1 Timɔte 2:3 - Cebaara Bible 2010

³ Gee bee n nyɔɔ wolo Syɔɔfɔw Kolocɔlɔɔ ma, níì wi dɛ́nɛ.

1 Timɔte 2:3 Iomraidhean Croise

Ezayi 45:21

Ye yele wóri joo, yé kérigèle tɛ̀ɛn gele ge nyɛ yele ma lè! Alí ye caa pínɛ ye yeyɛɛ nyaa ye joo. Wìí wi da téè gee bee joo yaà gbɛnʔɛnɛ? Wìí wi ge tɛ̀ɛn yaà làridɔɔnnɔ ni? Mii Yawe ban ì? Kolocɔlɔwaa ní o yaà n fàra mii na í, Kolocɔlɔwee wi sín lè, ní i syɔɔn syoo, wi wàa ní o yaà kapye mii ban í.

Luki 1:47

Mii pǐli si i fundaanra kpéʔele mii Syɔɔfɔw kéele na, wi lè Kolocɔlɔɔ.

Wɔrɔmi ye 14:18

Wee wi ga ni báara lè Kirisi ma kánmi bee na, woro kéeli n Kolocɔlɔɔ dɛ́nɛ, á wi mɛ́ɛtanʔa taa syɛ́ɛnbèle ma.

Filipikaʔa ye 1:11

Zyezu Kirisi si yele fúnyi nyìn kasinbyeri na, koro ga pye nìjanri ní kpɔ́ʔɔri sáā taari Kolocɔlɔɔ na.

Filipikaʔa ye 4:18

Mii si n yáriri myɛ taa, a di nɛʔɛ naa mii ma n sɔ̀lɔ. Yáriree yele da kaan Epafuroditi ma níì jo wi ba di kaan mii ma lè, mii n di taa, yáriri bee n mii tín, ti i nyɛ nùndaanna yárira, ní i nyɛ sárigacàɔn, wee wi Kolocɔlɔɔ dɛ́nɛ lè.

Kɔlɔsi ye 1:10

Ki ga pye nya, kánmee na Kàfɔw caa yele í da táanri lè, yele a gbǎn ra táanri kánmi bee na, yele kérigèle myɛ sáā wi dàán, yele sáā yasanra sangi kapyejǎngèle myɛ ni, kàa sáā fàrá yele na Kolocɔlɔɔ cánni kàbaan na.

1 Tesaloniki ye 4:1

Ni senyɛ̀nnɛ, dee wolo a ní joo lè toro di nyɛ dee naa, tánʔaganmee na yele yɛlɛ bàā táanri lè yele kéeli si Kolocɔlɔɔ dɛ́nɛ, yele n tánʔaganmi bee tama wolo ma. Kánmi bee na si yele wɔ́ɔ̄ táanri. Wolo si sèʔé i yele nyɛ́ɛri ní i yele kɛɛlɛ Kàfɔw Zyezu mɛ́ɛgi na níì jo, ye ní yaa kàa fàrá gee bee na.

1 Timɔte 1:1

Mii Pɔli i nyɛ Kirisi Zyezu pìituɔn n yɛlɛ ní tundunri ní dee wolo Syɔɔfɔw Kolocɔlɔɔ ní Kirisi Zyezu kaan mii ma lè, woro wee wi lè wolo sɔ̀ngumi tɛɛtaʔaga.

1 Timɔte 4:10

Kolocɔlɔɔ woweew wi nyɛ wolo sɔ̀ngumi tɛɛtaʔaga, woro wee wi nyɛ lè syɛ́ɛnbèle myɛ syɔɔfɔlɔ n náa kɔ́ɔ̀ yére tágafɔbèle na, gee bee na wolo báara ní i kapɛɛnni kpúmɔn.

1 Timɔte 5:4

Pìibēle si ga pye pe wàa ma, koro ga jáa wi pìíbèle pìibēle yoo, ki n yɛlɛ bele bee í da Kolocɔlɔɔ yɛ́ɛgi fyáara kele tama pe tiimaa narigbaagi wólɛɛbéle kabaan na, níì cán pe ga ni pe seefɔbèle gɔ̀lɔbéle wóo be ma, gee bee gi Kolocɔlɔɔ dɛ́nɛ.

2 Timɔte 1:9

Woro wi wolo syɔɔ níì wolo yeri jàngó wolo í pye woro syɛɛncanbéle, wolo kapyegèle kéele si na ban wi wolo syɔɔ í, fwɔɔ woro tiimaa kakɔrirɔli, ní wi kpɔ́ʔɔri kéele na, dee wi da kaan wolo ma lè Kirisi Zyezu ni sáni dulunyanw í séli lè.

Heburubèle 13:16

Ki si ga yɛlɛ yele í fɛ̀ʔɛ kacànbyeri na í, wàlá bàā tàa wóo yele kɔ́lɔ yáriri ni bàā kaangi syɛ́ɛnbèle ma, ki ga yɛlɛ yele í fɛ̀ʔɛ gee bee na í, níì cán sáriga-wòlori bee félege di Kolocɔlɔɔ dɛ́nɛ.

1 Pyɛri 2:20

Pe ga ni yele kpúmɔn yele kapeebyeri kéele na, á yele gi kpàraco, wìí wi a yele sòolo gee bee na? Kàjáa yele ga ni wɔʔɔ yele kapyejǎngèle kéele na ní i gi kpàracó, gee bee gi nyɔɔ Kolocɔlɔɔ nyɛ́nɛ na.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.