1 Timɔte 2:15 - Cebaara Bible 2010

¹⁵ Koro ní ki myɛ ní cɔlɔɔ a syɔɔ pìiseeri báriga ni, ní wi ga tɛ́nɛ̀ kòro tágali, ní tàmagi ni, ní wɔ́ɔ̀ kòro funviire na, ní i màama kpéʔele.

1 Timɔte 2:15 Iomraidhean Croise

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Ezayi 9:6

Fǎngi a ra caragi da syée, bàngwɔɔ yɛɛ̀nyinge si kaan Davidi fàngoli, ní wi fǎngi ma, bi gi báriga, si gi sígi yérige kányɛɛgi, ní sínni báriga ni, bi séli lǎli naa na bàā syée yaà làla o làla. Koro gi nyɛ Nyɛ̀ʔɛni Sùlasiibéle Kafɔlɔ Yawe fúngi ni, wi a gi kpéʔele.

Zyeremii 31:22

Làlìí ni mɔ a láʔa nya curugo-mí-màʔaw na, calipii-niceele? Níì cán Yawe i yafɔngɔ kpéʔele tári na. Céw n lúru ni nǎnw caa!»

Luki 2:7

a wi wi pìiseliw see nàɔn, níì wi mígi ní fàni ní n sínɛgɛ yaweeri yaliire yalege ni, níì cán pe da tɛɛgaa taa nibɔndirige-kpáagi ni í.

1 Korɛnti ye 12:23

Wolo céri tɛ́ɛyɛ wolo sɔ̀ngí lè yi ga yɛlɛ ní kpɔʔɔrɔ ní í, wolo si n kpɔ́ʔɔri myɛ taʔa yi na. Tɛ́ɛyee si wolo làragí lè fɛ̀ɛ́ri kéele na, wolo i yee bee kpɔ́ʔɔgi n sɔ̀lɔ wozanyi na.

1 Timɔte 1:14

Wolo Kàfɔw n tɔ̀nɔ n kpɔʔɔrɔ kaan mii ma saʔa, n fàra tágali, ní tàmagi na, dee wo taagi lè Kirisi Zyezu ni.

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

1 Timɔte 2:9

Kánmi bee na cébèle wɔ́ɔ̀ yɛlɛ paa peyɛɛ vèré ní fànibèle ní kɔ̀rɔsíi na, sáā gee bee kpéʔele ní fɛ̀ɛrɛ, ní màama ní, pe a kɔ́ ra peyɛɛ vèré ní nyùnbwɔɔfeleraa ní í, wàlá tɛ́ɛw lele yoo, lɔgbanri kɔ́nɔtiriye yoo, lɔgbanri fànibēle yoo,

Tiiti 2:12

Toro di gi tèé wolo na ki n yɛlɛ wolo í Kolocɔlɔɔ yɛ́ʔɛnaa-sìnvyaari ní dulunyanw ki laànitaʔa yaʔa sáā táanri yákirii na, ní sínni, ní Kolocɔlɔɔ yɛ́ɛgi fyáara na lǎli naa ni,

1 Pyɛri 4:7

Yáriri myɛ làrigwɔɔlɔ n nùuni. Koro na gi yɛlɛ ye pye yákirifɔɔlɔ, yé yeyɛɛ cǒmi cán, yáā Kolocɔlɔɔ nyɛ́ɛri.