1 Timɔte 2:10 - Cebaara Bible 2010

¹⁰ fwɔɔ kacànbyeri di yɛlɛ bi pye be fèredi, gee bee gi yɛlɛ cébèle í da kpéʔele, poro bele be jo lè pe i fɛ̀ɛgí Kolocɔlɔɔ na.

1 Timɔte 2:10 Iomraidhean Croise

Kàseegèle 31:25

Fǎngi ní kpɔ́ʔɔri i nyɛ wi na yalere, wi i nyɛ̀ʔɛnaw tɛ́ʔɛ.

Kàseegèle 31:31

Ye wi kɔ́yi fáli tɔ̀nɔ kaan wi ma, wi kapyegèle sáā wi sòoló kpàánweegèle na.

Kapyegèle 9:36

Pìitamawaa maa pye Zyɔpe ni cɔlɔɔ, pe i wi yiri Tabita, ní si i wi yiri Girɛkiiri ni Dɔrikasi. Wi maa ni kacàngēle saʔa kpéʔele, ní i foomɔfɔbèle dɛ̀ɛmɛ́.

Kapyegèle 9:39

A Pyɛri yìri n kári ní be ní. A wi ga sáà nan yaà, a be wi kɔ́ri n lúgu kpaataʔagi na. A lɔgucebèle myɛ nùuni wi na n ba ni nyaan, ní i be búroyi ní be fànibèle tèé wi na dee Dɔrikasi jɔli n kaan poro ma lè, lǎli ni wi pye ní poro ní lè.

Efɛzi ye 2:10

Níì cán wolo i nyɛ Kolocɔlɔɔ kɔ́yi yakpéʔelere, wi n wolo faan Kirisi Zyezu ni, koro ga pye wolo í da kacǎngèle kpéʔele, gele woro da kɔ̀rirɔ n sámaga lè jàngó wolo í da táanri ge ni.

1 Timɔte 2:11

Ki n yɛlɛ cɔlɔɔ í da tamani lúro pyèrio, sáā lúro tamafɔbèle ma kányɛʔɛ ni.

1 Timɔte 2:9

Kánmi bee na cébèle wɔ́ɔ̀ yɛlɛ paa peyɛɛ vèré ní fànibèle ní kɔ̀rɔsíi na, sáā gee bee kpéʔele ní fɛ̀ɛrɛ, ní màama ní, pe a kɔ́ ra peyɛɛ vèré ní nyùnbwɔɔfeleraa ní í, wàlá tɛ́ɛw lele yoo, lɔgbanri kɔ́nɔtiriye yoo, lɔgbanri fànibēle yoo,

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.

2 Pyɛri 3:11

Ki si ga pye yáriri bee myɛ a ba kálagi kánmi bee na, mɛ̀ɛ́ yele nàʔaganmi yɛlɛ bi pye? Fwɔɔ yele í da nàʔajànma náari Kolocɔlɔɔ yɛ́ɛgi fyáara na,

Tɛ̀ɛnnɛ 2:19

Mii n mɔ kapyegèle, ní mɔ tamagi, ní mɔ tágali cán, n fàra mɔ fáliw, ní mɔ kparacogi na, mii n gi cán ncan kérigèle mɔ kpéʔele lǎli naa ni lè, ke n nɛʔɛ n sɔ̀lɔ wozeligèle na.