1 Timɔte 2:4 - Cebaara Bible 2010

⁴ Wi i caa syɛ́ɛnbèle myɛ í syɔɔ, si kányɛɛgi myɛ cán.

1 Timɔte 2:4 Iomraidhean Croise

Ezayi 45:22

Ye kolo ye lúru ye pan mii ma, yele a syɔɔ, yele tári láʔagéle woolo myɛw! Níì cán mii wi nyɛ Kolocɔlɔɔ, wàa ní o yaà í.

Ezayi 49:6

Wi n jo: «Bi mɔ kpéʔele mii falipyeo, bi ní Zyakɔbi syɛɛnfeleyi yìrige, bi ní lúru pan ní Isirayɛli wogorobèle ní, koro a sèʔé gi yɛlɛ í. Kàjáa mii a mɔ télege mɔ í pye tári syɛɛnfeleye gbɛɛnmɛ. Koro ga pye syɔɔli mii kaangi lè, li nan fwɔɔ tári láʔala na.»

Ezayi 53:11

Wi fúngi wɔʔɔgɔ kadoʔo ma, gee wi a nyaa lè koro a wi yɛlɛ. Mii falipyew wi sín lè, wi a syɛɛnnɛʔɛmɛ kpéʔele syɛɛnsinbéle, wi cánni báriga ni pe a taa lè, si wi nyúngi le be kolomi kèlē láara ni.

Ezayi 55:1

«Ee, yele bele myɛ na lògbaʔa nyɛ lè, yaa maa lǒgi ma, àlí bele be lè wáli o nyɛ be ma í! Yaa maa ye ba syɔɔ ye lìi kawaʔa na, yaa maa ye ba dùvɛɛnw ní nɔ́nɔw syɔɔ wáli fun ni.

Ezekyɛli 18:23

A mii i syɛɛnpeew kùu caa lé? Kàfɔw Yawe wi jo nya. Gee mii caa lè koro ban gi nyɛ wi wàli bi yiri wi kólogi ni si kòro sìi na ì?

Ezekyɛli 18:32

Níì cán syɔɔnwaa faala kuu kéele tɔ̀nɔ́ o nyɛ mii kanidaanna í. Kàfɔw Yawe wi jo nya. Koro na, ye kàri, yé kòro sìi na.»

Ezekyɛli 33:11

Ki joo be ma mí be pye: ‹Mii woweew mɛ́ʔɛ na, Kàfɔw Yawe wi jo nya, syɛɛnpeew kùu kéele o nyɛ mii kanidaanna í, fwɔɔ syɛɛnpeew í wi tánʔaganmi fàli si kòro sìi na. Ye lúru yaa maa, ye lúru yaa maa, yé yele kobeegi yaʔa. Nyàʔá na gi yɛlɛ yele í kɔ́ kùu, Isirayɛli kpáagi wòolo?›

Habakuki 2:14

Níì cán tári a ba nyìn Yawe nìjangbɔɔri cánna na àmɛɛ lǒyi sólomi lɔ̀ʔɔ nyìn lè.

Matye 28:19

Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na,

Mariki 16:15

Lǎli bee ni a Zyezu gi joo be ma níì jo: «Yaa syée dulunyanw tɛ́ɛyɛ myɛ ni ye sa ra Syɛɛnjóocǎnri nyuu syɛ́ɛnbèle myɛ ma.

Luki 1:77

sáā syɔɔli kéele nyuu wi syɛ́ɛnbèle ma koro ga pye be li cán, pe kapeegèle kùsulugo syɔɔlɔ báriga ni.

Luki 14:23

A kàfɔw níì falipyew pye: ‹Da syée kogboloyi, ní tɛɛsùluyi sɔ́lɔgɔmɔ ni mi sa syɛ́ɛnbèle ŋàʔana paa maa koro ga pye mii kpáagi í ba nyìn.

