1 Timɔte 2:2 - Cebaara Bible 2010

² gee bee í pye fànʔafɔbèle ní syɛɛnkpolobèle myɛ kéele na koro ga pye wolo si kòro ŋɔ́ndaala ní yɛɛ̀nyinge na, sáā fɛ̀ɛgí Kolocɔlɔɔ na, si wɔ́ɔ ra kasingèle myɛ kpéʔele.

1 Timɔte 2:2 Iomraidhean Croise

2 Samyɛli 20:19

Wolo i nyɛ fûnnyinge fɔɔlɔ ní tágala syɛɛnnɛ Isirayɛli tári ni. Mɔ si i caa bi kěgi naa jaa ki nyɛ lè àmɛɛ nafɔlɔ nyɛ Isirayɛli ni. Nyàʔá na mɔ caa bi Yawe kɔ́rigi kálagi?»

Ɛsidirasi 6:10

Koro ga pye paa nùndaanni sáriga wóo nyɛ̀ʔɛni Kolocɔlɔɔ ma, sáā Kolocɔlɔɔ nyɛ́ɛri fànʔafɔw sìi, ní wi jáabèle sìi kéele na.

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Ŋúnuyi 72:1

Salomɔn wógi. Ee Kolocɔlɔɔ, ki n yɛlɛ mi mɔ kútiiw kèlē cɔɔnriganma kaan fànʔafɔw ma, mɔ sínni kaan fànʔafɔw jáa ma!

Kàseegèle 24:21

Ni pyà, da fɛ̀ɛgí Yawe, ní fànʔafɔw na. Mɔ a kɔ́ miyɛɛ nyáʔami syɛ́ɛnbèle bele ni be fíigi ni máari lè í.

Zyeremii 29:7

Kěgee ma mii yele cò n tórigo lè, yaa gi yɛɛ̀nyingi caa, yáā kacànga nyɛ́ɛri Yawe ma gi kéeli na. Níì cán koro yɛɛ̀nyingi ni yele wógi a taa.›

Luki 1:6

Pe myɛ siinw maa pye syɛɛnsinbéle Kolocɔlɔɔ yɛ́ʔɛ ma, ní tɔ̀nɔ́ i Kàfɔw tundunro, ní wi kajoodɛɛngèle myɛ kpéʔele tɛɛkolobile fun.

Luki 2:25

Nànwaa si maa pye Zyerusalɛmi ni pe i wi yiri Simeyɔn. Nǎnw bee maa pye syɛɛnsiɔn, ní i fɛ̀ɛgí Kolocɔlɔɔ na, ní wɔ́ɔ i yɛɛ̀nyingi sige, gee Kolocɔlɔɔ da joo wi a ba kaan Isirayɛli ye ma lè. Pìicǎnni si maa ni wi kàragí.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

Kapyegèle 24:16

Koro na mii wɔ́ɔ i ŋàʔaná làrigèle myɛ ni koro ga pye mii fúngi í fílige Kolocɔlɔɔ ní syɛ́ɛnbèle yɛ́ʔɛ ma.

Wɔrɔmi ye 12:18

Gee myɛ yele a gbǎn kpéʔele lè si pye bɛ̀ɛlɛ na ní syɛ́ɛnbèle myɛ ní, yaa gee bee kpéʔele.

Filipikaʔa ye 4:8

Ni senyɛ̀nnɛ, gee gi syɛɛnsanri kwɔ́ɔ lè, toro di nyɛ kérigèle gele myɛ ge nyɛ lè kányɛʔɛ, ní gele myɛ ge líbe lè, ní gele myɛ ge sín lè, ní gele myɛ ge fílige lè, ní gele myɛ ge nyɛ lè tàmagi wòʔolo, ní gele myɛ ge nyɛ lè wojangéle ní, kapye ke n nyɔɔ níì yɛlɛ ní kpɔʔɔrɔ ní, yaa kérigèle bee sɔ̀ngí.

1 Tesaloniki ye 4:11

yé wɔ́ɔ ŋàʔana ye kòro fûnnyinge na, yáā yele tiimaa kérigèle kɔ̀rɔsíi, yáā báara ní yele kɔ́yi ní àmɛɛ wolo da gi joo n gbàn yele ma lè.

Heburubèle 12:14

Ki n yɛlɛ ye ŋàʔana ye pye bɛ̀ɛlɛ na ní syɛ́ɛnbèle myɛ ní, yé wɔ́ɔ pye funviire na, níì cán syɔɔn faala a gbǎn Kàfɔw nyaa funviiri kàdoʔo ma í.