri maa pye wi na wobwɔɔɔ ní fìcibigi ni.