1 Timɔte 2:1 - Cebaara Bible 2010

¹ Gee gi nyɛ mii ma lè bi joo wozeligi, koro gi nyɛ syɔɔn í da Kolocɔlɔɔ nyɛ́ɛri, sáā wi kpɔ̀ʔɔrɔ́, sáā nyɛ́ɛri syɛ́ɛnbèle myɛ kéele na, si wɔ́ɔ ra bariga kaangi wi ma pe myɛ kéele na,

1 Timɔte 2:1 Iomraidhean Croise

Ɛsidirasi 6:10

Koro ga pye paa nùndaanni sáriga wóo nyɛ̀ʔɛni Kolocɔlɔɔ ma, sáā Kolocɔlɔɔ nyɛ́ɛri fànʔafɔw sìi, ní wi jáabèle sìi kéele na.

Ŋúnuyi 72:19

Wi nìjangbɔɔri mɛ́ʔɛ n yɛlɛ ní kpɔ̀ʔɔrɔlɔ ní làla o làla! Tári myɛ n yɛlɛ bi nyìn wi nìjangbɔɔri na! Amiina! Amiina!

Zyeremii 29:7

Kěgee ma mii yele cò n tórigo lè, yaa gi yɛɛ̀nyingi caa, yáā kacànga nyɛ́ɛri Yawe ma gi kéeli na. Níì cán koro yɛɛ̀nyingi ni yele wógi a taa.›

Kapyegèle 17:30

Kolocɔlɔɔ ga níì córo syɛ́ɛnbèle kanaa-sìnjánma larigéle na í, kàjáa tɔ́ɔliw ni wi i gi nyuu syɛ́ɛnbèle myɛ ma tɛ́ɛyi myɛ ni níì jo be kàdoʔo wáa be kapeegèle ma.

Wɔrɔmi ye 1:8

Mii i bariga kaangi mii Kolocɔlɔw ma gbɛnʔɛnɛ yele myɛ kéeli na Zyezu Kirisi bárigaw ni, àmɛɛ pe yele tágali kéele nyuu lè dulunyanw tɛ́ɛyɛ myɛ ni.

Wɔrɔmi ye 6:17

Ki n yɛlɛ waa bariga kaangi Kolocɔlɔɔ ma, níì cán yele maa pye kapeebyeri púloro ni, kàjáa tamalee na pe yele tama lè, a yele lee bee cò ní yele fúnyi myɛ ní.

1 Korɛnti ye 15:3

Dee mii da sélì lóʔo lè, toro mii da wɔ́ɔ̀ joo yele ma ti lè syɛ́ɛnri myɛ nyúngo. Koro gi nyɛ Kirisi n baa kùu wolo kapeegèle kéele na, àmɛɛ Syɛɛnsɛbɛri gi joo lè.

2 Korɛnti ye 8:6

Gee bee na wolo Tiiti nyɛ́ɛri wi kári yaà yele ma, koro ga pye àmɛɛ wi kpɔ́ʔɔri naa fáli séli yaà yele ma lè, wi sa wi foro.

Efɛzi ye 3:13

Gee bee na mii i yele nyɛ́ɛri jàngó yele a kɔ́ mii wɔʔɔli kéele yaʔa li yele fɔ̀rɔ yele fúnyi ni í, lee li tuun mii na lè yele kéeli na. Loro li nyɛ yele kpɔ́ɔmi sábabu.

Efɛzi ye 5:20

Ki n yɛlɛ yaa bariga kaangi Tofɔw Kolocɔlɔɔ ma làrigèle myɛ ni kérigèle myɛ na wolo Kàfɔw Zyezu Kirisi mɛ́ɛgi na.

Efɛzi ye 6:18

Ki n yɛlɛ yaa nyɛ́ɛrigboloyi féleye myɛ nyɛ́ɛri Kolocɔlɔɔ ma làrigèle myɛ ni Pìicǎnni ni. Ki n yɛlɛ ye kòro nyɛ̀nɛ na yáā nyɛ́ɛri ní lòmaana ní Kolocɔlɔɔ syɛɛncanbèle myɛ kéele na.