Luki 24:47

Ní níì jo, pe a sa ra nyuu syɛɛnfeleyi myɛ ma woro mɛ́ɛgi na àmɛɛ gi yɛlɛ be kàdoʔo wáa pe kapeegèle ma lè, ge kùsulugi si syɔɔ, pe si a gi séli Zyerusalɛmi na.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 17:17

Maa be sámagi maa yaari miyɛɛ ma kányɛɛgi báriga ni, níì cán mɔ syɛ́ɛnri di nyɛ kányɛɛgi.

Zyan 6:37

Bele Tofɔw kaangi mii ma lè, bele bee myɛ a ra maa mii ma, syɔ́ɔnwee wi ga pan mii ma lè, mii a tée wee bee nɛnɛ yirige kàfugi na í.

Wɔrɔmi ye 11:14

koro ga pye bi kayaʔa lége mii felegefɔ-nyɛ́nbèle ni, jàngó poro pèle í taa syɔɔ.

1 Timɔte 4:10

Kolocɔlɔɔ woweew wi nyɛ wolo sɔ̀ngumi tɛɛtaʔaga, woro wee wi nyɛ lè syɛ́ɛnbèle myɛ syɔɔfɔlɔ n náa kɔ́ɔ̀ yére tágafɔbèle na, gee bee na wolo báara ní i kapɛɛnni kpúmɔn.

2 Timɔte 2:25

Ki n yɛlɛ waa kàkabalayi fɔ̀ɔlɔ tama ní funjànga ní, dɔ̀ʔɔ́ Kolocɔlɔɔ a be sɔ̀nguri kàriga, pe kàdoʔo wáa pe kapeegèle ma si kányɛɛgi cán,

2 Timɔte 3:7

Pe i tama làrigèle myɛ ni, pe si a tée gbǎn kányɛɛgi fílige cán í.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

Tiiti 2:11

Kolocɔlɔɔ n wi kpɔ́ʔɔri tɛ̀ɛn jàngó syɛ́ɛnbèle myɛ í syɔɔli taa.

Heburubèle 10:26

Níì cán wolo ga woyɛɛ dɔri ní i kapeegèle kpéʔele n gi yaʔa wolo n kányɛɛgi cán n kwɔ́ɔ, wo gi cán kapeegèle kùsulugo syɔɔlɔ sárigawaa faala ga níì kòro í.

Zyaki 3:14

Kàjáa yele fúnyi ga nyìn nyabɛɛnni ní fungbɔɔgi na, ki ga yɛlɛ yaa yeyɛɛ nyɛ́nɛ ní yele sícilimi bee ní í, yele ga ni koro kpéʔele, ye gi cán yele n kányɛɛgi cée.

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.

2 Zyan 1:1

Mii wee wi nyɛ lè Egiliziw wolɛɛɔ, cɔlɔɔ, mii a sɛ́bɛw naa tórigo mɔ ní mɔ piibèle ma, mɔ wee wi nyɛ lè Kolocɔlɔɔ syɛɛnnyɛnɛ-wòloo. Yele kéeli n mii dɛ́nɛ kányɛʔɛ ni, mii nibin si ban í, fwɔɔ bele myɛ be kányɛɛgi cán lè, yele kéeli n wɔ́ɔ̀ bele bee dɛ́nɛ

Tɛ̀ɛnnɛ 14:6

A mii níì nyɛ̀ʔɛni tundunwaa nikwɔɔ nyaa wi i sɔ̀lɔ́ ǹjogi ni fókaanya na. Bàngwɔɔ Syɛɛnjóocànra maa pye wi ma bi joo tári syɛ̀ɛnnɛ ma, gee bee n jo, syɛɛnfeleyi myɛ, ní syɛɛnfeleyi yòdaʔaya myɛ, ní syɛɛnfeleri joofɔɔlɔ myɛ, ní dulunyanw syɛ̀ɛnnɛ myɛ ma.