Filipikaʔa ye 1:3

Mii ga tɛ́nɛ̀ sɔ̀ngi n taa yele kéeli na lǎlee myɛ ni lè, mii n fala n bariga kaan mii Kolocɔlɔw ma lǎli bee ni.

Filipikaʔa ye 4:6

Ki ga yɛlɛ yele í yele fúnyi yaʔa yaa curugu yele na yarigaa faala na í. Yariga o yariga láa gi nyɛ yele na lè, yaa gee bee nyuu yaa tèé Kolocɔlɔɔ na ní nyɛ́ɛrigɛ, ní nyɛ́ɛrigboloyo, ní bariga kaanna ní,

1 Tesaloniki ye 3:12

Tàmagee yele le ní yeyɛɛ ní lè n náà fàra syɛɛnsanbèle myɛ na, ki n yɛlɛ Kàfɔw í gi yaʔa kàa í da taari tàmagi bee na yele ma ki pye àmɛɛ wolo wógi nyɛ lè gee wolo le ní yele ní lè.

2 Tesaloniki ye 1:3

Ni senyɛ̀nnɛ, àmɛɛ kàa fàrá yele tágali na lè gbanʔama, á yele tàmagi si wɔ́ɔ i kpɔ́ʔɔgi ni syée, gee yele myɛ nibin nibin le ní yeyɛɛ ní lè, koro na gi yɛlɛ wolo í da bariga kaangi Kolocɔlɔɔ ma làla o làla yele kéeli na, koro gi sín.

1 Timɔte 2:4

Wi i caa syɛ́ɛnbèle myɛ í syɔɔ, si kányɛɛgi myɛ cán.

1 Timɔte 5:5

Wee wi ga pye lè lɔgucaateleo ní i nyɛ wi nibin, wee bee n wi sɔ̀ngumi taʔa Kolocɔlɔɔ na, níì kòro ni wi nyɛ́ɛri, ní i wi kpɔ̀ʔɔrɔ́ canʔa ní yébilige.

2 Timɔte 2:24

Kàfɔw falipyeo ga yɛlɛ waa kàsii kúunri í. Fwɔɔ waa fûnnyinge kpéʔele ní syɛ́ɛnbèle myɛ ní, si gbàn syɛ́ɛnbèle tamaganma na, si wɔ́ɔ pye kpàracogofɔlɔ.

Tiiti 2:11

Kolocɔlɔɔ n wi kpɔ́ʔɔri tɛ̀ɛn jàngó syɛ́ɛnbèle myɛ í syɔɔli taa.

Tiiti 3:2

ki ga yɛlɛ pe kɔ́ wàa faala mɛ́ʔɛ kálagi í, koro ga jáa bi kàsii kúun wàa ma í, ki n yɛlɛ be pye fûnnyingefɔɔlɔ sáā màama kpéʔele syɛ́ɛnbèle myɛ ma kányɛʔɛ ni.

Heburubèle 6:11

Wolo si i caa yele myɛ nibin nibin í pínɛ da ŋàʔaná gbanʔama bi taa sa nan ki kwɔ́ɔmi na, jàngó gee na yele yele sɔ̀ngumi taʔa lè, yele í ki myɛ taa.

Zyaki 5:16

Gee bee na gi yɛlɛ yaa yèré yele kapeegèle ni, yáā ge nyuu yaa tèé yeyɛɛ na, yáā nyɛ́ɛri yeyɛɛ kéeli na, koro ga pye yele si pɔʔɔ. Syɔ́ɔnwee wi nyɛ lè syɛɛnsiɔn, wee bee nyɛ́ɛrigɛ tɔ̀nɔ́ i nyɛ ní báriga ní, fànʔa i nyɛ gi ni bi gbǎn kakpoloyo kpéʔele.